#عيسى_يحكي
قدمت بخطواتي ناحيتهم وعديت بعينيا عليهم وركزتهم علاها نحكي
انا :" شبيكم ساكتين ؟ شنوة نقبل ؟"
حطت الشوكة من يداها وغزرتلي تحكي
لارين :" خالد قال بش نبقاو ايامات هناا.. قتلو انشالله عيسى يقبل "
هزيتلها براسي باهي وجبدت الكرسي.. قعدت مقابلها وبجنب خالد نحكي
انا :" شبيكم تتعشاو وحدكم ؟"
خالد:"جمال عندو خدمة وآنجيلا مازالت تصنف.. وانا ولارين جعناا عاد مانجمناش نستناوكم اكثر من هكا "
هزيتلو براسي باهي نحكي
انا :" فهمت "
غزرتلها كيفاه عدات بعيناها علياا وطبست رأسها.. قحرتلها وغزرت لخالد يحكي
خالد:" شبيك لتو انت زادة؟"
انا :" خذاتني عيني "
خالد:" صحة نوم "
هزيتلو براسي اي وبقيت ناكل..شوي وخلط علينا جمال ومعاه آنجيلا.. غزرتلها كيفاه تتعشى وتضحك مع آنجيلا.. تلفتت على صوت جمال يحكي
جمال :" غدوة نخرجو 10 يساعدك عيسى ؟"
حطيت لمغرفة من يدي نحكي
انا :" اي يساعدني.. خير خلينا نكملو بكري "
خالد:" شرايكم نكملو ونمشيو للمعرض لي قالت عليه لارين ؟"
غزرتلها كيف ضحكت تحكي
لارين :" بلحق ؟؟"
خالد :" اي بلحق.. بالطبيعة كان تحب انت ؟"
هزتلو براسها اي تحكي
لارين :" اي نحب "
رجعت غزرتلي تحكي
لارين:" ميسالش عيسى ؟"
كبست عالبونية متاعي بالقوي نحكي
انا :" يامن حيا لغدوة "
هزتلي براسها باهي وعدات بعيناها علينا تحكي
لارين :" ميسالش زادة نمشي معاكم للخدمة؟"
رسيت على سنيا بالقوي نحكي
انا :" لا خليك حذا مدام آنجيلا "
خالد:" علاش خلاها تمشي معانا.. وهكاكا نتعداو طول للمعرض "
ريتها كيف غزرتلي تترجى فياا بعيناها..تنهدت بالشوي نحكي
انا :" باهي "
كبست عالمغرفة ورجعت ناكل ونحكي مع جمال وعينيا علاهاا هي..نغزرلها كيفاه مرة تفدلك مع آنجيلا مرة تفدلك مع خالد وين حسيت روحي غزلت كيفاه حطتني فموقف هكا..هذا وصيتها الصباح بش تبقى وماتمشيش معاياا للخدمة.. غير ضحكها وتفدليكهاا مع خالد من غير حشمة.. اول ماكملنا عشاء مسحت يدي وقمت معاهم.. غزرت لجمال يحكي
جمال:" خلونا نقعدو ف الجنينة الشوي "
هزيتلو براسي باهي نحكي
انا :" باهي.. دقيقة وتو نخلط عليك.. امي كلمتني وتحب تحكي مع لارين "
جمال :" خوذو راحتكم "
حسيت بخالد ك ضربني على كتفي يحكي
خالد:" ماتبطاوش "
هزيتلو براسي باهي وبقيت واقف نغزرلهم حتى خرجو لجنينة.. كبست عالبونية متاعي بالقوي ك سمعتها تحكي
لارين :" عمتي... "
قصيت علاهاا ك جبدتها من مرفقهاا وكركرتها وراياا للصالة لي كانت على جنب.. ضربتني على مرفقي تحكي
لارين:" سيبني وجعتني "
دزيتها وسكرت الباب ورايا.. تلفتتلها وقحرتلها نحكي
انا :" تنجم تفهمني لي صار بكري؟"
وخرت بخطواتها لتالي وغزرتلي تحكي
لارين :" شنوة صار ؟"
حليت عينيا فيهاا نحكي
انا :" انا شوصيتك الصباح ؟ مش قتلك التفركيح لا "
لارين :" وقتاه فركحت انا؟ هاني شادة كرسي.... "
قصيت علاهاا وعليت ف صوتي نحكي
انا :" شااادة كرسي اماا ماكشش شااادة لسااانك.. مش قتلك الصباح مفمااش مشي معاايا للخدمة.. قلت ولا ماقلتش ؟؟"
لارين:" اي قلت "
قربتلها وهزيت بحاجبي نحكي
انا :" مالا علاش كلامي مايتسمعش "
بعدت علياا ودارت وراء ظهري تحكي
لارين :" ياخي قتلك نقلق وحدي "
رسيت على سنيا بالقوي وتلفتتلها نحكي
انا :" وين وحددك.. هااي معاك لمراا "
هزتلي بكتافها تحكي
لارين :" مانعرفهاش.. نحب نمشي معاك "
عديت بيديا على شعري وكبست على رقبتي نحكي
انا :" وين عندك تمشي معاياا.. لبلاصة كلهااا رجااال وانت ماشية ماادة وجهك "
عضت على شفايفها تحكي
لارين :" باهي بالشوي وسع بالك خلينا نحكيو بالسياسة.. شنوة فيها كان مشيت هاك انت معاياا "
نفخت بالقوي نحكي
انا :" لاررين ماتكرزنيش الليلة.. بش تتطرس غدوة حذا آنجيلا وتنسى المشي للمعرض زادة "
لارين :" شنوة؟ تي علاش هذا لكل مفهمتش ؟"
انا :" مش لازم تفهم.. مدام انا قلت لا يعني لا "
علات ف صوتها شوي تحكي
لارين:"ماانيش عبدة عندك اناا.. حتى انا عندي رااي "
كبست عالبونية متاعي بالقوي نحكي
انا :" رايك تستحفظ بيه حتى ترجع لبوك.. مدامك معاياا رأيي انا لي يمشي "
عدات بيداها على شعرها تحكي
لارين:" يعني انت جايبني معااك هناا بش تحبسني ؟"
انا :" مدام انت فهمتها هكاا نخلوهاا هكاا.. بش نحبسك.. ساقيك غدوة مش بش تعفس الشارع "
قربتلي وحلت عيناها فياا تحكي
لارين:" تو نشوفو ياعيسى "
شديتها من مرفقها وكبست علاهاا نحكي
انا :" شمعناها تو نشوفو "
نطرت مرفقها مني تحكي
لارين :" الف مرة نقلك كلمتك ماتمشيش علياا.. وانا غدوة بش نخرج انشالله حتى وحدي "
عديت بعينيا عليها وين حسيت روحي كرزت ودمي فور منهاا.. حليت عينيا فيهاا نحكي
انا :" جرب اخرج.. كان مانهدش الدار هاذي عليك مانتسماش عيسى "
عدات بعيناها علياا وخرجت تجري..غمضت عينيا بالقوي و رجعت حليتهم.. خذيت نفس طويل حاولت نهدي روحي نبرد عصابي.. خرجت وراها وين شفتها طلعت تجري ف الدروج ماشية لبيتها.. تنهدت بالشوي وخرجت حذا الجماعة.. ريت خالد ك غزرلي يحكي
خالد:" ويني لارين "
قعدت بجنبو وكبست بيديا على ركبتي نحكي
انا :" طلعت للبيت تحكي مع امي "
خالد :" قلها تكمل وتهبط تسهر حذاانا.. هاي آنجيلا مشات تجيب فديسار "
انا :" قالت بش ترقد تاعبة من السفر "
هزلي براسو باهي يحكي
خالد:" ميسالش ك هكا خلاها ترتاح "
غزرتلو على جنب من غير مانجاوبو.. عديت بيديا الزوز على وجهي وبقيت نسمع فيهم ساكت وانا حاسس ببدني يخض من العصب لي سيطر علياا غير الدم لي حسيتو طلع لراسي منهاا..لايزي غالطة لايزي تحل ف عيناها وتناقش فياا..
VOUS LISEZ
#مُتمردة_العيسى ❤️🔥 (الستاتي الثاني)
Roman d'amour#مُتمردة_العيسى ❤️🔥 عندما نتعمق في عشق الروح تصبح كل لحظة فصلاً، وكل دقيقة قصة، وكل ساعة لحناً، وكل يوماً عالما... إنه ذلك العشق الذي لا يشبه عشقًا... ذلك الذي يجعلنا نستشعر العشق ونحن بعيدين هو ذلك الشعور الذي لا يشبه مشاعرًا هو عندما نتنشق عطرهم...
