#خالد_يحكي
بقيت واقف ف بلاصتي مصدوم من لكلام لي سمعتو.. اول ماتهنيت انو عيسى دخل تلفتت وغزرتلها كيفاه كانت تبكي وترعش.. حليت عينيا فيهاا نحكي
انا :" اررررخص منننك ماارااتش عيني.... "
قصت عليا تحكي
جيهان :" خالد امان ماتصدقوش.. هو يكذب انا ماعملتش هكاكا "
نزلت على مرفقهاا وكبست علاهاا بالقوي نحكي
انا :" وجاك زادة يكذذذب؟؟ مش انت لي بعثت ووو بش يدززز لااارين.. هو حكى كلللل شي.. وحسااابكم الزوز مازااال عندي.. لي عملوو فيكم عيسى حتتتى شييي بش نعلمكم الزوز كيفاااه تقربووو من حد يخصنننني "
طرشقت بلبكا تحكي
جيهان :"خالد امان ماتعملي شيي مش احنا صحاب "
قصيت علاهاا وقت كركرتها وراياا نحكي
انا :" سكرر ** فمك "
عليت ف صوتي وناديت لسام لي وصلني بكرهبتو نحكي
انا :" سااام "
هبط من الكرهبة وقربلي يحكي
سام :" وي "
انا :" حل الكرهبة "
هزلي براسو باهي وحل الباب التلاني دزيتهاا بالقوي نحكي
انا :" حبببلك ربي تتحرك ولانسمع صوتك.. مانكمل لي بدااا فيه عيسى"
هزتلي براسها باهي وتحشات ف الكرسي.. لطخت الباب علاها وغزرت لسام نحكي
انا :" سام هز ال**** هاذي وين جاك ورد بالك تخلاهم يخرجوا... ابقى عس علاهم لين نكلمك "
سام :" شنوة بش تعمل فيهم ؟"
عديت بيديا الزوز على وجهي نحكي
انا :" خلاهم ف دار جون تحت عينك.. رد بالك تغفل علاهم حتى نكلمك "
هزلي براسو باهي يحكي
سام :" اوكي تهنى "
ضربت على كتفو نحكي
انا :" مرسي سام.. بيناتنا تاليفون "
هزلي براسو باهي وطلع ف الكرهبة.. اول ماشد الثنية وبعد رجعت نجري بش نشوف عيسى.. وقفت ف بلاصتي اول ماغزرت للارين لي قاعدة ف دروج التيراس التلاني.. قربتلها فيسع ووقفت قدامها نحكي
انا :" لارين شتعمل هنا وحدك ؟"
طبست راسها من غير ماتجاوبني..عقدت بحواجبي مستغرب ك سمعتهاا تبكي.. قعدت بجنبهاا نحكي
انا :" لارين شبيك تبكي ؟ كهو هاي وفات لحكاية وجيهان مشات... "
قصت عليا وقت هزت راسها معاياا.. تحكي
لارين:" خالد انت ماتعرفش شصار ليوم "
عديت بعينيا عليها مصدوم من وجهها نحكي
انا :" ساعة شنوة الدم هذا ؟ هي لي جرحتك هكاا وشعرك ؟ هي لي قصتو ؟"
هزتلي براسها اي وطرشقت بالبكاء تحكي
لارين:" اي هي.. خالد انا خفت منها برشة.. خليتوني وحدي معاها ومشيتو..هي كانت بش تقت/تني والله.. كان مش عيسى خلط مانعرفش شنوة كان بش يصير فياا.. كانت كيف المهبولة مانجمتش نهرب منهاا "
كبست عالبونية متاعي بالقوي نحكي
انا :" ورحمة بابا مانخليها تندم كيفاه عملت فيك هكاا.. يزي من لبكا لارين كان يراك عيسى هكاا تو يزيد يتغشش ماصدقت لربي هديتو شوي "
عدات بعيناها علياا تبكي وتحكي
لارين:" خالد انا تعاركت مع عيسى بكري "
دورتلها بكلي وعقدت بحواجبي مستغرب نحكي
انا :" جيهان السبب مش هكا ؟"
هزتلي براسها اي ومسحت دموعها بكف يداها من غير حتى كلمة.. عديت بعينيا عليها نحكي
انا :" لارين احكيلي شصار "
لارين :" مانيش عارفة شنوة بش نحكي والله.. انا بكري شفتها خرجت من بيت عيسى.. عاد.. عاد هي قتلي كلام مايجيش وخلاتني نتغشش... "
ضيقت عينيا فيها نحكي
انا :" اي كمل شبيك سكتت.. انت شعملت ك هي قتلك كلام مايجيش وتغششت "
فركت يداها فبعضهم وغزرتلي تحكي
لارين:" دخلت لعيسى وعاركتو.. انا سالتو قتلو هي شتعمل عندك.. خالد انا شفت.. شفت.. "
انا :" شنوة شفت ؟"
عضت على شفايفها تحكي
لارين:" شفت الروج متاعها ف.. فوجه عيسى.. عاد انا وقتها تغششت وقتلو انت طلعت تمثل علينا ومدخلهاا حذاكا علاش "
انا :" لارين انت كيفاه تصدق جيهان؟"
لارين :" مانعرفش انا وقتهاا تعميت من وراء كلامها ولي ريتو.. ماعرفتش شنوة نقول ولي قهرني انو عيسى مانكرش ومابررش لروحو.. بالعكس قلي شيهمك فياا نعمل لي نحب عليه.. قلي انت شكونك بش تحاسبني.. ياخي انا من الغش قتلو حتى انت معادش تتدخل فيا وانت لي شكونك انت حتى شي "
حطيت يدي على كتفها ك ريتها طبست راسها وطرشقت بالبكاء.. للحظة حسيت اني كرزت من روحي خاطر انا وراء هذا لكل ك جبت الكلبة لخرى.. كانو لباس علاهم جيت انا خربت كل شي مش عارف كيفاه بش نصلح هذا.. طبطبت علاها نحكي
انا :" لارين لي صار سوء تفاهم..اما انت غلطت ك ماسالتش عيسى بالسياسة "
هزت راسها معاياا وغزرتلي تحكي
لارين :' انا وقتها ماعرفتش نتحكم فروحي يا خالد"
انا :" نعرف والله نعرف.. شوف قوم تو عقم الجرح لي فخدك واغسل وجهك وبر احكي مع عيسى "
هزتلي براسها لا تحكي
لارين:" لاا مستحيل نحكي معاه "
انا :" لا لازمك تحكي معاه بش تفضو سوء التفاهم هذا..انا متأكد انوعيسى ماقصدش لكلام لي قالهولك.. انت مشيت فوقت غالط وهو سيب فيك غشو.. هاك ريتو بكري شعرة لا موتهاا..عيسى ك يتغشش معادش يعرف يتصرف..استناه يبرد شوي و امشيلو قلو راني مانقصدش "
غزرت قدامها تحكي
لارين :" ولكلام لي سمعهولي "
انا :" لارين انت زادة سمعتو كلام..وكيف ماانت ماقصدتش اكيد هو ماقصدش.. الزوز تصرفتو بلا تفكير.. وزوز غلطتو "
هزتلي براسها باهي من غير حتى كلمة.. وقفت من بلاصتي نحكي
انا :" هيا ادخل.. الدنياا بش تظلام "
عديت بعينيا عليها اول ماوقفت وغزرت لوجهها لي كان احمر وين حسيت بقلبي وجعني علاها نحكي
انا :" لارين سامحني هذا لكل مني خاطرني جبتها معايا "
هزتلي براسها باهي ودخلت.. تنهدت بالشوي ودخلت وراهاا.. عديت بعينيا عالصالة وين شفت لمقص المرمي وشعر لارين.. طبست لميت كل شي وبقيت نخمم بلحق كيفاه بش نحكي طه عيسى ونصلح هذا لكل..
VOUS LISEZ
#مُتمردة_العيسى ❤️🔥 (الستاتي الثاني)
Romance#مُتمردة_العيسى ❤️🔥 عندما نتعمق في عشق الروح تصبح كل لحظة فصلاً، وكل دقيقة قصة، وكل ساعة لحناً، وكل يوماً عالما... إنه ذلك العشق الذي لا يشبه عشقًا... ذلك الذي يجعلنا نستشعر العشق ونحن بعيدين هو ذلك الشعور الذي لا يشبه مشاعرًا هو عندما نتنشق عطرهم...
