#خالد_يحكي
خليتها قاعدة ودخلت نجري.. سكرت باب التيراس وتعديت طول لبيتو.. حسيت روحي مانجمتش نبقى ساكت اكثر من هكاا خاطر لي صار لكل ماهوش غلطت لارين هو غلطتي انا من لول.. للحظة حسيت روحي تصدمت بكري وانا نشوف فيه كيفاه يصيح علاهاا غير لكلام لي قالهولهاا كان جاء قالو لحجرة راي تقسمت..حليت عليه الباب من غير ماندق ودخلت طول وين شفتو هز راسو معاياا.. لطخت الباب وراياا وقربتلو نحكي
انا :" فهمننني انت كيفاه تخمم ؟؟ فهمننني شبييي *** واااحد مجووودر هكاا "
حل عينيه فيا ووقف قربلي وعلا ف صوتو يحكي
عيسى :" لكلاااام هذاا لياا اناا؟؟؟"
انا :" ايي لييييك انت.. علااااش تبكي فالطفلة هكاكا؟؟ شعملتتلك حتى تسمعهااا كلااامك المرزييي.. نوووورماااال اننت "
هز يديه قدامي يحكي
عيسى :" خااالد الاموورر هاذي ماتخصكش.. تلهى ف روووحك "
انا :" لااا تخصني..خاطرك طلعت واحد ماتحشممش.. الطفلة شعملتلك ؟؟ جااات بش تحكي معاااك وتطلب مننننك السماااح رغم انهاا ماغلطتتش.. تقوووم توووجعهااا هكاكاا "
علا ف صوتو اكثر وهد علياا يحكي
عيسى :" شدخخخللللك انننت ؟ شييييهمك انااا حررر نقووول لللي نححب.. انت شدخللل *** "
عديت بعينيا عليه نغزر لوجهو لي كان احمر للحظة مافهمتش شبي حالتو هكاا.. هزيت بحاجبي نحكي
انا :" حرااام عليييك والله حرااام.. الطفلة تبكي وتغص وحدهاا.. فشنووة غلطت هي ؟؟ اي وحدة فبلاااصتها بش تشوف منظرك هكاكا كانت بش تتصرف كيفهاا.. غير الله اعلم جيهان شنوة قالتلها فعوض تسمعهااا وتسايسهاا كملت على مرمتهااا.. مااريتهاااش كييفاااه خااايفة ؟؟ مااريتش وجهها كيفاه مضروب الله اعلمم جيهان شعملت فيهاا وشنوووة شافت منهاا وهي وحدهااا.. ورغممم هذاا لكل جاتتك مسكييينة بش تحكي معاااك تقوووم تسمعها ماتكررره "
عيسى :" مااااعندهااا علاش جاايتني... "
قصيت عليه نحكي
انا :" علاش هذا لكل ؟؟ شبيك تقلبت علاهاا هكاا ؟ مهما الشي لي سمعتووو منهاا مايجي شي قدام لي انت عملتتو فيهاا وقدامي زادة.. ريتك كيفاااه تصيح علاهااا قدام الناس وتحكم فيهاا من جرتك كانت بش تضيع الطفلة ونفكرك كيفاه بقيت تلوج علاها كالمهبووول.. وعدتهاا قدامي بش ماترجعش توجعهاا وخلفت بوعدك مرة وثنين وهي مسكينة تعديلك خاطر ماعندهااا حد غيرك.. زعمة كان انت شفت واحد خرج من بيتهااا شنوة كنت بش تعمل ؟؟ "
حل عينيه فيا صاح بالقوي يحكي
عيسى :" شتتتحكيي اننت.. شقاااعد تخرررج من فمممك "
انا :" اااا انت ميسالش تصيح وتعيط وتتقلق من الفكرة اما هي لازم تبقى ساكتة.. تعرف حاجة اقسم بالله انت لا تستاهلها..واحسن حاجة عملتهاا انك خليتها تبعد عليك "
غمض عينيه بالقوي وعطاني بظهرو.. بقيت نشوف فيه كيفاه ينهج بالقوي لدرجة اني سمعت صوت انفاسو.. سمعتو يحكي
عيسى :" خااالد اخررررج.. تووو ابعدني راني مانحبش نغلط مععاااك ابعدني خليييني وحدي برحممة بووك ابعدنني "
دورتلو ووقفت قدامو..عديت بعينيا عليه نحكي
انا :" هاني بش نبعدك اما ننصحك خمم فلي عملتوو رغم انو فات الفوت خاطر خليني نقلك لي انت سايي خسرت لارين بعد كلامك متاع بكري.. وهي مستحيل ترجع تسامحك ولا حتى تغزر ف وجهك "
عدا بعينيه عليا وغزرلي درا كيفاه من غير حتى كلمة.. نحكي
انا :" لارين تحب تسافر.. غدوة الصباح بش نركبو حضر روحك بش نخرجو بكري "
عيسى :" لخرى شنوة بش تعمل فيها ؟"
تبسمت على جنب نحكي
انا :" لخرى حسابها عندي تهنى "
خليتو واقف وخرجت من حذاه قبل مايجاوبني خاطر ماحبيتش نزيد نطول معاه ف الحديث بش مانغلطش فيه.. عمري ماحسيت روحي مغزل عليه هكاا خاطر مافهمتش شبيه وشصارلو.. الصباح اول ماوصلت ريتو كيفاه يضحك معاها ويتبع فيها بعينيه فجأة تهز عبد وتحط عبد.. رغم اني عارف انو لارين غلطت اما حقو فهمها خاطرهاا صغيرة و ظاهر انهاا غارت عليه واي وحدة ف بلاصتها كانت بش تتصرف هكاكا ولي غزلني اكثر انو نسى روحو كيفاه يتصرف معاهاا ويحاسب فيهاا ومايحبهاش هي تتكلم.. عديت بيديا الزوز على وجهي ودخلت للكوجينة.. عملت سندويتشات حطيتهم ف طبق مع كاسة عصير ورجعت حذاها وين شفتها سارحة قدامهاا لدرجة انها ماحستش بياا.. قربتلهاا حطيت الطبق عالطاولة نحكي
انا :" تفضل هاذم ابن سندويتشات من يد خالود "
هزت راسها معاياا ودوب تبسمت تحكي
لارين :" يعطيك الصحة "
جبدت الكرسي وقعدت بجنبها نحكي
انا :" ايا تعشى وادخل ارتاح.. غدوة بش نقومو ونخرجو بكري "
لارين:" انت بش توصلنا للمطار مش هكا ؟"
انا :" اي انا "
لارين:" وقتاه نوصلو هكاكا بش نكلم مايا صاحبتي تعرضني خاطر مسافرة معايا "
انا :" احنا بش نخرجو 6 متاع الصباح يعني 16 هكاكا نكونو ف المطار "
هزتلي براسها باهي من غير حتى كلمة.. اشرتلها بعينيا نحكي
انا :" اياا تعشا "
ريتها كيف هزت سندويتش وبقات تاكل بالسيف.. عديت بعينيا عليها نغزر لعيناها لمدمعين.. خذيت نفس طويل نحكي
انا :"صاحبتك وين قاعدة؟ كان هكا تو نبعثلها شكون يوصلها للمطار "
لارين:" ماياا ف مارسيليا.. تو نقلها تركب بكري "
انا :" لا لا خلاها غادي.. تواحنا نمشولهاا واركبو من غادي "
لارين:" اما هكا برشة عليك "
انا :" ماتخممش فيا انا.. المهم كلم صاحبتك وقلها 16 تبدأ فالمطار "
هزتلي براسها باهي وحطت الكاسة من يداها وقفت تحكي
لارين :" انا ماشية بش نرقد.. تصبح على خير "
انا :' وانت بخير "
بقيت نتبع فيها بعينيا حتى دخلت.. تكيت بظهري لتالي وبقيت نخمم ف لي صار ليوم وين حسيت روحي بلحق ندمت امي جيت خاصة كل مانغزر لحالة لارين كيفاه..
VOUS LISEZ
#مُتمردة_العيسى ❤️🔥 (الستاتي الثاني)
Roman d'amour#مُتمردة_العيسى ❤️🔥 عندما نتعمق في عشق الروح تصبح كل لحظة فصلاً، وكل دقيقة قصة، وكل ساعة لحناً، وكل يوماً عالما... إنه ذلك العشق الذي لا يشبه عشقًا... ذلك الذي يجعلنا نستشعر العشق ونحن بعيدين هو ذلك الشعور الذي لا يشبه مشاعرًا هو عندما نتنشق عطرهم...
