#عيسى_يحكي
قربتلها فيسع وطبست علاهاا وين شفتها كيفاه تكح وتتنفس بالسيف..دورت يدي وراء رقبتهاا وهزيتلها راسهاا نحكي
انا :" تنفس لارين.. تنفس ماتخافش "
حلت عيناها وغزرتلي ساكتة كان صوت انفاسها واصلتلي من كثر ماتنهج.. تلفتت لخالد ك جا يجري ناحيتي يحكي
خالد:" شد الملحفة هاذي غطاها..وهاني بعثت شكون بش يجيب طبيب يطمنا علاها.. ساعة ويكون هناا "
خذيتها من يديه ولفيتهاا..قربتلهاا اكثر وهزيتهاا.. تكيتلهاا ظهرها على صدري وعديت بيديا على شعرها نحكي
انا :"لارين قلي كيفاه تحس فروحك..لارين قول اي حاجة "
غمضت عيناها وحركت شفايفها لي كانو يرعشو تحكي
لارين:" ب..بردانة.. بردانة برشة "
عالكلمة دورت بيديا عليهاا وهزيتهاا ف حملتي.. قمت وغزرت لخالد نحكي
انا :" خلي الطبيب يجي فيسسسع "
هزلي براسو باهي وسبقني يجري.. طبست راسي وغزرتلها كيفها حاشية راسها فرقبتي ومغمضة عيناها ترعش.. لحظتهاا كبست علاها بالقوي كاني حبيت ندفاهاا ونخلاهاا ترتاح.. مانعرفش كيفاه جريت بيها للشاليه ودخلت وين شفت خالد قدامي يحكي
خالد :" هاو ف الطريق "
هزيتلو براسي باهي وطلعت نجري..دخلتها لبيتي وقربت وين الفرش سطحتها وين شفتها كيفاه باقي ترعش وشفايفهاا يرجفو لدرجة انو سنانها يضربو ف بعضهم.. خذيت نفس طويل وتلفتت وين شفت خالد ورايا.. عديت بعينيا عليه نحكي
انا :" خالد عيش خوياا اعمل حاجة سخونة بش لارين تشربها "
خالد :" باهي.. وانت حاول تخلاها تبدل دبشها "
هزيتلو براسي باهي وخرجت معاه.. خليتو هو نزل وانادخلت لبيتها.. عديت بعينيا عليها وين شفت فاليزتها لي كان على جنب.. قربتلها فيسع وحليتهاا بقيت نفرت فيهاا.. للحظة حسيت روحي مش عارف نتصرف ودخلت بعضي..شوفتها هكاكا خلاتني نحس روحي كاني مربوط ومعادش عارف شنعمل.. خذيت روبة خشينة شوي ومريول خلعة وقمت فيسع.. جريت لبيتي ودخلت..سكرت الباب ورايا بالمفتاح وقربتلها وين شفتها ك حلت عيناها تغزر للسقف.. قعدت بجنبهاا وحطيت لحوايج على جنب..عديت بيديا على شعرها نحكي
انا :" لارين.. لارين تسمع فياا..لارين قول اي حاجة خليني نطمن "
تنهدت بالشوي ك ريتها رجعت غمضت عيناها.. عديت بيديا على وجهي وقمت سكرت الشباك ورجعت الريدو وين البيت ظلامت شوي.. رجعت حذاهاا وطلعت بجنبهاا نحكي
انا :" لارين هز روحك شوي وعاوني بش تبدل حوايجك لا تمرض "
رجعت حليت عيناها وغزرتلي.. شهقت بالشوي وين دموعها نزلو تحكي
لارين:" م..مانيش منجمة نعمل شي "
انا :" باهي ماتبكيش..هاني معاك اما عاوني برك "
هزتلي براسها باهي من غير حتى كلمة..حطيت يدي على جنابها وهزيتهاا.. شديتهاا بيد وخذيت مخدة بيدي لخرى حطيتها وراء ظهرها وتكيتها.. عديت بعينيا عليها وين شفتها كيفاه مازالت داهشة.. لحظتهاا بقيت نخمم مش عارف شنوة بش نعمل وهي هكاا اماماكان قدامي حتى حل..قمت فيسع وجبت منشفة رجعت حذاهاا وقعدت بجنبهاا.. بقيت انشفلهاا فشعرهاا ووجههاا.. اول ماكلمت حطيتها على جنب وقربتلها اكثر نحكي
انا :" لارين شوف انا بش ندخلك مريول الخلعة وانت حاول تنزل روبتك فيسع باهي ولف روحك بالملحفة "
هزتلي براسها باهي من غير حتى كلمة.. خذيت الخلعة ودخلتو ف راسهاا.. ريتهاا ك هزت الملحفة تغطات وبقات تحاول تنزل ف الروبة.. تنهدت بالشوي ك ريتها وحلت وحدهاا قربتلها نحكي
انا :" هات يدك.. انت تغطى برك "
كبست الملحفة على صدرها وخرجت يداهاا.. نزلتلها اليد لولى ودخلتلهاا يدالخلعة.. قربتلها اكثر نحكي
انا :" شد بيدك لخرى تو "
هزتلي براسها باهي وبدلت اليد.. نزلتلها اليد الثانية ولبستهاا الخلعة نحكي
انا :" كملنا..تو حاول تنحاهاا مدام جبتلك غطا جديد"
خليتهاومشيت جبدت غطا جديد.. رجعت حذاهاا وين شفتها حطت الروبة المبلولة على جنب.. حطيت لغطاء عالتابل دونوي ومديت يدي خديت الروبة الجديدة نحكي
انا :" اياا البس هاذي ونزلهاا بش تقوم "
بقيت نعاون فيهاا خاطر ريتها كيفاه تتحرك بالجهد وتتنفس بالسيف.. اول ماكملت طبست علاهاا ولميتلهاا شعرها لكل لفوق نحكي
انا :" حاول تنزل روبتك بش انحي الملحفة "
هزتلي براسها باهي وبقات تحاول تنزل فيهاا حتى كملت..لحظتهاا بعدت الملحفة فيسع وطبست علاها.. دورت بيديا عليهاا وهزيتهاا ف حملتي نحكي
انا :" بش نحطك شوي فالفوتاي..حتى نبدل لغطاء"
حطيتهاا عالفوتاي وين شفتها غمضت عينياها.. للحظة حسيت روحي توترت من سكوتهاا وين لقيت روحي خايف لا تكون بيهاا حاجة والطبيب لتو لا جا.. عديت بيديا الزوز على وجهي وقربت فيسع للفرش..بقيت نغير فيه بسرعة حتى كملت.. لحظتهاا رجعت حذاهاا هزيتهاا ورجعتهاا للفرش..سطحتها وغطيتهاا مليح نحكي
انا :" شوي وتو تدفى "
تلفتت على صوت الباب لي دق.. قربت حليتو وين شفت خالد ومعاه راجل..يحكي
خالد:" عيسى هذا الطبيب "
حليت الباب اكثر وبعدت نحكي
انا :" ادخلو فيسع "
دخلناا كلنا وقربت حذاهاا..غزرت لخالد ك وقف بجنبي يحكي
خالد :" ماتخافش الطبيب تو يشوفها ويطمنا علاهاا.. انا شرحتلو كل شي "
هزيتلو براسي باهي ورجعت غزرتلهاا.. حليت عينيا على وسعهم ك ريتهاا حضنت روحهاا وصاحت وقت الطبيب قربلهاا تحكي
لارين :" لاااا ابعدني.. ابعدني.. عيسسسى "
قربتلهاا نجري وقعدت بجنبهاا..دورت بيديا عليهاا نحكي
انا :" اشش لارين ماتخافش...."
قصت عليا ك طرشقت بالبكاء تحكي
لارين:" قلو يمشي... "
عديت بعينيا عليها مستغرب حالتها كيفاه ترعش وتبكي وين شطر كلامهاا مافهمتوش..لحظتهاا كبست علاهاا وحشيتهاا عندي وانا مش فاهم شبيهاا وصلت هكاا..
VOUS LISEZ
#مُتمردة_العيسى ❤️🔥 (الستاتي الثاني)
Romance#مُتمردة_العيسى ❤️🔥 عندما نتعمق في عشق الروح تصبح كل لحظة فصلاً، وكل دقيقة قصة، وكل ساعة لحناً، وكل يوماً عالما... إنه ذلك العشق الذي لا يشبه عشقًا... ذلك الذي يجعلنا نستشعر العشق ونحن بعيدين هو ذلك الشعور الذي لا يشبه مشاعرًا هو عندما نتنشق عطرهم...
