#عيسى_يحكي
ريتها ك عطاتني بظهرها وتغطات..تنهدت بالشوي وبقيت بجنبها نغزرلها كيفاه مرة تتحرك مرة تنفخ.. بقيت هكاا قريب نص ساعة حتى حسيت بيهاا هدات.. لحظتهاا قمت من بلاصتي ودورتلها.. تبسمت ك ريتها رقدت معنقة عروستهاا.. قربت شوي طبست علاها استويتلهاا مخدتهاا وغطيتهاا.. هزيت روحي وعديت بعينيا عليهاا مستغرب خوفها وكلامها متاع بكري.. شعلت الفايوز حذاهاا وقربت طفيت الضو ونزلت ريدوات الشباك وخرجت..اول ماسكرت الباب علاهاا تلفتت وبن شفت خالد قدامي.. عدا بعينيه علياا يحكي
خالد :" كنت جايك "
هزيتلو براسي باهي وقربتلو نحكي
انا :" خلينا نهبطو نحكيو اللوطة "
خالد :" باهي "
هبطت معاه وخرجنا لتيراس..جبدت الكرسي وقعدت غزرتلو ك قعد بجنبي وتلفتلي يحكي
خالد:" لارين رقدت ؟"
انا :" اي "
هزلي براسو باهي يحكي
خالد :" احكيلي شنوة لي صار بكري؟"
قحرتلو نحكي
انا :" علاش الطحان لاخر محكالكش ؟"
ضحك يحكي
خالد :" علاش الطحان لاخر بقى فيه جهد بش يحكي"
قحرتلو نحكي
انا :" خالد تفدلك ؟"
خالد :" لاا.. نحكي بجدي.. الراجل خشمو بقى ينزف قريب ساعة.. وكان بش يمشي يشكي بيك الا ما انا حكيت معاه واقنعتو بش مايشكيش "
قمت من بلاصتي وحليت عينيا فيه نحكي
انا :" خلي *** يمشي يشكي كان مانغرقش **** هنااا انا مانيش راجل "
وقف قدامي وعدا بعينيه عليا يحكي
خالد :" ياولدي صلي عالنبي.. تحب تباصي روحك ياخي.. عيسى وسع بالك...."
عليت ف صوتي بالقوي وقصيت عليه نحكي
انا :" ماتقليييش وسع بااالك.. الطحاااان انت ماريتوووش شعمللل.. ماااريتووش كيفااااه غزرلهاااا.. مالاااا ماتقلييش وسع بااالك "
حط يديه على كتفي وعدا بعينيه عليا يحكي
خالد :" ياعيسى انا معاك.. والله لعظيم كان انا ريتو راني عملت فيه ما اكثر.. اما سايي هكا حاسبتو مالا وسع بالك.. ياسيدي خمم ف لارين.. كان تصير حاجة خاصة ليك انت تو تخاف الطفلة "
عديت بيديا على وجهي وخذيت نفس طويل من غير مانجاوبو.. حسيت روحي رجعت شعلت مرة اخرى ك تفكرت لي صار بكري.. شدني من مرفقي يحكي
خالد :' اقعد ارتاح "
قعدت وغزرت قدامي.. حسيت بيه كيف قعد بجنبي يحكي
خالد :" انا نبهت عليه معادش بش يجي لريستو.... "
قصيت عليه نحكي
انا :" استنى ساعة ياخي هو صاحبك ؟"
هزلي براسو لا يحكي
خالد :" لا والله "
انا :" مالا *** شيعمل غادي ؟"
عدا بيديه على شعرو يحكي
خالد :" هو صاحب صحابي "
ضيقت عينيا فيه نحكي
انا :" مفهمتش؟"
خالد :" يعني هو جاء مع جيهان وشلتها "
حليت عينيا على وسعهم ك تفكرتها.. رجعت عليت ف صوتي اكثر نحكي
انا :" شوووف ال**** هذيكاااا نبه عليهاااا تبعد على لارررين.. سهرية كاااملة وهي وراااها وتقلق فيهاااا بكلااامهااا.. قلهااا تبعدني بش ماتجربش غشي..خاطر ك عينياا تظلااام معاادش نقدررر لاا مرااا لااا راجل "
خالد :" باهي باهي تو نوصيهاا.. تهنى "
عديت بيديا على وجهي نحكي
انا :" ونحبك تكلملي صاحبك متاع اليخت... "
قص علياا يحكي
خالد :" علاش ؟"
انا :" بش نكمل غدوة وراجع ليون بش نروح "
حل عينيه فيا يحكي
خالد :" تحكي بجدك ؟ تي علاش ؟؟ ياخي انتوما قداه قعدتو "
انا :" لارين تحب تروح... "
قص علياا يحكي
خالد :" تو نحكي معاها لارين "
انا :" ماعندك ماتحكي معاهاا.. مدامهاا تحب تروح خلاهااا على راحتهاا "
تنهد بالشوي يحكي
خالد:" نعرفك راني.. راسك حجرة وراك ماصدقت لربي لارين قتلك هكاكا "
قحرتلو من غير حتى كلمة.. ضحك يحكي
خالد :" ماتغزرليش هكاا قلبي ضعيف "
رسيت على سنيا بالقوي نحكي
انا :" خاااالد "
خالد :" باهي يامن حيا لغدوة "
هزيتلو براسي باهي وخذيت نفس طويل حاولت نهدي روحي.. سمعتو يحكي
خالد :" شرايك نهبطو نعملو غطسة الوقت هذاا كيما قبل "
هزيتلو براسي لا نحكي
انا :" لا مانجمش نخرج.. نخاف لارين تفيق وماتلقانيش "
تبسم على جنب يحكي
خالد:" اي عندك حق "
وقف من بلاصتو وغزرلي يحكي
خالد :" خليني نمشي نجيب كأس عصير بارد نشربوه بش تبرد عصابك "
قحرتلو ورجعت غزرت قدامي.. للحظة تمنيت كان نهار غدوة يتعدا فيسع بش نروحو.. خاطر حتى انا معادش متحمل القعدة هناا نحب نهزهاا ونمشي.. شوي وريتو ك رجع حط الكاس بجنبي يحكي
خالد :" اشرب "
خذيتها وعملت رشفة.. غزرلي يحكي
خالد :" غدوة شنوة البرنامج مدامو اخر نهار لسيادتك ماتعديهوش كبي "
انا :" غدوة بش تعطيني كرهبتك خارج انا ولارين "
هز بحاجبو يحكي
خالد :" وين ماشين ؟"
انا :" مانعرفش "
خالد :" باهي لمفاتح والكرهبة على ذمتك "
ضربتو بشوي على ركبتو نحكي
انا :" عيشو خالود.. ومانحبكش تاخذ ف خاطرك مني.. انت يعطيك الصحة فرحت بيناا "
خالد :" يزي بلا كلام ماسط.. وخيان انا وكان مانفرحش بيك بشكون تحبني نفرح "
تبسمت وعملت رشفة من الكاس..حطيتها على جنب وقمت من بلاصتي نحكي
انا :" انا ماشي نرقد "
خالد :" باهي "
انا :" تصبح على خير "
خالد :" وانت بخير "
خليتو وطلعت فيسع.. قربت لباب بيتها حليتو بش نتفقدهاا.. طليت علاهاا وين شفتهاا مازالت راقدة.. اول ماتهنيت علاهاا سكرت الباب ومشيت لبيتي.. نحيت مريولي رميتو على جنب ودخلت لسالدوبان غسلت حالتي وريقلت أموري ورجعت للبيت.. طفيت الضو وتسطحت بش نرقد شوي.. اول ماغمضت عينيا رجعت تفكرت لي صار لكل وين حسيت روحي باقي مكرز ومش منجم نبرد كل لي مصبرني تو انهاا هي بخير وبجنبي.. ونهار ويتعداا وهذا لكل يوفى...
VOUS LISEZ
#مُتمردة_العيسى ❤️🔥 (الستاتي الثاني)
Romance#مُتمردة_العيسى ❤️🔥 عندما نتعمق في عشق الروح تصبح كل لحظة فصلاً، وكل دقيقة قصة، وكل ساعة لحناً، وكل يوماً عالما... إنه ذلك العشق الذي لا يشبه عشقًا... ذلك الذي يجعلنا نستشعر العشق ونحن بعيدين هو ذلك الشعور الذي لا يشبه مشاعرًا هو عندما نتنشق عطرهم...
