#عيسى_يحكي
رميت السيقارو على جنب وقمت من بلاصتي.. غزرت للادم نحكي
انا :" خليني نطلع نسلم عالجماعة وتو نرجع "
هز راسو معايا وغزرلي يحكي
ادم :" ماتبطاش خلينا نسهرو مع بعضناا.. ماصدقت لربي انك رجعت "
تبسمت نحكي
انا :"باهي وانت فك الحضبة هاذي خلي الناس تروح"
وقف من بلاصتو وقربلي يحكي
ادم :" استنى حتى يتعشاو.. بعثت من حانوت عمك الطيب كسكروتات كفتاجي وتن عشاء لولاد لحومة "
طبطبت على كتفو نحكي
انا :" يعطيك الصحة.. مالا تعشاو مدام انا جيت "
ادم :" ماتبطاش "
هزيتلو براسي باهي وغزرت لعبودة نحكي
انا :" عبودة هياا طلع معاياا الفاليجات "
عبودة:" حاضر معلم "
قربت وين العمارة وين شفتها كيف طلعت هي فاليزتها وحدها.. تلفتت شفت ساكها لي نساتو هزيتو انا وعبودة هز الباقي.. خذيت نفس طويل وطلعت بالسيف كان مش على خاطرنا امي وخالي ولا راني ماطلعتش.. تلفتت لعبودة كيف حط الفاليجات قدام الباب يحكي
عبودة :" انا هاني راجع للورشة معلم "
هزيتلو براسي باهي نحكي
انا :" باهي عبودة.. ويعطيك الصحه "
عبودة :" من غير مزية "
عديت بيديا على وجهي وحليت الباب لي كان مردود.. تبسمت ك شفت امي خرجت من الكوجينة تجري.. غزرتلي تحكي
غالية :" عيسى.. مرحباا بولدي.. نروت الدنياا لكل يا بابا.. ايجا عندي"
قربتلها فيسع ووقفت قدامها..طبست بستها من راسها نحكي
انا :" غاليتي.. شعاملة امي.. لباس عليك؟"
طبطبت على صدري وعدات بعيناها علياا تحكي
غالية :" الحمدالله يابابا وانت شعامل ؟ لباس عليك؟ صحتك مليحة ؟"
شديتها من يداها وبستها منها نحكي
انا :" لباس علياا تهنى.. المهم انت لباس ؟"
ضحكت تحكي
غالية :" انا صرت لباس تو بشوفتك ياروحي.. نورت الدار.. طالت غيبتك عليا المرة هاذي "
انا :" هاني رجعت ومعادش بش نبعد عليك "
تلفتت على صوت خالي يحكي
جابر :" عيسى.. الحمدلله على سلامتك ولدي "
قربتلو وطبست عنقتو نحكي
انا :" عيشك خالي الله يسلمك "
طبطب على ظهري يحكي
جابر :" خليت بلاصتك فالدار والخدمة.. تو وين حسيت بسندي رجع "
غمضت عينيا بالقوي و رجعت حليتهم.. بعدت عليه وتبسمت نحكي
انا :" ربي يخليك لينا خالي "
جابر :" اطلع بدل حوايجك واهبط بش تتعشى معانا"
عديت بيديا على شعري نحكي
انا :" ميسالش تعشاو انتوما.. انا ادم يستنى فياا بش نهبط حذاه "
تلفتت للامي كيف قربتلي ووقفت بجنبي تحكي
غالية :" ورحمة بوك لا تهبط قبل ماتتعشى.. من الصباح وانا واقفة ف الكوجينة على خاطركم و بعد تقلي ماشي للادم ؟"
جابر :" عيسى خوذ بخاطرنا.. خلينا نتلمو الليلة مع بعضناا "
ضغطت على يدي بالقوي نحكي
انا:" باهي.. نطلع ناخذ دوش ونبدل حوايجي ونهبط"
غالية :" برا يا بابا "
خذيت نفس طويل وقربت وين الباب هزيت الساك متاعها ورجعت وين امي نحكي
انا :" امي هاذي متاع لارين.. اعطيهالها "
خذاتها من يدي تحكي
غالية :" باهي يابابا.. يعطيك الصحة "
نفخت بالشوي اول ماتلفتت على صوت سميحة تحكي
سميحة :" مرحبا مرحبا.. الحمدلله على سلامتك عيسى "
غزرتلهاا على جنب نحكي
انا :" الله يسلمك "
غزرت لأمي ورجعت نحكي
انا :" هاني طلعت انا "
خليتهم واقفين وهزيت دبشي وطلعت طول لدار.. دزيت الباب لي كان مردود ودخلت.. حطيت الفاليز من يدي وسكرت الباب ورايا.. تنهدت بالشوي ودخلت طول لبيتي بش نرتاح شوي خاطر حسيت روحي بلحق تعبت.. نحيت مريولي رميتو على جنب وترميت عالفرش.. بقيت نغزر قدامي ونخمم كيفاه بش نهبط ونبقى معاها فرد طاولة.. ف بالي مروح بش نبعد علاهاا اما عارف اني بش نلقاها قدامي تو اكثر من اي وقت وهذا اكثر شي مانيش طالبو تو.. نفخت بالشوي وقمت من بلاصتي دخلت لتوالات نحيت بقيت دبشي ودخلت تحت الماء عملت دوش بارد وخفيف وخرجت.. لفيت نصي بالمنشفة ورجعت وين الباب هزيت الفاليز والساك ودخلت للبيت.. جبدت حوايجي لبستهم وريقلت أموري.. اول ماكملت هزيت تاليفوني ومفاتحي وخرجت.. سكرت الباب ونزلت بالسيف بش نتعشى فيسع.. اول ماوصلت حليت الباب ودخلت وين شفت رانية قدامي وف يداها الاصحنة تحضر ف الطاولة.. غزرتلي وتبسمت تحكي
رانية :" عسلامة عيسى.. الحمدلله على سلامتك "
انا :" الله يسلمك..قلي لباس عليك؟شعاملة فقرايتك؟"
رانية :" الحمدالله لباس عيش خوياا "
هزيتلها براسي باهي نحكي
انا :" خالي وينو؟"
رانية :" فالصالة يستنى فالعشاء يحضر "
عديت بعينيا عليها نحكي
انا:" وحدو؟"
رانية:" اي وحدو "
هزيتلها براسي باهي ودخلت حذاه وين شفتو يتفرج..هز راسو معايا وغزرلي يحكي
جابر :" عيسى ايجا اقعد ولدي "
قعدت بجنبو وغزرتلو نحكي
انا :" شعامل خالي ؟ صحتك لباس؟"
حط يديه على ركبتي وطبطب علياا يحكي
جابر :" لباس نحمدوه.. ليوم حسيت روحي ارتحت كيف رجعت انت ولارين بنتي لباس.. خفت كان تزيدو تبقاو غادي اكثر من هكاا"
تنهدت بالشوي نحكي
انا :" لا هانا رجعنا.. كهو رمضان قرب شمن نبقاو غادي "
جابر :" احسن ماعملتو.. ارجع شد خدمتك.. خالك تعب وحدو "
انا :" قلي ادم بكري انت تلهيت انت بالخدمة معاه"
تنهد بالشوي يحكي
جابر :" اي.. ارتاح الليلة وغدوة تو نحكيو عالخدمة "
هزيتلو براسي باهي وغزرت لرانية كيف دخلت تحكي
رانية:" الطاولة حضرت "
جابر :" هياا قوم "
هزيتلو براسي باهي وقمت.. كركرت ساقياا بالسيف ناحية الطاولة.. اول ماتلفتت غزرتلها كيف خرجت من بيتها ومعاها صاحبتها.. تعداتني من غير ماتغزرلي وقعدت.. ضغطت على يدي بالقوي وقربت جبدت الكرسي متاعي لي كان مقابلهاا وقعدت ساكت.. نستنى وقتاه لعشاء هذاا يتعدا ونخرج من هناا..
VOUS LISEZ
#مُتمردة_العيسى ❤️🔥 (الستاتي الثاني)
Romance#مُتمردة_العيسى ❤️🔥 عندما نتعمق في عشق الروح تصبح كل لحظة فصلاً، وكل دقيقة قصة، وكل ساعة لحناً، وكل يوماً عالما... إنه ذلك العشق الذي لا يشبه عشقًا... ذلك الذي يجعلنا نستشعر العشق ونحن بعيدين هو ذلك الشعور الذي لا يشبه مشاعرًا هو عندما نتنشق عطرهم...
