#عيسى_يحكي
عديت بيديا الزوز على وجهي وتلفتت للادم لي قربلي يحكي
ادم :" وسع بالك و ك يجي احكي معاه ونبه عليه "
نفخت بالشوي نحكي
انا :" باهي "
غزرت لجبران ورجعت نحكي
انا :" جبران فرغ التركينة هذيكاا الجمعة الجاية بش تجي سلعة جديدة ونحبك أنت تتهلى بيهاا ف التنظيم والبيوع رد بالك تخليها ف يد حمزة "
هزلي براسو باهي يحكي
جبران :" باهي معلم.. تهنى "
انا :" اعطيني كراسة لحسابات وايجا احكيلي على أمور الخدمة الايامات لي فاتو "
هزلي براسو باهي ومشى فيسع وين البيرو.. جبدت الكرسي لي على جنب وقعدت.. غزرت لادم نحكي
انا :" شبيك واقف ؟"
ادم :" مدامك انت هنا انا خليني نمشي لباب منارة "
انا :" استنى شوي.. تو نمشيو مع بعضنا "
جبد الكرسي وقعد بجنبي يحكي
ادم :" باهي "
تلفت لجبران لي رجع.. خذيت الكراسة من يديه نحكي
انا :" اقعد جبران "
هزلي براسو باهي وقعد حذانا..حليت الكراسة وعديت بعينيا نغزر للحسابات.. رسيت على سنيا بالقوي ك ريت الساقط خويا دفع حق الزوز محركات.. سكرتها وغزرت لجبران نحكي
انا :" معلم عزيز قاعد يجي هناا؟"
جبران :" اي يتعدا ف الليل يقابل حمزة وساعات يجي ف وسط النهار.. هو والخدمة "
رميت الكراسة على جنب وغزرتلو نحكي
انا :' اي احكيلي كيفاه الخدمة هناا.. مرتاح "
عدا بعينيه عليا وعدا بيديه على وجهو يحكي
جبران :" مرتاح اما الحقيقة مش كيما ورشة لمعلم جابر.. غادي كنت مرتاح اكثر "
انا :" نعرف جبران نعرف ويعطيك الصحة خاطر جيت "
جبران:" صلي عالنبي معلم.. انا نخدم ف اي بلاصة وانشالله نرد معروف لمعلم جابر "
دوب تبسمت نحكي
انا :" يعطيك الصحة.. وحمزة شعامل معاك ؟"
جبران :" والله مانكذبش عليك معلم.. انا وهو صعيب نتفاهمو.. هانا بالقدر وكهو كل حد لاهي بخدمتو "
انا :" باهي شوف جبران.. انت هناا تعوضني انا.. اي حاجة تصير منو نحبك تكلمني وتقولهالي.. انا بش نبقى بش الورشة والمحل هذا مالا انت عينيا هنا.. وكيما وصيتك لحسابات لكل والسلعة الجديدة خدمتك انت "
هزلي براسو باهي يحكي
جبران :" باهي معلم تهنى.. ماعندك كان الرجال "
تلفتت على صوتو ك دخل يحكي
حمزة :" معلم عيسى.. الحمدلله على سلامتك "
قمت من بلاصتي وقربتلو شوي نحكي
انا :" وين كنت ؟ عندي ساعة هناا نستنى ف سيادتك"
عدا بعينيه عليا يحكي
حمزة :" معلم وصلت بقضية..... "
قصيت عليه ك عليت ف صوتي شوي نحكي
انا :" قضياااتك تخلاهم بعد الخدمة.. ماهيش وكالة هاذي بلا مالي بش تخرج وتدخل على كييييفك "
عدا بعينيه عليا وهزلي براسو باهي يحكي
حمزة :" باهي معلم آخر مرة "
انا :" تو كنت نحكي مع جبران.. هو بش يتلهى بالمحل لي بش يقولو هو.. يتنفذ بالحرف.. هو هناا بش يعوضني انا مالا رد بالك تخليه نهار يجي يشكيلي "
ريتو كيف غزر لجبران ورجع غزرلي يحكي
حمزة :" علاش شعملت انا معلم بش يجي يشكليك.. هاني نخدم على روحي ومستكفي خيري شري "
ضيقت عينيا فيه نحكي
انا :" انا نوصي من هناا لقدام.. بش ماتلومنيش ك نتغشش مفهوووم ؟"
هزلي براسو باهي يحكي
حمزة :" باهي معلم "
اشرتلو بعينيا نحكي
انا :" برا شد خدمتك "
عطاني بظهرو بالوقت ومشي.. تلفت لجبران نحكي
انا :" انا ماشي تو.. ممكن ف الليل نعمل طلة "
جبران:" تنور معلم ف كل وقت "
دوب تبسمت وغزرت للادم لي مازال قاعد وحاط ساق على ساق يتفرج فينا نحكي
انا :" هياا قوم.. عجبتك القعدة "
ضحك ووقف يحكي
ادم:" والله كان زدت شوي راك لقيتني رقدت.. لمقرونة بدات تعمل ف مفعولها "
شديتو من مرفقو وجبدتو دزيتو لبرا نحكي
انا :" اخرج اخرج "
ضحك يحكي
ادم :" ياسر عنيف انت.. وانا مانحملش "
قحرتلو نحكي
انا :" تلمم "
ادم :" تلميناا.. اياا قلي وين على خير تو "
انا :" خليني نمشي معاك وبعد نروحو بش تتعشى حذايا الليلة "
ادم:" لااا ياولدي تونتصرف ف العشا روح على روحك انت "
انا :" ماتخلينيش نعاود كلامي "
ادم :" باهي مدام شديت صحيح مانرجعكش "
دوب تبسمت وبقيت نمشي معاه حتى وصلنا للورشة بابا منارة.. تفقدت معاه الخدمة لكل واستنيو حتى كمل وخرجناا..غزرتلو يحكي
ادم:" شرايك نتعداو حذا خوك ؟"
نفخت بالشوي نحكي
انا :" لااا فك علينا منو الساعة هاذي.. ريتو كيفاه خلص حق المحركات الزوز.. يعني هي وهي وكسرلي كلامي "
ادم :" شيهمك فيه.. هو يعمل هكاكا بش يعاندك برك "
انا :" يعاندني يقوم يرضى روحو يطلع كالبهلول قدام حمزة.. شوي ونقول خايف منو وشاد عليه حاجة "
ادم :" ابرد تو ووسع بالك وغدوة احكي معاه.. مالو الا خوك صغير وطايش.. مصيرو يكبر ويفهم "
عديت بيديا على وجهي نحكي
انا :" اي انشالله "
غزرتلو كيف جبد تاليفونو لي نوقز وغزرلي يحكي
ادم:" ايا توصل معاياا لعمك نوفل "
انا :" شكون نوفل ؟"
ادم:" تي الفرملي لي عندو محل تمريض.. بنت اميرة اختى عملت تحاليل وقلي تو نجيبهملك انا.. هاو كلمني تو "
انا :" لا برا وحدك انا بش نروح نبدل حوايجي.. انت كمل واخلط عليا "
ادم :" باهي برا مالا.. بيناتنا تاليفون "
هزيتلو براسي باهي وكل حد فينا شد ثنية.. تعديت للروشة وصيت عبودة وشديت ثنية الدار.. اول ماوصلت وهزيت راسي لمحتها فوق السطح تنشر ف الصابون.. عديت بعينيا عليها نغزرلها كيفاه تضحك مع صحبتها.. للحظة حسيت روحي بلحق فقدت الوقت لي عديتو معاها.. ثانية وحدة كانت كافية بش نسترجع كل لحظة تعدات معاها من اول وصولها للحومة لغاية بكري.. ولا مرة توقعت اني بش نوصل نركز مع عبد ولا نفقد عبد اما معاهاا لقيت روحي نعيش ف هذا لكل..
VOUS LISEZ
#مُتمردة_العيسى ❤️🔥 (الستاتي الثاني)
Romance#مُتمردة_العيسى ❤️🔥 عندما نتعمق في عشق الروح تصبح كل لحظة فصلاً، وكل دقيقة قصة، وكل ساعة لحناً، وكل يوماً عالما... إنه ذلك العشق الذي لا يشبه عشقًا... ذلك الذي يجعلنا نستشعر العشق ونحن بعيدين هو ذلك الشعور الذي لا يشبه مشاعرًا هو عندما نتنشق عطرهم...
