မူရင်း စာစဉ်အမည် - ကျုပ်က ပြိုင်ဘက်ကင်း ( Unparalleled after ten consecutive draws )
မူရင်းစာရေးသူ - Carefree Smile
အခန်း ( 2 ) သခင်အဖြစ် အသိအမှတ်ပြုရန် မြင့်မြတ်လက်နက်များ ယှဉ်ပြိုင်ကြခြင်း
ကောင်းကင်နက်ဂိုဏ်းရှိ ဓားရတနာအားလုံးမှ ဓားတေးသံများ ထွက်ပေါ်နေဆဲပင်။
ထိုအချိန်တွင် ချူခွမ်းရန်ခြံအတွင်း၌ လှည့်ပတ်နေသော တာအိုတံဆိပ်တော်ကြီးများဟာ ကောင်းကင်ယံသို့ ရုတ်တရက် တိုးထွက်သွားကြ၏။ ၎င်းတို့ဆီမှ တာအိုတရား ဟောပြောသံကဲ့သို့ အသံများပင် ထွက်ပေါ်လာသည်။
အက္ခရာများက အလင်းတန်းများအသွင်ဖြင့် လေထဲ၌ လှည့်ပတ်နေပြီးသော နှလုံးသားတစ်ခုအသွင် ပြောင်းလဲလာကြသည်။
ဤနှလုံးသားက အပေါက်ကိုးပေါက်ပါကာ တစ်ချက်ခုန်လိုက်တိုင်း ဓားချီများကလည်း ဝင်၊ ထွက် လှည့်ပတ်နေကြ၏။ နှလုံးသားဆီမှ ရွှေနှင့်သံ ပွတ်တိုက်သံကဲ့သို့ အသံများလည်း ကြားနေရပေသည်။
"ဘာတွေဖြစ်နေတာတုံး"
"ဒီလို သာမန်မဟုတ်တဲ့ အခြေအနေက တာအိုခန္ဓာကိုယ်တစ်ခုများ မွေးဖွားလာရော့သလား"
"ဓားချီတွေပါတဲ့ အပေါက်ကိုးပေါက်နဲ့ နှလုံးသားတစ်ခု။ ဒါက မဟုတ်မှလွဲ ဒဏ္ဍာရီလာ အထွတ်အထိပ် တာအိုခန္ဓာကိုယ်ဖြစ်တဲ့၊ ထူးကဲသိမ်မွေ့သော ဝင်ပေါက်ကိုးခု ဓားနှလုံးသားများလား"
"အိမ်း၊ ဒီတာအိုခန္ဓာကိုယ်က ဒီကမ္ဘာထဲမှာ မပေါ်ထွန်းခဲ့တာ နှစ်ပေါင်းတစ်သောင်းနီးပါး ကြာမြင့်ခဲ့ပြီ မဟုတ်လားဗျ။ ဒါက ကောင်းကင်နက်ဓားဂိုဏ်းရဲ့ နယ်မြေထဲမှာ ဘယ်လိုလုပ်ပြီး ရုတ်တရက် ပေါ်လာနိုင်တာတုံး"
"ဒီနေရာက... ဒါက အပြင်စည်းတပည့် ခြံဝင်းဘက်ကပဲဗျ"
"အပြင်စည်းတပည့်တစ်ယောက်က ဒီလို ဖွဲ့စည်းပုံမျိုး နိုးထလာတာ ဖြစ်နိုင်ပါ့မလား"
"ဒါက ဘယ်လိုဖြစ်နိုင်မှာတုံး"
လက်ရှိ ရုတ်တရက်ဖြစ်ပေါ်လာသော အပြောင်းအလဲဟာ ကောင်းကင်နက်ဓားဂိုဏ်း၏ အကြီးအကဲမှစ၍ အပြင်စည်းတပည့်များအထိ တုန်လှုပ်သွားစေသည်။
ВЫ ЧИТАЕТЕ
ကျုပ်ကပြိုင်ဘက်ကင်း(ချူခွမ်းရန်)အတွဲ ၁ က်ဳပ္ကၿပိဳင္ဘက္ကင္း (ခ်ဴခြမ္းရန္) အတြဲ ၁
Боевикအကျဉ်းချုပ်... ကျင့်ကြံခြင်းကမ္ဘာကို ရောက်ရှိသွားခဲ့တဲ့ ချူခွမ်းရန်မှာ ပထမဆုံး ဆယ်ကြိမ်အထိ ကံကောင်းခြင်းကို ဆက်တိုက်ဆွဲယူနိုင်တဲ့ ဂိမ်းပလပ်အင်တစ်ခု ပါလာတဲ့အခါမှာတော့... ဂုဏ်ယူပါတယ်... ပိုင်ရှင်က ဒဏ္ဍာရီအဆင့် စွန့်ပစ်အင်မော်တယ် အရှိန်အဝါကို ဆွဲယူနိ...
