အပိုင်း ၂၈၁ ကျင်ကြံခြင်းနယ်မြေများရောက်ရှိလာခြင်း၊ ပထမမြို့၏အုပ်ချုပ်ရေးမှူးဆယ့်သုံးယောက်...
အချိန်ကလျင်မြန်စွာကုန်ဆုံးသွားခဲ့သည်။
မကြာခင်...ကောင်းကင်သားတော်လက်ရွေးစင်ပြိုင်ပွဲစတင်ပေတော့မည်။
ချူခွမ်းရန်က သူ၏တပည့်သားများကိုဦးဆောင်၍ ကြီးမားသောပြိုင်ပွဲကွင်းပြင်ကြီးရှိရာ ပထမမြို့၏ဗဟိုရင်ပြင်သို့ ရောက်လာသည်။
မှောင်မည်းနေသောလှိုဏ်ခေါင်းငယ်တစ်ခုကိုဖြတ်သန်းပြီးနောက်တွင် ချူခွမ်းရန်နှင့်သူ့လူများက ပြိုင်ပွဲကွင်းပြင်ထဲသို့ရောက်ရှိလာ၏။
သူတို့အလင်းထဲကို ထွက်လိုက်သည်နှင့် ပြိုင်ပွဲကွင်းပြင်၏ပတ်ပတ်လည်တွင်ထိုင်ကာ အားပေးနေကြသော ပရိတ်သတ် သန်းပေါင်းများစွာကိုတွေ့လိုက်ကြရသည်။
တစ်ချို့က သတ်မှတ်ထားသောထိုင်ခုံပေါ်တွင်ထိုင်နေကြသည်။တစ်ချို့ကမတ်တပ်ရပ်ကာအားပေးနေကြပြီး တစ်ချို့ကမူ လေထဲတွင် ပျံသန်းကာ အားပေးနေကြ၏။မည်သို့ပင်ဆိုစေကာမူ ပြိုင်ပွဲကွင်းတစ်ခုလုံးက လူသူများစွာဖြင့် ပြွတ်သိပ်ကြီးထိုးနေသည်။
ချူခွမ်းရန်နှင့် သူ၏ဂိုဏ်းသားများပြိုင်ပွဲကွင်းသို့ခြေချလိုက်သည်နှင့် ပရိတ်သတ်များကကျယ်လောင်စွာအော်ဟစ်အားပေးလိုက်ကြသည်။
'' ကြည့်စမ်း...အဲ့ဒါ ကောင်းကင်နက်ဂိုဏ်းပဲ...''
'' ရှေ့ဆုံးက ဦးဆောင်လာတာက ကောင်းကင်နက်ဂိုဏ်းချုပ်ချူခွမ်းရန်ပဲဖြစ်ရမယ်...၊ ကောလဟာလတွေအရတော့ သူကဒီတစ်နှစ်အတွင်းမှာတင် ပညာရှင်သုံးယောက်ကိုသတ်ဖြတ်ခဲ့ပြီးပြီတဲ့...''
'' သူကျော်ကြားနေတာက အလကားမဟုတ်ဘူးပဲ၊ သူကအရမ်းချောတာပဲဟ...၊ ငါသာသူနဲ့အတူနေခွင့်ရရင် ဘယ်လောက်ကောင်းလိုက်မလဲ...''
'' အိပ်မက်ထဲမှာပဲရလိမ့်မယ်...''
'' ဒီတစ်ရက်နှစ်ရက်ကပဲ ကံဟောကြားသူက *' တစ်ယောက်ယောက်က ကောင်းကင်သားတော်တွေကိုဦးဆောင်နိုင်တယ်ဆိုရင် အဲ့ဒါကကောင်းကင်နက်ဂိုဏ်းကချူခွမ်းရန်ပဲဖြစ်လိမ့်မယ် '* လို့ပြောခဲ့တယ်တဲ့၊ ဒါက ချူခွမ်းရန်ဟာ ကောင်းကင်သားတော်တွေအားလုံးရဲ့အပေါ်မှာရှိနေတယ်လို့ပြောလိုက်တာနဲ့အတူတူပဲ၊ သူကတကယ်ထူးခြားတယ်...''
YOU ARE READING
ကျုပ်ကပြိုင်ဘက်ကင်း(ချူခွမ်းရန်)အတွဲ ၁ က်ဳပ္ကၿပိဳင္ဘက္ကင္း (ခ်ဴခြမ္းရန္) အတြဲ ၁
Actionအကျဉ်းချုပ်... ကျင့်ကြံခြင်းကမ္ဘာကို ရောက်ရှိသွားခဲ့တဲ့ ချူခွမ်းရန်မှာ ပထမဆုံး ဆယ်ကြိမ်အထိ ကံကောင်းခြင်းကို ဆက်တိုက်ဆွဲယူနိုင်တဲ့ ဂိမ်းပလပ်အင်တစ်ခု ပါလာတဲ့အခါမှာတော့... ဂုဏ်ယူပါတယ်... ပိုင်ရှင်က ဒဏ္ဍာရီအဆင့် စွန့်ပစ်အင်မော်တယ် အရှိန်အဝါကို ဆွဲယူနိ...
