အပိုင်း ၃၅၇ ရက်စက်ကြမ်းကြုတ်သော ကျောက်သမုဒ္ဒရာသားရဲအဆီအနှစ်ဝိညာဉ် ခွန်ဝေလငါး၊ ငါ့ပညာရှင်ဝိညာဥ်က ငါ့ကို နောက်တစ်ကြိမ် ထားသွားတော့မယ်
ချူခွမ်းရန်သည် ဧရာမကျောက်တုံးကြီး တစ်ခုတွင် ထိုင်နေပြီး မည်သည့်နေရာမှ ရလာမှန်း မသိသော ဝိုင်တစ်ခွက်ကို လက်တွင် ကိုင်ထားကာ နှစ်ခြိုက်စွာ သောက်သုံးနေသည်။
ခေါင်းကိုးလုံးမြွေနဂါးက သူ့ဓားချီကိုယ်ပွားအကုန်လုံးကို သတ်ဖြတ်ပြီးမှသာ သူ့မေ့စေ့ကို မော့လိုက်သည်။
“ အို့၊ မင်း နောက်ဆုံးတော့ ပြီးသွားပြီ။ တကယ်ကို သားရဲရိုင်း တစ်ကောင်ပဲ...”
လီဇီ၏ နှုတ်ခမ်းထောင့်က လှုပ်ယမ်းသွားသည်။
ဒီချူခွမ်းရန်ကား ခေါင်းကိုးလုံးမြွေနဂါးကို အလေးအနက်မထားပုံ ရသည်။ ဘာပဲဖြစ်နေပါစေ၊ ၎င်းက ရှေးဟောင်းသားရဲရိုင်း တစ်ကောင် မဟုတ်လော။
အနည်းဆုံးတော့ လေးစားသမမှု ပြသင့်ပေသည်။
“ ခွေးမသား၊ ငါ မင်းကို စားမယ်”
ခေါင်းကိုးလုံးမြွေနဂါးသည် ချူခွမ်းရန်အား စွဲဖြဲချင်စိတ်ဖြင့် ပြင်းပြင်းထန်ထန် အော်ဟစ်လိုက်သည်။
ထိုအချိန်တွင် မရေမတွက်နိုင်သော ဓားချီသည် မြေပြင်မှ ရုတ်ခြည်း ထွက်ပေါ်လာပြီး ဓားချီတံတိုင်းတစ်ခု အဖြစ် ကောင်းကင်ယံ၌ ရောယှက်နေလေသည်။
“ ဒါ ဘာလဲ”
လီဇီ၏ အမူအရာက ပြောင်းသွားသည်။
ထို့နောက်၊ သူသည် မြေပြင်အနှံ့ ပြန့်ကျဲနေသော ဓားရှည်များကို ကြည့်လိုက်သည်။
ထိုဓားရှည်များအားလုံးက အခုအခါ တုန်ခါနေ၏။ ၎င်းက ဓားချီတံတိုင်း ဆီတိုးဝင်သွားပြီး ပုံစံတစ်ခု ဖော်လာသည်။ ၎င်းက ဓားချီကိုယ်ပွားများ မဟုတ်သော်လည်း ထိုဓားများ၏ မျက်နှာပြင်မှ ကြောက်မက်ဖွယ်ဓားချီများ ထုတ်လွှတ်ဆဲဖြစ်သည်။
“ ဓားအစီအရင်၊ အသက်ဝင်စမ်း”
ချူခွမ်းရန်က ရိုးရိုးရှင်းရှင်း ပြောသည်။
YOU ARE READING
ကျုပ်ကပြိုင်ဘက်ကင်း(ချူခွမ်းရန်)အတွဲ ၁ က်ဳပ္ကၿပိဳင္ဘက္ကင္း (ခ်ဴခြမ္းရန္) အတြဲ ၁
Actionအကျဉ်းချုပ်... ကျင့်ကြံခြင်းကမ္ဘာကို ရောက်ရှိသွားခဲ့တဲ့ ချူခွမ်းရန်မှာ ပထမဆုံး ဆယ်ကြိမ်အထိ ကံကောင်းခြင်းကို ဆက်တိုက်ဆွဲယူနိုင်တဲ့ ဂိမ်းပလပ်အင်တစ်ခု ပါလာတဲ့အခါမှာတော့... ဂုဏ်ယူပါတယ်... ပိုင်ရှင်က ဒဏ္ဍာရီအဆင့် စွန့်ပစ်အင်မော်တယ် အရှိန်အဝါကို ဆွဲယူနိ...
