ကျုပ်ကပြိုင်ဘက်ကင်း(ချူခွမ်းရန်)အတွဲ ၁ က်ဳပ္ကၿပိဳင္ဘက္ကင္း (ခ်ဴခြမ္းရန္) အတြဲ ၁

အပိုင်း ၈ မျက်နှာလိုမျက်နှာရလုပ်သောမြင့်မြတ်ဓားများ

အပိုင်း ၈ မျက်နှာလိုမျက်နှာရလုပ်သောမြင့်မြတ်ဓားများ

''သူက ဒီနေရာကို ဓားရွေးဖို့ရောက်လာတဲ့တပည့်တစ်ယောက်များလား..''

မုရုံချန်းက ချူခွန်းရန်အားကြည့်ကာရေရွတ်လိုက်သည်။

သူ၏မသိစိတ်ကဤလူငယ်သည် ဓားများ၏မူမမှန်မှုနောက်ကွယ်က လူဖြစ်ကြောင်းခံစားနေသည်။တဖက်သား၏ထူးခြားသောရောင်ဝါများကြောင့်သူသည်နောက်တစ်ကြိမ်မကြည့်ပဲမနေနိုင်ပေ။

ချူခွန်းရန်သည် မြင့်မြတ်ဓားနယ်မြေတွင်းသို့ဝင်ရောက်လာပြီဖြစ်ကာ ဓားဆန္ဒများကသူ့အားဖုံးအုပ်ထား၏။သို့သော်စိတ်ဂင်စားစရာကောင်းသည်မှာ ထိုဓားဆန္ဒတို့သည်သူ့အားအနည်းငယ်မျှပင် အနှောင့်အယှက် မဖြစ်စေခြင်းပင်ဖြစ်သည်။

ချူခွန်းရန်သည်ခြေတစ်လှမ်းချင်းလှမ်းကာ မြင့်မြတ်ဓားများထံသို့ လမ်းလျှောက်လာသည်။မကြာလိုက်ခင်မှာပင် သူ၏ဦးတည်ရာသို့နီးကပ်လာ၏။

မုရုံချန်းသည် သူ့အားမျက်လုံးများပြူးကျယ်ကာ ကူကယ်ရာမဲ့စွာကြည့်နေသည်။

ဘာတွေဖြစ်နေတာလဲ...?

သူသည်ဓားဆန္ဒနယ်မြေအား အလွန်တရာပင်ပင်ပန်းပန်းဖြတ်ကျော်ခဲ့ရသည်။သို့သော် သူ့ရှေ့မှလူငယ်ကား အနည်းငယ်မျှပင်အားစိုက်ထုတ်နေပုံမပေါ်ပဲ သက်သက်သာသာလမ်းလျှောက်နေ၏။သူတို့နှစ်ဦးကြားမှခြားနားချက် မှာဤမျှ​​ကြီးမားသည်လား။

မုရုံချန်းသည် ကျန်ရှိနေ​ေသာမြင့်မြတ်ဓားများကို ပြန်ကြည့်လိုက်၏။ဓားများ၏တုန်ခါမှုကပိုမိုပြင်းထန်လာသည်ကိုသူသတိထားမိလိုက်သည်။၄င်းတို့သည် သက်ရှိလူသားများကဲ့သို့ စိတ်လှုပ်ရှားနေပုံရသည်။

ချီးပဲ...!

ဒီဓားတွေကတမင်တကာလွယ်ကူအောင်လုပ်နေတာပေါ့...။အဓိပ္ပါယ်မဲ့သောအတွေးသည်သူ့ခေါင်းထဲတွင်ရုတ်တရက်ထွက်ပေါ်လာသည်။

မြင့်မြတ်ဓားများသည် ဓားတောင်၌တည်ရှိနေသည်မှာနှစ်ပေါင်းများစွာကြာခဲ့ပြီဖြစ်ပြီး ၄င်းတို့၏အသိအမှတ်ပြုမှုကိုရရှိရန်လာရောက်ကြသောကျင့်ကြံသူအရေအတွက် မှာလည်းများလွန်းသဖြင့်မရေတွက်နိုင်တော့ပေ။သို့သာ် ဓားများသည်တမင်တကာ သူတို့၏ဓားဆန္ဒကိုရုတ်သိမ်းပေးသည်ကိုကားမကြားဖူးသေးချေ။၄င်းတို့သည်လူတိုင်းအားတူညီစွာပင်ဆက်ဆံလေသည်။