ကျုပ်ကပြိုင်ဘက်ကင်း(ချူခွမ်းရန်)အတွဲ ၁ က်ဳပ္ကၿပိဳင္ဘက္ကင္း (ခ်ဴခြမ္းရန္) အတြဲ ၁

အပိုင်း ၄၂ ခရမ်းရောင်မူလအခိုးအငွေ့၏နောက်ထပ်အသုံးပြုနည်း

အပိုင်း ၄၂ ခရမ်းရောင်မူလအခိုးအငွေ့၏နောက်ထပ်အသုံးပြုနည်း

‘’ အမေ...’’

‘’ အမေ...ကတံခါးပိတ်ကျင့်ကြံရာကနေထွက်လာပြီလား’’

ရီပိုင်ဖန်းနှင့် သူ၏ညီနှစ်ယောက်၏မျက်နှာတွင် ပျော်ရွင်သည့်ဟန်များထွက်ပေါ်လာသည်။

ထိုအချိန်တွင် ချူခွမ်းရန်က လန်ယုဆီသို့ပြေးသွားလိုက်ကာ သူမ၏ရှေ့မှနေ၍ကာကွယ်လိုက်သည်။တစ်ချိန်တည်းမှာပင် သူကထိုအနီဝတ်မိန်းမအား စိုက်ကြည့်လိုက်သည်။သူ၏မျက်လုံးများထဲတွင် မရေမတွက်နိုင်သော  အက္ခရာပုံရိပ်များကထူးဆန်းစွာ လှည့်ပတ်လျှက်ရှိသည်။

‘’ လီရုိ့လန်...တိမ်တိုက်ဖြူဓားသမားရဲ့ဇနီး၊ ကျင့်ကြံခြင်းကမြင့်မြတ်သခင် နောက်ဆုံးအဆင့်၊ကြာပန်းနီမီးတောက် ထိပ်တန်းနည်းစနစ်တစ်ခုကို ကျင့်ကြံထားတယ်’’

နတ်မျက်စိဖြင့်ကြည်သောအခါသိလိုက်ရသောအကြောင်းအရာများက ချူခွမ်းရန်ကိုပိုမိုစိတ်ပူလာစေသည်။

လူတိုင်းသည် အဖြူရောင်တိမ်တိုက်မြို့တော်၏ တိမ်တိုက်ဖြူဓားသမားအကြောင်းကိုသိကြသည်။

သို့သော်လည်း...တိမ်တိုပ်ဖြူဓားသမား၏ ဇနီးသည်လည်း မြင့်မြတ်သခင်နောက်ဆုံးအဆင့်ကိုရောက်ရှိနေသည်ကို မည်သူမှမသိပေ။

သူကအထွတ်အထိပ်အဆင့်သို့ရောက်ရန် ခြေတစ်လှမ်းသာလိုတော့သည်။

လီရို့လန်က တတိယမြောက်သားကိုမြင်သည်နှင့် သူမ၏မျက်နှာမှာအေးစက်တင်းမာလာခဲ့သည်။

‘’ ငါ့သားကိုထိခိုက်အောင်လုပ်ရဲတယ်လား...နင်တို့အားလုံးဒီနေရာမှာပဲသေရလိမ့်မယ်...’’

စွမ်းအားကြီးပြီး ထိန်းချုပ်ရခက်ခဲသော မြင့်မြတ်သခင်တစ်ဦး၏ စွမ်းအားသည် ချူခွမ်းရန်နှင့် လန်ယုထံသို့တိုးဝင်လာလေသည်။

ချူခွမ်းရန်က သူ၏ဝိညာဥ်စွမ်းအားများကိုလှုံ့ဆော်လိုက်ပြီး အကန့်အသတ်အထိစုစည်းလိုက်သည်။သူ၏တာအို ရုပ်သွင်သုံးခုကိုလည်း အသက်သွင်းလိုက်သည်။

သို့ေသာ် ၄င်းသည် မြင့်မြတ်သခင် တစ်ဦး၏ သိုင်းကွက်ကို တားနိုင်ခဲ့သည် ဆိုရုံမျှသာ တားဆီးနိုင်ခဲ့သည်။