ကျုပ်ကပြိုင်ဘက်ကင်း(ချူခွမ်းရန်)အတွဲ ၁ က်ဳပ္ကၿပိဳင္ဘက္ကင္း (ခ်ဴခြမ္းရန္) အတြဲ ၁

အပိုင်း ၄၅ ကျင့်ကြံခြင်းနယ်မြေများကြားမှပြိုင်ပွဲ

အပိုင်း ၄၅ ကျင့်ကြံခြင်းနယ်မြေများကြားမှပြိုင်ပွဲ၊ မင်းသမီးလင်လုံ လက်တွဲဖော်ရှာဖွေခြင်း

'' အနီရောင်မိုးတွေရွာနေတယ် ၊ထိပ်တန်းမြင့်မြတ်သခင်တစ်ဦးကျဆုံးသွားတာလား...''

'' ဘယ်သူသေသွားတာလဲ၊ပြီးတော့ဘယ်သူလုပ်လိုက်တာလဲ...''

'' အဖြူရောင်တိမ်တိုက်မြို့တော်မှာ ထိပ်တန်းမြင့်မြတ်သခင်တစ်ယောက်ပဲရှိတယ်၊အဲဒါက ရီဝူဟန်ပဲ၊ကျဆုံးသွားတာကသူများဖြစ်နေမလား...''

လူတိုင်း အနီရောင်မိုးကိုမြင်တွေ့ကြသည်။

ချူခွမ်းရန်အမှန်တရားကို ဖုံးကွယ်လိုလျှင်ပင်မဖြစ်နိုင်ပေ။

ထိပ်တန်းမြင့်မြတ်သခင်တစ်ဦးကျဆုံးသွားကြောင်းသိရလျှင် လူတိုင်းအံ့ဩနေကြသည်။

ချူခွမ်းရန်က လမ်းမပေါ်တွင်လမ်းလျှောက်နေရင်း တီးတိုးပြောသံများကို နားစွန်နားဖျားကြားနေရသည်။သူ၏ရင်ထဲတွင်မှု အပြင်ဘက်နှင့်မတူပဲ အကူအညီမဲ့သလိုခံစားနေရသည်။

ကျော်ကြားမှုနှင့်အတူ ကပ်ဘေးများရောက်လာတတ်သည်။

နောက်တစ်ကြိမ်ထပ်မံ၍ သူလူအများ၏ အာရုံစိုက်မှုနှင့် အငြင်းပွားမှုများကြားတွင် ရောက်ရှိနေပြီဖြစ်သည်။

သူ၏ရုပ်ရည်နှင့် ပါရမီတို့သည် ဘုရား၏ကောင်းချီးပေးမှုကိုခံထားရပြီးဖြစ်သည်။ယခုထပ်မံ၍ ဂုဏ်သတင်းပါကျော်ကြားနေသောအခါ တခြားကျင့်ကြံသူများက မနာလိုမဖြစ်ပဲ နေနိုင်ရိုးလား...။

ချူခွမ်းရန်ကစိတ်ဓာတ်ကျသလိုခံစားနေရသည်။

မကြာခင်မှာပင် သူကျောက်စိမ်းဖြူဟိုတယ်သို့ရောက်လာသည်။

'' အစ်ကိုချူ ရုတ်တရက်ထွက်ပေါ်လာတဲ့ အော်ရာအကြောင်းသိလား၊မြို့တော်ခန်းမမှာဘာဖြစ်ခဲ့တာလဲ...''

လီချင်းချန်က ချူခွမ်းရန်ဆီသို့ချည်းကပ်လာသည်။သူက ချူခွမ်းရန်မြို့တော် ခန်းမရှိပွဲတွင် ရှိနေသည်ကိုသိသည်။

ချူခွမ်းရန်ကခေါင်းညိတ်လိုက်သည်။

'' အဲ့တာက ကိစ္စကြီးမဟုတ်ပါဘူး...မြင့်မြတ်သခင်တစ်ဦးအသတ်ခံလိုက်ရတယ် ဒါပါပဲ...''