ကျုပ်ကပြိုင်ဘက်ကင်း(ချူခွမ်းရန်)အတွဲ ၁ က်ဳပ္ကၿပိဳင္ဘက္ကင္း (ခ်ဴခြမ္းရန္) အတြဲ ၁

အပိုင်း ၃၇၄ ကြီးမြတ်သောပညာရှင်ကျန်းကွမ်၏ကိုယ်ပွားကိုသတ်ဖြတ်ခြင်း

အပိုင်း ၃၇၄ ကြီးမြတ်သောပညာရှင်ကျန်းကွမ်၏ကိုယ်ပွားကိုသတ်ဖြတ်ခြင်း၊ လာမခြိမ်းခြောက်နဲ့

   ချူခွမ်းရန်က ကြမ်းပြင်ပေါ်တွင်လဲလျောင်းနေသော ​ရှောင်လင်းတန်ကိုဆီသို့လမ်းလျှောက်သွားလိုက်ကာ ငုံ့ကြည့်လိုက်သည်။

'' ကောင်းကင်ရွှေအင်ပါရီယန်ခန္ဓာကိုယ်က အားနည်းလို့မဟုတ်ဘူး...၊ မင်းကိုယ်တိုင်က အားနည်းလွန်းနေတာပဲ...''

၄င်းသည်အမှန်ပင်ဖြစ်သည်။

ကောင်းကင်ရွေအင်ပါရီယန်ခန္ဓာကိုယ်က ဘယ်လိုအားနည်းမည်နည်း။

    ဖရိုဖရဲခန္ဓာကိုယ်ပြီးလျှင် ဒုတိယလိုက်သော ဤထိပ်တန်းခန္ဓာကိုယ်တစ်ခုက ဤမျှအားမနည်းနိုင်ပေ။၄င်းသည် တည်ရှိခဲ့သမျှထဲတွင်အားအကောင်း ဆုံး ခန္ဓာကိုယ်တစ်ခုပင်ဖြစ်လေသည်။

  ရှေးခေတ်က အင်ပါယာအများစုသည်ပင် ထိုကဲ့သို့သောခန္ဓာကိုယ်မျိုးမရှိခဲ့ကြပေ။

သို့သော် တာအိုခန္ဓာကိုယ်တစ်ခုက လူတစ်ယောက်၏ခွန်အားကိုဆုံးဖြတ်ပေးနိုင်သလောဟုမေးလျှင် လုံးဝအတိအကျတော့မဟုတ်ချေ။

    ထိပ်တန်းတာအိုခန္ဓာသုံးခုပိုင်ဆိုင်ထားသောချူခွမ်းရန်က ရှောင်လင်းတန်ကို အနိုင်ယူနိုင်ခြင်းမှာ သူ၏နတ်အခြေခံများကြောင့်သာဖြစ်သည်။

ချူခွမ်းရန်သည် ထိပ်တန်းအခြေခြောက်ခု၊ အင်မော်တယ်ခန္ဓာကိုယ်နှင့်၊ စကြာဝဠာဆေးပေါင်းဖို ခန္ဓာကိုယ်တို့ကိုပိုင်ဆိုင်ထား၏။သူ၏ ခန္ဓာကိုယ်သုံးခုက ကောင်းကင်ရွှေအင်ပါရီယန်ခန္ဓာကိုယ်ထက်အားနည်းသော်လည်း တိုက်ပွဲကိုအလွယ်တကူ အနိုင်ရခဲ့၏။

'' ငါက အားနည်းတာလား...၊ ငါကအားနည်းလွန်းတာလား...''

    ရှောင်လင်းတန်က ရေရွတ်လိုက်သည်။သူက ထိုအချက်ကိုနားလည်ရန် ခက်ခဲနေသည်။

   ကောင်းကင်ရွှေအင်ပါရီယန်ခန္ဓာကိုယ်ကိုပိုင်ဆိုင်ထားသော အင်ပါရီယန်လျှောက်လှမ်းသူ တစ်ယောက်အဖို့ သူကအဘယ်ကြောင့် အားနည်းမည်နည်း...။

   ဤသို့ဆိုလျှင် သူကအားမနည်းလျှင် ချူခွမ်းရန်က သူ့ကိုတစ်ကွက်တည်းဖြင့် အဘယ်ကြောင့် အနိုင်ယူနိုင်ခဲ့သနည်း။