ကျုပ်ကပြိုင်ဘက်ကင်း(ချူခွမ်းရန်)အတွဲ ၁ က်ဳပ္ကၿပိဳင္ဘက္ကင္း (ခ်ဴခြမ္းရန္) အတြဲ ၁

အပိုင်း ၃၄၉ ကြီးကျယ်သော အင်ပါရီယန်လျှောက်လှမ်းသူလေးဦးနှင့် တိုက်ခိုက်ခြင်း

အပိုင်း ၃၄၉ ကြီးကျယ်သော အင်ပါရီယန်လျှောက်လှမ်းသူလေးဦးနှင့် တိုက်ခိုက်ခြင်း၊ သက်ဆိုင်ရာလမ်းစဉ်၌ အားအကောင်းဆုံး

“ ငါ့ကို အတူတူတိုက်ကြ၊ ဒါမှ ဒီပျင်းစရာတိုက်ပွဲ အမြန်ပြီးမှာ”
ချူခွမ်းရန်က ပုံမှန်အတိုင်း ပြောလိုက်သည်။

သူ၏ တောင်းဆိုမှုက ကျန်ရှိသော အင်ပါရီယန်လျှောက်လှမ်းသူ သုံးဦးကို မျက်မှောင်ကြုတ်သွားစေ၏။ ချူခွမ်းးရန်က သူတို့ကို‌ ပေါ့ပေါ့ပါးပါး ယူဆမည်ဟု သူတို့ မထင်မှတ်ထားခဲ့ကြပေ။

“ အခြေတည်ဂိုဏ်းမှ ကော်စန်း၊ တိုက်ပွဲအတွက် အဆင့်သင့်ပဲ”

  ‌ကော်စန်းသည် ရှေ့သို့ ခြေတစ်လှမ်းတက်ပြီး သူ့ကိုယ်ထဲမှ ဝိညာဥ်စွမ်းအားများကို နိုးဆွလိုက်သည်။ ကြီးမားသော တာအိုစည်းချက်တစ်ခု ထွက်ပေါ်လာပြီး သူ့ပတ်ဝန်းကျင်ရှိ မြေကြီးချီအားလုံးကို ဆင့်ခေါ်ကာ ကောင်းကင်သို့ လှိမ့်တက်လာစေသည်။

    ထိုမြေကြီးချီသည် ကောင်းကင်၌ သိပ်သည်းသွားပြီး ပြင်းထန်သော စွမ်းအားပါရှိသော တောင်ချွန်တစ်ခု ဖြစ်ပေါ်သွားကာ ချူခွမ်းရန်ဆီ ဦးတည်သွားသည်။

“ တောင်မြစ်ချိတ်တံဆိပ်”

  ပညာရှင်တစ်ဦး၏ စွမ်းအားနှင့်ညီမျှသော တိုက်ခိုက်မှုကို ရင်ဆိုင်ရာတွင် ချူခွမ်းရန်က တည်ငြိမ်လျက်ရှိပြီး သူ့လက်တစ်ဖက်ကို မြှောက်လိုက်၏။

“ မြေကြီးချီကို ဆင့်ခေါ်တာလား၊ ငါလည်း လုပ်နိုင်တယ်ကွ”

သူ့လက်များကို မြှောက်လိုက်သည်တွင်၊ ကြောက်မက်ဖွယ်ပြင်းထန်သော မြေကြီးချီသည် ကော်စန်း၏ တောင်မြစ်ချိတ်တံဆိပ်ထက် ပိုပြီး ခမ်းနားကြီးကျယ်သော ပုံစံဖြင့် မြေကြီးမှ ထွက်လာလေသည်။

ထိုမြေကြီးချီသည် သူ့လက်ဖဝါးအလယ်၌ စုစည်းနေပြီး အဝါရောင်တောက်တောက် ထုတ်လွှတ်နေသည်။
ချူခွမ်းရန်က လက်ကို ညင်သာစွာ အောက်စိုက်လိုက်၏။

ထို့နောက်တွင် ထိတ်လန့်ဖွယ်ကောင်းသော လူသားတောင်တံဆိပ်စွမ်းအားသည် သူ့လက်ဖဝါးအလယ်မှ ပေါက်ကွဲထွက်လာပြီး အခန်းရှိ ဖုန်များကို လှည်းကျင်းလိုက်သကဲ့သို့ သူ့ပြိုင်ဘက်၏ ဝင်လာသော တောင်တန်းကြီးကို ပျက်စီးသွားစေသည်။