အပိုင်း ၁၃၁ ဖီးနစ်သွေးကျောက်တုံးနှင့် မြေကမ္ဘာစိတ်ဝိဉာဏ်သလင်းကျောက်၊ ဒါကတကယ်ကိုကျုပ်ရဲ့ပထမဆုံးအကြိမ်ပါဗျာ
'' ဒီကျောက်တုံးကိုလိုချင်တာသေချာရဲ့လား...ညီလေး၊ ပြီးမှစိတ်ပြောင်းလို့မရဘူးနော်..''
ဆိုင်ရှင်က ယဥ်ကျေးသိမ်မွေ့စွာပြုံးလိုက်၏။ထိူသတ္တုရိုင်းအားလုံးသည် သူ့ဟာဖြစ်သည်။ ထို့ကြောင့်သူက ဘယ်ကျောက်တုံးကကောင်းသည် ဘယ်ကျောက်တုံးက အစုတ်အပြတ်လဲဆိုသည်ကို သူသိ၏။
ချူခွမ်းရန်ရွေးချယ်လိုက်သောကျောက်တုံးမှာ အဆိုးဆုံးထဲက တစ်ခုဆိုသည်မှာ ထင်ရှားသည်။
ကျောက်တုံးများထဲမှကောင်းသောအရာတစ်ခုခုရရှိရန်အခွင့်အရေးမှာ အလွန်ရှားပါး၏။
'' သေချာတာပေါ့...ကျုပ်ဒါကိုယူမယ်...''
ချူခွမ်းရန်ကပြုံးလိုက်သည်။
သူ၏ဘေးတွင် သတ္တုရိုင်းများကိုရွေးချယ်နေသော စစ်သည်ဟောင်းတစ်ယောက်က ချူခွမ်းရန်ကပေါ့ပေါ့တန်တန်ရွေးလိုက်သည်ကိုမြင်သောအခါပြောသည်။
'' ကံကိုယုံပြီးဆူးပုံနင်းရင် ဆူးစူးလိမ့်မယ်ကောင်လေး...သတ္တုရိုင်းလောင်းတာက မင်းထင်သလောက်မလွယ်ဘူး...''
'' မင်းရဲ့ကံတရားကိုပဲ...ဒီအတိုင်းပုံအပ်လိုက်လို့မရဘူး...''
ထိုစစ်သည်ဟောင်းသည် သတ္တုရိုင်းလောင်းကစားလုပ်လာသည်မှာ နှစ်ရာပေါင်းများစွာအတွေ့အကြုံရှိသောသူဖြစ်ပြီး သူကကံတရားကို ယုံကြည်သောသူများကို သဘောမကျချေ။ သူ့အတွက် ကံဆိုသည်မှာ တခဏတာ တောက်လောင်သော မီးတောက်တစ်ခုသာသာဖြစ်သည်။
'' အကြံပေးတာကျေးဇူးတင်ပါတယ်ဆရာ...ဒါပေမဲ့ကျွန်တော်က အပျော် သဘောလောက်ပါပဲ...''
ချူခွမ်းရန်ကပြံးကာ ထပ်မပြောတော့ချေ။စစ်သည်ဟောင်းကြီးက သူ၏အလေးမထားသော တုန့်ပြန်မှုကို မကျေနပ်သဖြင့် နှာခေါင်းရှုံ့လိုက်၏။
'' ကောင်းပြီ...ငါ့မှာသတ္တုရိုင်းခွဲတဲ့ နေရာမှာကျွမ်းကျင်တဲ့ သူတစ်ယောက်ရှိတယ်...မင်းမြေကမ္ဘာစိတ်ဝိညာဥ် သလင်းကျောက်ပေးရင်ပေါ့...ဘယ်လိုလဲ...''
YOU ARE READING
ကျုပ်ကပြိုင်ဘက်ကင်း(ချူခွမ်းရန်)အတွဲ ၁ က်ဳပ္ကၿပိဳင္ဘက္ကင္း (ခ်ဴခြမ္းရန္) အတြဲ ၁
Actionအကျဉ်းချုပ်... ကျင့်ကြံခြင်းကမ္ဘာကို ရောက်ရှိသွားခဲ့တဲ့ ချူခွမ်းရန်မှာ ပထမဆုံး ဆယ်ကြိမ်အထိ ကံကောင်းခြင်းကို ဆက်တိုက်ဆွဲယူနိုင်တဲ့ ဂိမ်းပလပ်အင်တစ်ခု ပါလာတဲ့အခါမှာတော့... ဂုဏ်ယူပါတယ်... ပိုင်ရှင်က ဒဏ္ဍာရီအဆင့် စွန့်ပစ်အင်မော်တယ် အရှိန်အဝါကို ဆွဲယူနိ...
