ကျုပ်ကပြိုင်ဘက်ကင်း(ချူခွမ်းရန်)အတွဲ ၁ က်ဳပ္ကၿပိဳင္ဘက္ကင္း (ခ်ဴခြမ္းရန္) အတြဲ ၁

အပိုင်း ၃၆၀ စကြာဝဠာမီးပေါင်းဖိုခန္ဓာ၊ အသေကောင်များအတွက် လူတိုင်း ဒီကိုရောက်လာတယ်

အပိုင်း ၃၆၀ စကြာဝဠာမီးပေါင်းဖိုခန္ဓာ၊ အသေကောင်များအတွက် လူတိုင်း ဒီကိုရောက်လာတယ်၊ ဝေဒနာအိမ်တော်၏ အင်ပါရီယန်လျှောက်လှမ်းသူ

    “ နတ်ဘုရားအဆင့် ခန္ဓာ၊ စကြာဝဠာမီး‌ပေါင်းဖို ခန္ဓာကိုယ်ကို ဆွဲယူနိုင်ခြင်းအတွက်... ဂုဏ်ယူပါတယ် ပိုင်ရှင် “

ဤနေ့တွင်၊
ချူခွမ်းရန်က နေ့စဥ်လှည့်ဘီးကို လှည့်လိုက်၏။

    သူ ဆွဲယူရရှိသော ဆုကို မြင်ရာ သူ့မျက်လုံးများ လင်းလက်သွားသည်။

   ၎င်းက နောက်ထပ် နတ်ဘုရားအဆင့် ဆုဖြစ်၏။

ထို့အပြင်၊ ၎င်းက အင်မော်တယ်ခန္ဓာကိုယ်ကဲ့သို့ နတ်ဘုရားအဆင့် ခန္ဓာတစ်ခု ဖြစ်လေသည်။

    သူက သူ့သိုလှောင်‌နေရာ ကို ဖွင့်ပြီး ဤစကြာဝဠာ‌မီးပေါင်းဖိုခန္ဓာနှင့် ပတ်သက်သော မိတ်ဆက်အချက်အလက်များကို ကြည့်လိုက်သည်။ စာများမျာဖတ်လေ သူ အံ့သြလေလေ ဖြစ်၏။

    ဤစကြာဝဠာမီးပေါင်းဖိုခန္ဓာ သည် မယုံနိုင်လောက်အောင် အစွမ်းထက်၏။ ၎င်းသည် ကမ္ဘာ့စွမ်းအင်အားလုံးကို လူတစ်ယောက်၏ နယ်ပယ်နှင့် ကိုက်ညီအောင် ပြောင်းလဲပေးနိုင်သော ခန္ဓာကိုယ်အမျိုးအစား ဖြစ်သည်။

    တစ်နည်းအားဖြင့် ပြောရလျှင်။
ဤခန္ဓာကိုယ်နှင့်ဆိုပါက၊ ချူခွမ်းရန်သည် ယခု သူလိုအပ်ပါက သူ့ဝိညာဥ်စွမ်းအားကို တိုးမြှင့်ရန် ရွေးချယ်မှု ပိုများလေသည်။ သူသည် ကောင်းကင်နှင့်‌မြေကြီး ဝိညာဥ်ချီ ကိုစုပ်ယူခြင်း သို့မဟုတ် ဆေးများသောက်ခြင်းကဲ့သို့ သမားရိုးကျနည်းလမ်းများဖြင့် ကန့်သတ်ထားခြင်း မရှိတော့ပေ။

   ရွေးချယ်မှုများတွင် နေနှင့်လအဆီအနှစ်များ၊ ကမ္ဘာပေါ်ရှိ ထူးခြားသော မီးတောက်များ၊ ကျင့်ကြံသူဝိညာဥ်များ၊ သို့မဟုတ် မြေအောက်ကမ္ဘာမှ နတ်ဆိုးချီများ ပါဝင်သည်။

   ထိုအရာများအားလုံးကို သူနှင့်သင့်တော်သည့် ဝိညာဥ်စွမ်းအားအဖြစ်သို့ ပြောင်းလဲပေးနိုင်၏။

   ၎င်းက အလွန်ကြောက်စရာကောင်းသော အရာတစ်ခုဖြစ်ကြောင်း ငြင်းစရာမရှိပေ။ ဤခန္ဓာကိုယ်ဖြင့် ချူခွမ်းရန်သည် ဤကမ္ဘာပေါ်ရှိ အခြားကျင့်ကြံသူများ မရယူနိုင်သည့် ထူးဆန်းသောစွမ်းအင်ရင်းမြစ်များကို စုပ်ယူခြင်းဖြင့် သူ၏ တိုက်ခိုက်‌ရေးစွမ်းအားကို တိုးမြှင့်နိုင်မည် ဖြစ်သည်။