ကျုပ်ကပြိုင်ဘက်ကင်း(ချူခွမ်းရန်)အတွဲ ၁ က်ဳပ္ကၿပိဳင္ဘက္ကင္း (ခ်ဴခြမ္းရန္) အတြဲ ၁

အခန်း ၁၁ တာအိုဆရာသခင်များအလည်အပတ်ရောက်ရှိလာခြင်း

အခန်း ၁၁ တာအိုဆရာသခင်များအလည်အပတ်ရောက်ရှိလာခြင်းက သာမန်လူတစ်ယောက်ကိုကောင်းကင်ဘုံသို့ပို့ဆောင်ပေးတယ်

ချူခွမ်းရန်သည် သူ၏လွှမ်းမိုးနိုင်စွမ်းအားသက်သေပြပြီးနောက် ကောင်းကင်ဓားကို ပြန်လည်စုစည်းလိုက်သည်။ဓားများသည် သူ့နေရာသို့ပြန်လည်ရောက်ရှိသွားပြီး ဓားဆန္ဒတို့မှာလည်းပြန်လည်ပျောက်ကွယ်သွားသည်။

မုရုံချန်းသည် စိတ်သက်သာရာရစွာဖြင့်သက်ပြင်းတစ်ချက်ချကာ ချူခွမ်းရန်အားကြောက်ရွံ့စွာဖြင့်ကြည့်လိုက်သည်။

သူသည်အမှန်ပင်ထိတ်လန့်ဖွယ်ကောင်းသည်။စဦးစိတ်ဝိဉာဏ်အဆင့်ပညာရှင်သည် အတွေးတစ်ချက်ဖြင့်ဖိနှိပ်ခံလိုက်ရလေသည်။

သူတို့သည်ဓားတောင်တွင်ဖြစ်သော်ငြားလည်း ချူခွမ်းရန်၏ဝင်ပေါက်ကိုးခု ဓားနှလုံးသား မဟာတာအိုခန္ဓာသည် မည်မျှထိတ်လန့်ဖွယ်ကောင်းကြောင်း ဤတိုက်ပွဲတွင်သက်သေပြခဲ့ပြီးဖြစ်သည်။

'' မင်းငါ့ရဲ့ တာအိုနန်း​ေတာ်ကို အချိန်ရရင် လာနိုင်တယ်...အခုတော့ ငါမြင့်မြတ်ဓားနဲ့နေသားကျအောင်လုပ်ရအုံးမယ် ၊ဒီတော့ငါမအားသေးဘူး..''

ချူခွမ်းရန်ပြောလိုက်သည်။လက်တစ်ချက်ဝေ့လိုက်သည်နှင့် ကောင်းကင်သက်ဆင်းက သူ့လက်ထဲရောက်ရှိလာ၏။

အတွေးတစ်ချက်ဖြင့် မြင့်မြတ်ဓားသည် သူ၏စိတ်ဝိဉာဏ် ပင်လယ်နှင့် ပေါင်းစည်းသွား၏။

စိတ်ဝိဉာဏ်ပင်လယ်သည် ကျင့်ကြံသူများ၏ စိတ်ဝိဉာဏ်စွမ်းအင်များတည်ရှိရာ ပင်မအရင်းအမြစ်ဖြစ်သည်။၄င်းသည် မြင့်မြတ်ဓား ပေါင်းစည်းထားသောနေရာလည်းဖြစ်သည်။

ချူခွမ်းရန်သည် တာအိုဆရာသခင်များကိုခေါင်းတစ်ချက်ညိတ်ပြလိုက်ပြီး ပြန်လည် လှည့်ထွက်လာခဲ့သည်။ကောင်းကင်နန်းတော်သို့သူပြန်ရောက်သောအချိန်တွင် ညနေ​စောင်းနေပြီဖြစ်၏။

ချူခွမ်းရန်က မုရုံချန်းအား.အနိုင်ယူလိုက်သည့်သတင်းသည် ကောင်းကင်နက်ဂိုဏ်းအတွင်းသို့ လျင်မြန်စွာပျံနှံ့သွားလေတော့သည်။သူတို့သည် တစ်ဂိုဏ်းလုံး၏ရှေ့မှောက်တွင်တိုက်ခိုက်ခဲ့ခြင်းမဟုတ်ပါလား...။