ကျုပ်ကပြိုင်ဘက်ကင်း(ချူခွမ်းရန်)အတွဲ ၁ က်ဳပ္ကၿပိဳင္ဘက္ကင္း (ခ်ဴခြမ္းရန္) အတြဲ ၁

အပိုင်း ၇၃ တော်ဝင် နန်းတွင်းပွဲ ၊ စေ့စပ်သူ ရွေးချယ်ခြင်း ၊ မင်း မူးနေတာလား?

အပိုင်း ၇၃
တော်ဝင် နန်းတွင်းပွဲ ၊ စေ့စပ်သူ ရွေးချယ်ခြင်း ၊
မင်း မူးနေတာလား?

တော်ဝင်အဇူရာ ပြည်ထောင်ရဲ့ မြို့တော် ၊ တော်ဝင် နန်းတော်အတွင်း...

မင်္ဂလာဆောင် သိုင်းပြိုင်ပွဲ ဖျက်သိမ်းလိုက်ခြင်းသည် အဖွဲ့တွေ အများကြီးမှ မကျေနပ်မှုတွေကို ဖြစ်စေသောကြောင့် သာမာန် လူတန်းစားတွေအတွက် လျော်ကြေးငွေ အနည်းငယ် ပေးရုံမျှဖြင့် လုံလောက်၏။

ဒါပေမဲ့ ရှေးဟောင်းကျင့်ကြံခြင်း နယ်မြေတွေကိုတော့ လွယ်လွယ်နှင့် မလှည့်စားနိုင်ပေ။

ဒါကြောင့် တော်ဝင်အဇူရာပြည်ထောင် ဘုရင်သည် တော်ဝင်နန်းတွင်းပွဲတော်ကို ကျင်းပပြီး ကျင့်ကြံခြင်းနယ်မြေတွေမှ ကောင်းကင်သားတော်တွေကို ဖိတ်ခေါ်လိုက်သည်။

တော်ဝင်နန်းတော် ဧည့်ခန်းမကြီး အတွင်းတွင်...

ကောင်းကင်သားတော် လူအုပ်ကြီးသည် ထိုနေရာတွင် စုပြုံ ရောက်ရှိနေကြသော်လည်း သူတို့ရှေ့မှာ ရှိသော များပြားသော စားစရာတွေကို အရသာခံရန် ရည်ရွယ်ချက်မရှိပေ။ သူတို့ထဲတွင် အမည်မသိ မီးတောက်တစ်ခု ရှိနေ၏။

သူတို့သည် မင်္ဂလာဆောင်သိုင်းပြိုင်ပွဲ အတွက်လာခဲ့သော်လည်း ထိုသို့ ဖျက်သိမ်းခံလိုက်ရသည်။ သူတို့ မသိချင်ဘူးကသာ ထူးဆန်းနေပေလိမ့်မည်။

လူတိုင်းက တော်ဝင်အဇူရာဘုရင် က သူတို့ကို ရှင်းပြချက်ပေးရန် စောင့်ဆိုင်းနေ၏။

သို့ပေမဲ့ ၊ လူအုပ်ထဲမှ တချို့က သူတို့ကြားမှ အမည်မသိ ကောင်းကင်သားတော် တစ်ယောက်ကို သတိထားမိကြပြီး ထိုသူက ရှေ့ဆုံးနားတွင် ထိုင်နေသည်။ ဖန်တျန်း သို့မဟုတ် ယွမ်ဟောင် ကဲ့သို့ ထိပ်တန်း ကောင်းကင်သားတော် များဖြင့် နှိုဥ်းယှဥ်ပါက အိမ်ရှင် ၏ ထိုင်ခုံနှင့် ပိုပြီးနီးကပ်၏။

'' ထိုလူက ဘယ်သူလဲ? ''

တစ်ချို့လူတွေက သိချင်စိတ် ပြင်းပြနေကြသည်။

ထိုအချိန်တွင် တော်ဝင်နန်းတော် ခန်းမသို့ လူနှစ်ယောက် ဝင်လာ၏။ ထိုဟာက ချူခွမ်းရန်နှင့်လန်ယု ဖြစ်ပေသည်။