ကျုပ်ကပြိုင်ဘက်ကင်း(ချူခွမ်းရန်)အတွဲ ၁ က်ဳပ္ကၿပိဳင္ဘက္ကင္း (ခ်ဴခြမ္းရန္) အတြဲ ၁

အပိုင်း ၃၅ ကောင်းကင်ဘုံမှာကျောက်စိမ်းမြို့တော်တည်ရှိတယ်

အပိုင်း ၃၅ ကောင်းကင်ဘုံမှာကျောက်စိမ်းမြို့တော်တည်ရှိတယ်၊ လူတိုင်း၏အသိအမှတ်ပြုမှုကိုရယူခြင်း

ချူခွမ်းရန်က နှင်းနဂါးသုံးဖော်ကို ရက်စက်စွာသတ်ဖြတ်ပြီးနောက် မည်သူကမှ မိုက်ရူးရဲဆန်သည့် ဆုံးဖြတ်ချက်ကို မပြုလုပ်ရဲတော့ပေ။သူတို့၏မျော်လင့်ချက်များသည် အကြောက်တရားဖြင့်ဖိနှိပ်ခံထားရသည်။

နှင်းနဂါးသုံးဖော်ကိုလွယ်ကူစွာသတ်ဖြတ်နိုင်သည့်စွမ်းအားအပြင် မြင့်မြတ်သခင် အဆင့်အဖော်တစ်ယောက်နှင့် ဆိုလျှင် ချူခွမ်းရန်သည် အဇူရာကုန်းမြေတစ်ခုလုံးတွင် လွတ်လပ်စွာသွားလာနိုင်တော့မည်ဖြစ်သည်။သူစိုးရိမ်စရာလိုသည့် တစ်ခုတည်းသောအရာမှာ သိုင်းအကျော်အမော် များပင်ဖြစ်သည်။

'' ဘယ်လိုတောင် လှပတဲ့ပြပွဲလဲ...''

လီချင်းချန်က လက်ခုပ်တီးကာဆိုသည်။

'' အစ်ကိုချူ ရဲ့ စွမ်းရည်ကတကယ်ပဲမျက်စိပွင့်စေတာပဲ''

'' အိုး...အစ်ကိုလီခင်ဗျားကမကြောက်ဘူးလား...''

'' ဘာကြောက်စရာလိုလို့လဲ...နှင်းနဂါးသုံးဖော်ကခင်ဗျားကိုသတ်ချင်တယ်..အခုသူတို့​သေသွားပြီလေ..''

လီချင်းချန်က ဖြစ်ပျက်ခဲ့သည်များကို ဂရုမထားသလိုပြော၏။သူသည် နှင်းနဂါးသုံးဖော်၏ ကံကြမ္မာကိုဂရုမစိုက်ပေ။

အမှန်တကယ်တွင်...အဖြူရောင်တိမ်တိုက်မြို့တော်၏ ကျောက်စိမ်းဖြူဟိုတယ်တွင် ကိုယ်ပိုင်အဆက်အသွယ်များရှိပြီး မြင့်မြတ်သခင် များကိုကြောက်ရွံ့ခြင်းမရှိချေ။

'' တကယ်လို့ တခြားကိစ္စမရှိဘူးဆိုရင် ငါသွားတော့မယ်''

ချူခွမ်းရန်ကပြောလိုက်သည်။

'' အစ်ကိုချူ အဖြူရောင်တိမ်တိုက်မြို့တော် ကအနီးအနားမှာပဲ...ပြီးတော့ ကျောက်စိမ်းဖြူဟိုတယ်က ​​မြို့မှာ အခြေစိုက်တဲ့ အဖွဲ့အစည်းတစ်ခုပဲ...ဘာကြောင့် ရက်အနည်းငယ်လာပြီးအနားမယူရတာလဲ''

လီချင်းချန်က စိတ်လှုပ်ရှားစွာပြောလိုက်၏။

လီချင်းချန်က အစပိုင်းတွင် ချူခွမ်းရန်၏ရုပ်ရည်သွင်ပြင်ကြောင့် ရိုးရိုးတန်းတန်းနှုတ်ဆက်လိုခြင်းဖြစ်သည်။သို့သော်...ချူခွမ်းရန်၏သရုပ်မှန်ကိုသိရှိပြီးနောက်တွင် မိတ်ဆွေဖွဲ့ချင်စိတ်မှာ ပိုမိုတိုးပွားလာသည်။