ကျုပ်ကပြိုင်ဘက်ကင်း(ချူခွမ်းရန်)အတွဲ ၁ က်ဳပ္ကၿပိဳင္ဘက္ကင္း (ခ်ဴခြမ္းရန္) အတြဲ ၁

အပိုင်း ၃၂၈ တစ်ပိုင်းအင်ပါယာ၏မှတ်တမ်း၊ ခေါင်းမဲ့အမျိုးသမီး၏တည်ရှိမှု...

အပိုင်း ၃၂၈ တစ်ပိုင်းအင်ပါယာ၏မှတ်တမ်း၊ ခေါင်းမဲ့အမျိုးသမီး၏တည်ရှိမှု...

'' သူမအသက်ရှင်နေတုန်းက ဘယ်လိုလူမျိုးဖြစ်မလဲ...''

ထိုအတွေးက ချူခွမ်းရန်၏စိတ်ထဲတွင် အလိုအလျောက်ပေါ်လာသည်။

သူမ၏ခေါင်းတစ်ခုတည်းက ထုတ်လွှတ်နေသောအော်ရာကပင် ကျွန်းတစ်ကျွန်းလုံးကိုဖုံးလွှမ်းရန်လုံလောက်နေပြီဖြစ်ပြီး ပညာရှင်များကိုချည်းကပ်ရန် အခက်အခဲဖြစ်စေ၏။

ဤသို့ဆိုလျှင် သူမသက်ရှိထင်ရှားရှိစဥ်ကရော ဘယ်လောက်စွမ်းအားကြီးလိုက်မလဲ...။

သူ၏အကြည့်ကို ထိုဦးခေါင်းဆီသို့ရွေ့လိုက်သည်နှင့် အချက်အလက်များစွာပေါ်လာသည်။

'' ကြီးမြတ်သောအင်ပါယာတစ်ပါး၏ဦးခေါင်း၊ အမည်မသိ၊ ကျင့်ကြံခြင်းအဆင့်မသိ၊ မသေသေးစောအခြေအနေတွင်ရှိသည်။သတိဖြင့်ကိုင်တွယ်ပါ...''

'' ဘာ...''

'' မသေသေးဘူးလား...''

'' ဒါက ဘယ်လိုအခြေအနေမျိုးလဲ၊ သူ့ရဲ့ခေါင်းကအဖြတ်ခံထားရပြီးတော့ ကျန်တဲ့ခန္ဓာကိုယ်ကလည်းဘယ်ရောက်နေမှန်းမသိဘူး ဒါတောင်မသေသေးဘူးလား...''

'' ဒါပေမဲ့ ငါ့မှာလည်း အင်မော်တယ်ခန္ဓာရှိတာပဲ၊ ငါ့ရဲ့ခေါင်းကတိုက်ပွဲမှာအဖြတ်ခံလိုက်ရရင်တောင် ငါပြန်ပြီးရှင်သန်နိုင်စွမ်းရှိတယ်...''

'' ဒီကောင်မက ငါ့ထက်ပိုကြမ်းမှာလို့လား...''

ထိုအတွေးကြောင့် ချူခွမ်းရန်စိတ်သက်သာရာရသွားသည်။

ထို့နောက်သူက ဆံပင်ဖြူနှင့်လူကြီးကိုတစ်ချက်ကြည့်လိုက်သည်။

'' ကောင်းကင်စစ်နတ်ဘုရားပညာရှင်၊ ကျင့်ကြံခြင်းအဆင့် တစ်ပိုင်းအင်ပါယာ၊ သေဆုံးပြီး...''

တစ်ပိုင်းအင်ပါယာလား...။

တစ်ပိုင်းအင်ပါယာများသည် ပညာရှင်အုပ်စိုးသူများဖြစ်နေကြသေးသော်လည်း အဓိပတိမြင့်မြတ်သခင်များနှင့် တစ်ပိုင်းပညာရှင်များကဲ့သို့ပင် သူတို့မှာ မိုးလောက်မြေလောက်ကွာခြား၏။အင်ပါယာများအောက်အသန်မာဆုံးပုဂ္ဂိုလ်က ဤနေရာတွင်အဘယ်ကြောင့်သေဆုံးသွားရသည်ကို ချူခွမ်းရန်သိချင်လာသည်။