ကျုပ်ကပြိုင်ဘက်ကင်း(ချူခွမ်းရန်)အတွဲ ၁ က်ဳပ္ကၿပိဳင္ဘက္ကင္း (ခ်ဴခြမ္းရန္) အတြဲ ၁

အပိုင်း ၆၄ မြင့်မြတ်သခင်လိုင်ဟောက် ဒေါသထွက်ခြင်း

အပိုင်း ၆၄ မြင့်မြတ်သခင်လိုင်ဟောက် ဒေါသထွက်ခြင်း၊ ဒဏ္ဍာရီလာစွမ်းရည်တစ်ခုကိုရရှိခြင်း၊ ချူခွမ်းရန်၏ဟာသ

တောက်ပသောလမင်းလျှို့ဝှက်နယ်မြေ၏အပြင်ဘက်တွင်...။

အသန်မာဆုံးသောကျင့်ကြံခြင်းနယ်​မြေကြီးများသည် ဆွေးနွေးနေကြ၏။ပထမဆုံးအကြောင်းအရာသည် ပညာရှင်တစ်ယောက်ကျဆုံးခြင်းအကြောင်းအရာဖြစ်ပြီး၊ နောက်တစ်ခုမှာ လျှို့ဝှက်နယ်မြေအတွင်းတွင် မည်သူက ကောင်းကင်သားတော်များကိုဦးဆောင်နိုင်မည့်အကြောင်းဖြစ်သည်။

လူအများဆုံးတွေးထားကြသည်မှာ မိုးကြိုးသိမ်းငှက် မျိုးနွယ်စုမှ လိုင်အိုပင်ဖြစ်သည်။

''ငါတို့မျိုးနွယ်စုက လိုင်အိုက ကမ္ဘာကြီးရဲ့အင်ပါယာရှစ်ယောက်ထဲကတစ်ယောက်ပဲ၊ သူကတိုက်ပွဲဝင်စွမ်းရည်ပြည့်ဝပြီး ကြီးမြတ်တဲ့ တိုက်ပွဲတွေကိုအောင်မြင်နိုင်ခဲ့တယ်၊ ပြောရရင် သူကစစ်ပွဲဧကရာဇ်တစ်ယောက်လိုအင်အားကြီးတယ်၊ သူ့ကိုလျှို့ဝှက်နယ်မြေထဲက ဘယ်သူကအနိုင်ယူနိုင်မှာလဲ...''

ကျင့်ကြံခြင်းအဆင့်မြင့်လာလေလေ အဆင့်ကျော်ပြီးတိုက်ခိုက်ရန်ပိုမိုခက်ခဲလာလေဖြစ်သည်။ နိ​ဗာနအဆင့်ဖြင့် စစ်ဧကရာဇ်အဆင့်ကိုတိုက်ခိုက်နိုင်သူများကိုသာ အင်ပါယာငယ်ဟုခေါ်ဆိုနိုင်မည်ဖြစ်သည်။

လျှို့ဝှက်နယ်မြေအတွင်းကိုဝင်ရောက်သွားခဲ့သော ကောင်းကင်သားတော်တိုင်းသည် စစ်ဧကရာဇ်ကိုတိုက်ခိုက်နိုင်သည်။သို့သော် ထိုထဲမှလိုင်အိုတစ်ယောက်သာလျှင် အနိုင်ယူနိုင်စွမ်းရှိသည်။၄င်းသည်ကြီးမားသော အားသာချက်ပင်ဖြစ်သည်။

မိုးကြိုးသိမ်းငှက် မျိုးနွယ်စုက လိုင်အိုနှင့်ပတ်သတ်၍ အလွန်ကျေနပ်နေခြင်းမှာ အံ့ဩစရာတော့မဟုတ်ပေ။

အကယ်၍အခြေအနေသာ ပုံမှန်အတိုင်းဖြစ်ခဲ့လျှင် လိုင်အိုက လျှို့ဝှက်နယ်မြေအတွင်းတွင် အကျိုးအများဆုံးဖြစ်မှာမလွဲမသွေပေ။

'' မိုးကြိုးသိမ်းငှက် မျိုးနွယ်စုက လိုင်အိုနဲ့ပတ်သတ်ပြီးတော့အရမ်းယုံကြည်ချက်ရှိနေတော့ ကောင်းကင်နက်ဂိုဏ်းက ချူခွမ်းရန်က လိုင်အိုကိုမယှဥ်ပြိုင်နိုင်ဘူးဆိုတဲ့သဘောလား...။''