ကျုပ်ကပြိုင်ဘက်ကင်း(ချူခွမ်းရန်)အတွဲ ၁ က်ဳပ္ကၿပိဳင္ဘက္ကင္း (ခ်ဴခြမ္းရန္) အတြဲ ၁

အပိုင်း ၃၅၉ ကြာဖြူကျောင်းတော်သို့အလည်သွားခြင်း၊ ချူခွမ်းရန်၏ရုပ်ထု

အပိုင်း ၃၅၉ ကြာဖြူကျောင်းတော်သို့အလည်သွားခြင်း၊ ချူခွမ်းရန်၏ရုပ်ထု၊ ယုံကြည်ကိုးကွယ်ရာ...

    ခေါင်းကိုးလုံးကလန်၏ကိစ္စရပ်များကိုဖြေရှင်းပြီးနောက် ချူခွမ်းရန်က တော်ဝင်အဇူရာပြည်ထောင်သို့ပြန်လာခဲ့ပြီး ခေါင်းကိုးလုံးမြွေနဂါးပုလဲကို လင်းလုံထံ ပေးအပ်လိုက်၏။

    ထို့အပြင် သူကဂူချန်းဂီသေဆုံးသွားပြီဖြစ်ကြောင်းကိုလည်း ပြောလိုက်သည်။

ထိုသတင်းကိုကြားသောအခါ လင်းလုံနှင့် ဘုရင်ဟောင်းတို့က တစ်ခဏခန့် တိတ်ဆိတ်ငြိမ်သက်သွားကြလေ၏။

   ခဏကြာသောအခါ ဘုရင်ဟောင်းက ယူကျုံးမရဖြစ်နေသော အသံဖြင့်ရေရွတ်လိုက်သည်။

    '' တော်တော်ကိုကလန်ကဆန်လုပ်ပြီး စကားနားမထောင်တဲ့ကောင်လေး၊ မင်းဘာလို့ ဒီလိုလုပ်ခဲ့ရတာလဲ...''

    သို့သော် သူဘာမှမတတ်နိုင်တော့ချေ။သေခြင်းတရားသည် တစ်လမ်းသွားဖြစ်သည်။သေပြီးသား လူတစ်ယောက်ကိုပြန်ရှင်လာအောင် အဘယ်သူတစ်ဦးတစ်ယောက်တွင်မှ လုပ်နိုင်စွမ်းမရှိချေ။

   ချူခွမ်းရန်က တော်ဝင်အဇူရာပြည်ထောင်တွင် ရက်ပေါင်းအတော်ကြာအောင်နေထိုင်ခဲ့သည်။ထို့နောက် ၄င်းမှထွက်ခွာလာခဲ့သော်လည်း ကောင်းကင်နက်ဂိုဏ်းသို့ ချက်ချင်းမပြန်သေးပေ။

   အပြန်တွင်သူက ကြာဖြူကျောင်းတော်တွင် ခရီးတစ်ထောက်ဝင်နားလေသည်။သူတို့မှာ မဟာမိတ်များဖြစ်ကြသောကြောင့် အလည်သွားသည်မှာဖြစ်သင့်သည်မဟုတ်ပါလား...။

    '' ငါသူတို့အတွက် လက်ဆောင်နည်းနည်းပါးပါးဝယ်သွားရမယ်...''

    ချူခွမ်းရန် လက်ဗလာနှင့် သည်အတိုင်းသွားမလည်ချင်ပေ။ထို့ကြောင့်သူက မြို့လမ်းအတိုင်းလမ်းလျှောက်ဝင်လာခဲ့၏။
  
    လပြည့်ပြည်ထောင်ကို မရဏခွေးဝင်သောင်းကျန်းခဲ့သည့် အချိန်မှစ၍ နှစ်နှစ်နီးပါး ရှိခဲ့ပြီဖြစ်သည်။ထို့ကြောင့် လပြည့်ပြည်ထောင်အား အပြည့်အဝပြန်လည် တည်ဆောက်ပြီးစီးခဲ့သည်မှာကြာမြင့်ခဲ့ပြီဖြစ်လေ၏။