အပိုင်း ၁၁၁ ရှေးခေတ် ကောင်းကင်သားတော်တွေသာ နိုးထလာခဲ့ရင်၊ ဆက်ကျင့်ကြံစရာလိုလို့လား
'' သိချင်လို့...''
ချူခွမ်းရန်က အနည်းငယ်အံ့ဩသွားသည်။
'' ငါကမ္ဘာတစ်ဝန်းလုံးက လူတွေအများကြီးနဲ့တွေ့ဖူးတယ်...တစ်ချို့ကအင်ပါယာတစ်ပါးရဲ့ကျက်သရေရှိတယ်၊ တစ်ချို့က စစ်ဗိုလ်ချုပ်ကြီးတွေရဲ့ စွမ်းရည်တွေရှိတယ်...ပြီးတော့ တချို့က ကောင်းကင်သားတော်တွေ...''
'' ဒါကကြွားဝါသလိုဖြစ်နေမယ်ဆိုပေမဲ့ ၊ ငါတွေ့တဲ့ဘယ်သူပဲဖြစ်ဖြစ် ပညာရှင်ဖြစ်နေပါစေ၊ ငါကသူတို့အကြောင်းကို မပီမသ အမြဲတမ်းမြင်ရတယ်...''
'' ဒါပေမဲ့... မင်းရဲ့ဘုန်းကံကတော့ ခြွင်းချက်ဖြစ်ပုံရတယ်...''
ကံဟောကြားသူက စကားကိုရပ်လိုက်ပြီး ချူခွမ်းရန်ကိုစိုက်ကြည့်လိုက်၏။
'' မင်းကသာမန်မဟုတ်ဘူး...၊ ငါမင်းရဲ့အတိတ်အနာဂတ်နဲ့ပတ်သတ်ပြီး ဘာမှမမြင်ရဘူး၊ မင်းကိုကြည့်ရတာ အချိန်မြစ်ထဲမှာ မတည်ရှိတဲ့အတိုင်းပဲ..၊ ဒါကအံ့ဩစရာကောင်းတယ်...''
ချူခွမ်းရန်ကမျက်မှောင်ကြုတ်လိုက်၏။
သူကအချိန်မြစ်ထဲမှာ မတည်ရှိဘူးလား...။
အဲ့တာက သူတခြားကမ္ဘာကနေ ကူးပြောင်းလာခဲ့လို့များလား...။
ထိုသို့တွေးလိုက်မိသည်နှင့်ထူးဆန်းသော ခံစားချက်တစ်ခုသူ့နှလုံးသားထဲသို့ဝင်ရောက်လာခဲ့သည်။
'' ဒါက ကောင်းတာလား...ဆိုးတာလား...''
'' ငါလည်းမသိဘူး...''
ကံဟောကြားသူက ခေါင်းခါလိုက်၏။
'' ဒါပေမဲ့ မင်းကအချိန်မြစ်ရဲ့ဘယ်နေရာမှာမှမတည်ရှိတော့...ငါ့ရဲ့ခန့်မှန်းချက်တွေက အသုံးဝင်မှာမဟုတ်ဘူး...နောက်တနည်းပြောရရင် အဲ့ဒါကိုအသုံးချပြီးတော့ မင်းကိုဘယ်သူမှမဆန့်ကျင်နိုင်တော့ဘူး...ဒါကကောင်းတာလို့ပြောလို့ရပါတယ်...''
ချူခွမ်းရန်က 'အင်း'ဟု အသံပြုလိုက်ကာ သဘောတူညီသည့်အနေဖြင့် ခေါင်းညိတ်လိုက်သည်။ သူကထိုအရာကို ခေါင်းမှထုတ်လိုက်ပြီး ကိုယ့်ကိုယ်ကို စိတ်မပူရန်ပြောလိုက်သည်။သူ၏အနာဂတ်ကို ဘယ်အရာကမှခန့်မှန်းမရချေ။ဒီတော့ အချိန်မြစ်ကရော ဘာအရေးလဲ...။
ESTÁS LEYENDO
ကျုပ်ကပြိုင်ဘက်ကင်း(ချူခွမ်းရန်)အတွဲ ၁ က်ဳပ္ကၿပိဳင္ဘက္ကင္း (ခ်ဴခြမ္းရန္) အတြဲ ၁
Acciónအကျဉ်းချုပ်... ကျင့်ကြံခြင်းကမ္ဘာကို ရောက်ရှိသွားခဲ့တဲ့ ချူခွမ်းရန်မှာ ပထမဆုံး ဆယ်ကြိမ်အထိ ကံကောင်းခြင်းကို ဆက်တိုက်ဆွဲယူနိုင်တဲ့ ဂိမ်းပလပ်အင်တစ်ခု ပါလာတဲ့အခါမှာတော့... ဂုဏ်ယူပါတယ်... ပိုင်ရှင်က ဒဏ္ဍာရီအဆင့် စွန့်ပစ်အင်မော်တယ် အရှိန်အဝါကို ဆွဲယူနိ...
