အပိုင်း ၂၀၁ ထပ်ပြီးမရဏနန်းတော်ကလူတွေပဲလား၊ ခေါင်းသုံးလုံးမရဏခွေးက အသုံးမဝင်တော့ဘူးပဲ...
'' ကျေးဇူးတင်ရမယ်ဟုတ်လား...ငါမင်းကိုအခုသတ်လိုက်တာကောင်းမယ်ထင်တယ်...''
ထိုအချိန်တွင်အေးစက်စက်အသံတစ်သံကထွက်ပေါ်လာလေ၏။
အနက်ရောင်ဝတ်စုံနှင့် ထူးခြားဆန်းကြယ်သောလူကြီး၏အမူအရာက အေးခဲသွား၏။သူကနောက်မယုံကြည်နိုင်စွာဖြင့်လှည့်ကြည့်ကာပြောလိုက်လေသည်။
'' မဖြစ်နိုင်တာ...ဒီနေရာက နတ်ဆိုးချီအသိပ်သည်းဆုံးနေရာပဲ...ပညာရှင်တွေကလွဲပြီး အဓိပတိမြင့်မြတ်သခင်တွေတောင်မှ ဘယ်အကျိုးသက်ရောက်မှုမှမရှိပဲ ရောက်လာနိုင်မှာမဟုတ်ဘူး...''
'' ဘယ်သူလဲ...''
သူနတ်ဆိုးသားရဲကိုလွှတ်ပြီး ပညာရှင်များကနတ်ဆိုးချီများကိုဖိနှိပ်နေချိန်တွင် ၄င်း၏ဝိညာဥ်စွမ်းအားကိုစုပ်ယူရဲသည်က သူ၏ကျင့်ကြံခြင်းအခြေခံနှင့်ဝိညာဥ်ဝါးမျိုခြင်းဓားမြှောင်နှင့်ကအားကောင်းလွန်းသောကြောင့်မဟုတ်ချေ။နတ်ဆိုးသားရဲက ချိတ်တံဆိပ်ကိုဖျက်စီးလိုက်ချိန်တွင်ထွက်ပေါ်လာသော နတ်ဆိုးချီများကြောင့် သူ့အနားကိုမည်သူမှကပ်နိုင်မည်မဟုတ်သည်မှာသေချာသောကြောင့်ဖြစ်သည်။
သို့သော် ယခုအချိန်တွင် အခြေအနေများက သူခန့်မှန်းထားသည်ထက်ကျော်လွန်နေပုံရ၏။
အနက်ဝတ်လူကြီးနှင့် ကြာဖြူကျောင်းတော်၏ခေါင်းဆောင်နှစ်ယောက်လုံးက ထိုအသံလာရာဘက်ကိုငေးကြည့်လိုက်ကြသည်။
သူတို့တွေ့လိုက်ရသည်က အဖြူရောင်ပုံရိပ်တစ်ခုက သူတို့ဘက်ကိုတဖြည်းဖြည်းချဥ်းကပ်လာခြင်းပင်ဖြစ်လေသည်။
ထိုပုံရိပ်သည်လူငယ်တစ်ဦးဖြစ်ပြီး သန့်ရှင်းစင်ကြယ်ပြီးအပြစ်ကင်းစင်သောအဖြူရောင်ဝတ်ရုံရှည်ကိုဆင်မြန်းထား၏။လှပသောဓားတစ်ချောင်းကိုလည်း သူ၏ခါးတွင်ချိတ်ဆွဲထားလေသည်။သူကအဖြူရောင်ခြေနင်း( ဖိနပ်) ကိုစီးထားပြီး ဆံပင်ရှည်က ခါးအထိဝဲကျနေ၏။သူ၏ထူးကဲသာလွန်သောရုပ်ရည်သွင်ပြင်တွင် မည်သည့်အပြစ်အနာအဆာကိုမှရှာမတွေ့ရချေ။
YOU ARE READING
ကျုပ်ကပြိုင်ဘက်ကင်း(ချူခွမ်းရန်)အတွဲ ၁ က်ဳပ္ကၿပိဳင္ဘက္ကင္း (ခ်ဴခြမ္းရန္) အတြဲ ၁
Actionအကျဉ်းချုပ်... ကျင့်ကြံခြင်းကမ္ဘာကို ရောက်ရှိသွားခဲ့တဲ့ ချူခွမ်းရန်မှာ ပထမဆုံး ဆယ်ကြိမ်အထိ ကံကောင်းခြင်းကို ဆက်တိုက်ဆွဲယူနိုင်တဲ့ ဂိမ်းပလပ်အင်တစ်ခု ပါလာတဲ့အခါမှာတော့... ဂုဏ်ယူပါတယ်... ပိုင်ရှင်က ဒဏ္ဍာရီအဆင့် စွန့်ပစ်အင်မော်တယ် အရှိန်အဝါကို ဆွဲယူနိ...
