ကျုပ်ကပြိုင်ဘက်ကင်း(ချူခွမ်းရန်)အတွဲ ၁ က်ဳပ္ကၿပိဳင္ဘက္ကင္း (ခ်ဴခြမ္းရန္) အတြဲ ၁

အပိုင်း ၆၇ နူးညံ့သိမ်မွေ့သော ချူခွမ်းရန်၊ မြင့်မြတ်သခင်များထိတ်လန့်သွားခြင်း

အပိုင်း ၆၇ နူးညံ့သိမ်မွေ့သော ချူခွမ်းရန်၊ မြင့်မြတ်သခင်များထိတ်လန့်သွားခြင်း

သုံးရက်...။

ရတနာရှာဖွေခြင်းစွမ်းရည်ကိုအသုံးပြု၍ချူခွမ်းရန်၊ လန်ယုနှင့်တခြားသူများသည် လျှို့ဝှက်နာ်မြေအတွင်းရှိရတနာများကိုရှာဖွေလုယက်ခဲ့ကြသည်။သူတို့သည်လျို့ဝှက်နယ်မြေအတွင်းရှိတန်ဖိုးရှိသော ရတနာအားလုံးကိုမရရှိခဲ့သော်လည်း ခုနှစ်ဆယ်၊ ရှစ်ဆယ်ရာနှုန်းခန့်ကိုရရှိခဲ့သည်။ထိုပမာဏကပင် မယုံကြည်နိုင်စရာပင်ဖြစ်လေ၏။

ကောင်းကင်သားတော်အများအပြားသည် လျို့ဝှက်နယ်မြေအတွင်းကိုဝင်ရောက်လာကြသည်။ရှေးဟောင်းဂိုဏ်းကြီးများမှကျင့်ကြံသူများအပြင် တခြားသောမဟာမျိုးနွယ်စုများမှကျင့်ကြံသူများသည်လည်းဝင်ရောက်လာကြသည်။သူတို့တစ်အုပ်စုစီတို်င်းသည် လူတစ်ရာခန့်ကိုခေါ်ဆောင်လာခဲ့သည်။ထို့ကြောင့် ချူခွမ်းရန်တစ်ယောက်တည်းက ရတနာများ၏ခုနှစ်ဆယ်ရာနှုန်းခန့်ကို ရရှိနိုင်ခဲ့သည်ဆိုသည်မှာ အလွန်များပြားသောပမာဏပင်ဖြစ်သည်။

ထိုအရာကပင် လူအမြောက်အများကို အံ့ဩမှင်သက်စေရန်လုံလောက်၏။

ချူခွမ်းရန် တောင်ပေါ်ကဆင်းလာလာချင်း ရရှိခဲ့သောအရှင်ယွမ်လင်၏ရတနာများကိုပါထည့်ပေါင်းရလျှင် ချူခွမ်းရန်တွင်ရှိနေသောရတနာများ၏ အသားတင်ပမာဏသည် သာမန်မျိုးနွယ်စုတစ်ခုနှင့်ယှဥ်နိုင်နေပြီဖြစ်လေသည်။

'' ရတနာတွေအများပြီးရခဲ့ပေမဲ့...သူတိုအားလုံးကငါ့အတွက်အသုံးမဝင်တာဆိုးတာပဲ...ပြီးတော့ပညာရှင်တောက်ပသောအလင်းရဲ့ အမွေအနှစ်ကိုလည်းရှာမတွေ့သေးဘူး...ငါကတကယ်ကိုအကုသိုလ်ဝင်နေတာပဲ...''

ချူခွမ်းရန်ကသက်ပြင်းချလိုက်သည်။

ပြောရလျှင် ပညာရှင်  တောက်ပသောအလင်းသည် အလင်းနက်နှင့်တိုက်ခိုက်ပြီးပြီးချင်းသေဆုံးသွားခဲ့သဖြင့် ဘာမှချန်ထားခဲ့နိုင်မည်မဟုတ်ချေ။

'' ဟုတ်ပြီ...ရတနာတွေလည်းရှာဖွေပြီးသွားပြီဆိုတော့ အခုပြန်ရတော့မယ့်အချိန်ပဲ...''