ကျုပ်ကပြိုင်ဘက်ကင်း(ချူခွမ်းရန်)အတွဲ ၁ က်ဳပ္ကၿပိဳင္ဘက္ကင္း (ခ်ဴခြမ္းရန္) အတြဲ ၁

အပိုင်း ၇၄ ရှန်ဟန် ၏ စိန်ခေါ်မှု ၊ ဘာမှ ကွာခြားမှု မရှိ

အပိုင်း ၇၄
ရှန်ဟန် ၏ စိန်ခေါ်မှု ၊ ဘာမှ ကွာခြားမှု မရှိ၊  မျှော်လင့်ချက်ကင်းမဲ့မှုများ

တော်ဝင်အဇူရာဘုရင်သည် ချူခွမ်းရန် အား တော်ဝင်အဇူရာပြည်ထောင် မင်းသမီးကြီး၏ သတို့သားလောင်း အဖြစ် လူသိရှင်ကြား ကြော်ငြာ လိုက်သည်။

ထိုသတင်းက ထောင်ချီသော လှိုင်းလုံးလေးတွေ ဖြစ်ပေါ်စေသော ကျောက်တုံးကြီးနှင့် တူပြီး ကောင်းကင်သားတော် တိုင်းကို သူတို့ထဲတွင် ရှုပ်ထွေးသော ခံစားချက်များ ဖြစ်ပေါ်စေ၏။ တစ်ချိန်တည်းမှာပင် ၊ တော်ဝင်အဇူရာပြည်ထောင် နှင့် ကောင်းကင်နက်ဂိုဏ်း နှစ်ခု မဟာမိတ်ဖွဲ့ခြင်းကြား အာဏာ ဘယ်လောက်ထိ သက်ရောက်မည်ကို စဥ်းစားနေကြသည်။

မည်သို့ပင် ဆိုစေကာမူ ချူခွမ်းရန်က တော်ဝင်အဇူရာပြည်ထောင် မင်းသမီးကြီး၏ စေ့စပ်သူ ဖြစ်သည် ဆိုတဲ့ အချက်ကိုတော့ အတည်ပြုလိုက်ပြီ ဖြစ်၏။

ပွဲတော်ထဲမှ လူအုပ်ကြီးက သူ့ကို မနာလို အထင်သေးသော အကြည့်ဖြင့်သာ ကြည့်နိုင်လေသည်။

'' မဟာတာအိုခန္ဓာကိုယ် ကို ပိုင်ဆိုင်ထားခြင်း၊ ပြိုင်ဘက်ကင်း စွမ်းရည် ရှိခြင်း နှင့် တောင်ဆိုတိုင်း မရေတွက်နိုင်သော ကျင့်ကြံခြင်း ပစ္စည်းများရှိသော ရှေးကျင့်ကြံခြင်းနယ်မြေ ကောင်းကင်နက်ဂိုဏ်းမှ လာကာ ၊ ယခု တော်ဝင်အဇူရာပြည်ထောင် အကြီးဆုံး မင်းသမီး၏ စေ့စပ်သူ ဖြစ်လာခဲ့ပြီ ၊ ပြိုင်ဘက်ကင်း အလှတရားကိုပိုင်ဆိုင်တဲ့ မင်းသမီးလင်းလုံ တောင်မှ အခုတော့...''

'' ကောင်းပြီ၊ ပြီးတော့ သူ့အပေါ် ပိုပြီး သစ္စာ ရှိတဲ့ လန်ယု လည်းရှိသေးတယ် ''

'' စွမ်းအားပြည့် နည်းစနစ်များ ၊ လှပသော အမျိုးသမီးများ ၊ စည်းစိမ်ဥစ္စာများ နှင့် ကုန်းမြေ အစိတ်အပိုင်းများ။ ဒါတွေ အကုန်လုံးက ကျင့်ကြံသူတွေ လိုချင်ကြတဲ့ အရာတွေပါ ''

'' ဒါပေမဲ့ ချူခွမ်းရန် တစ်ယောက်တည်း အကုန်လုံး ကို ပိုင်ဆိုင်ထားတယ် ''

'' ဘယ်သူကများ သူ့ကို မနာလိုဘဲ နေနိုင်မှာလဲ? သူ့မှာ ရှိတဲ့ ဟာတွေအတွက် ဘယ်လောက်တောင် အထင်အမြင်သေးနိုင်မည်လဲ? ''