အပိုင်း ၃၇၅ အခြေမဲ့ချောက်နက် ပျက်စီးမှု၊ သိမ်မွေ့ကောင်းကင်ကုန်းမြေသို့၊ မင်းတို့ လုပ်ရဲလား
“ လခွမ်း... လဗြွတ်ပဲဟေ့”
“ ချူခွမ်းရန်၊ မင်း ဘယ်လိုလုပ် ငါ့ရဲ့ စိတ်ဝိညာဥ်ကိုယ်ပွားကို သတ်ရဲတာလဲ။ မင်းစောင့်ကြည့်နေလိုက်... ငါ ကောင်းကင်နက်ဂိုဏ်းကို ဖျက်ဆီးမှာ”
မဟာပညာရှင် ကျန်းကွမ်က ကြိမ်းမောင်းလိုက်သည်။
ထိုအချိန်တွင်၊ ခန်းမတစ်ခုလုံးကို အသံတစ်ခု ပဲ့တင်ထပ်လာ၏။
“ အခု စိတ်အေးအေး ထားစမ်းပါ”
အသံက အိုမင်းပြီး နူးညံပုံရ၏။
အသံကို ကြားသောအခါ၊ မဟာပညာရှင် ကျန်းကွမ်က သူ၏ တည်ငြိမ်မှုကို ပြန်ဆည်လိုက်သည်။
“ ဘိုးဘေး၊ မင်း ဘာလို့ နိုးလာတာလဲ”
မဟာပညာရှင်ကျန်းကွမ်က စိတ်ရှုပ်သွားသည်။ လျှို့ဝှက်ကုန်းမြေများ၏ ဘိုးဘေးများသည် နှစ်ပေါင်းမရေမတွက်နိုင်အောင် ရှင်သန်ခဲ့ကြပြီး ၎င်းတို့၏ ကောင်းကင်ပျက်စီးခြင်းငါးဆင့်ကို နှေးကွေးစေရန် အမြဲတမ်း နက်နက်ရှိုင်းရှိုင်း အိပ်ပျော်နေသောကြောင့် သူတို့ကို သူတို့ ထုတ်ဖော်ခဲလှသည်။
သို့တိုင်၊ နန်းတော်၏ ဘိုးဘေးသည် ယခုအခါ သူ့ကို သတိပေးရန် နိုးထလာ၏။
ဘာတွေ ဖြစ်နေတာလဲ...။
“ လွန်ခဲ့တဲ့ ရက်အနည်းငယ်က၊ အဝေးမှ ကြောက်စရာကောင်းတဲ့ အော်ရာတစ်ခုကြောင့် ငါ နိုးထလာခဲ့တယ်။ ငါတစ်ယောက်တည်းတော့ မဟုတ်ဘူး အခြားလူဟောင်းတွေလည်း ခံစားမိမှာပဲ။ အဲဒီအော်ရာက အရမ်းကို... ကြောက်ဖို့ ကောင်းတယ်”
ထိုအရာက ပညာရှင်ကျန်းကွမ်ကို စိုးရိမ်သွားစေသည်။ မည်ကဲ့သို့ အခြေအနေကို သူ၏ ဘိုးဘေးကို ဤသို့ ကြောက်ရွံ့သွားစေနိုင်သည်နည်း။
ထို့နောက်၊ သူ မှတ်မိသွားသည်။
“ အဲဒါက ခေါင်းမဲ့အမျိုးသမီးပဲ”
“ မှန်တယ်”
အိုမင်းသောအသံက ပြောသည်။
“ ဒါပေမယ့် ကောင်းကင်နက်ဂိုဏ်းကို ငါလက်စားချေမှာနဲ့ ဘာဆိုင်လို့လဲ”
မဟာပညာရှင် ကျန်းကွမ်က အံ့သြစွာပြောသည်။
YOU ARE READING
ကျုပ်ကပြိုင်ဘက်ကင်း(ချူခွမ်းရန်)အတွဲ ၁ က်ဳပ္ကၿပိဳင္ဘက္ကင္း (ခ်ဴခြမ္းရန္) အတြဲ ၁
Actionအကျဉ်းချုပ်... ကျင့်ကြံခြင်းကမ္ဘာကို ရောက်ရှိသွားခဲ့တဲ့ ချူခွမ်းရန်မှာ ပထမဆုံး ဆယ်ကြိမ်အထိ ကံကောင်းခြင်းကို ဆက်တိုက်ဆွဲယူနိုင်တဲ့ ဂိမ်းပလပ်အင်တစ်ခု ပါလာတဲ့အခါမှာတော့... ဂုဏ်ယူပါတယ်... ပိုင်ရှင်က ဒဏ္ဍာရီအဆင့် စွန့်ပစ်အင်မော်တယ် အရှိန်အဝါကို ဆွဲယူနိ...
