အပိုင်း ၁၀၆ ချူခွမ်းရန် ဝိညာဥ်စွမ်းအားကုန်ခမ်းသွားတဲ့အထိစောင့်၊ သူသေကိုသေရမယ်
တောင်မြစ်မြို့တော်တွင် သာမန်ပြည်သူပြည်သားများသည် ကောင်းကင်စူးစမ်းခြင်းကြေးမုံမှမြင်ရသော မြင်ကွင်းကိုကြည့်ကာ တုန်လှုပ်နေကြသည်။သူတို့သည် ပြောစရာစကားမဲ့နေကြ၏။
ပုံရိပ်နှစ်ခုသည် နတ်ဆိုးတစ်သိန်းခန့်ကို အခက်အခဲမရှိရင်ဆိုင်နေကြသည်။
မဖြစ်နိုင်တာ
မည်သူမတိုထိုနှစ်ယောက်သည် နတ်ဆိုးကျင့်ကြံသူများကိုဖိနှိပ်ထားကြောင်းပြောနိုင်၏။
မြက်ပင်ကိုဓားနှင့်ဖြတ်သကဲ့သို့ နတ်ဆိုးကျင့်ကြံသူထောင်ပေါင်းများစွာမှာ အသတ်ခံနေကြရသည်။
'' သူတို့က အရမ်း...အရမ်းစွမ်းအားကြီးတာပဲ...''
ကျင့်ကြံသူတစ်ယောက်ကတံတွေးမျိုချလိုက်သည်။သူ၏မျက်နှာမှာ အ့ံဩတုန်လှုပ်မှုတို့ပြည့်နေ၏။
မဝေးသောတစ်နေရာတွင် ေအာင်ချန်းနှင့် တခြားကောင်းကင်သားတော်များသည်လည်း ထိုအဖြစ်အပျက်ကို ကိုယ်တိုင်မြင်တွေ့နေကြရသည်။
တခြားသောကျင့်ကြံသူများကဲ့သို့ပင် သူတို့သည် ချူခွမ်းရန်၏ခွန်အားအပြည့်အဝနှင့်ပတ်သတ်ပြီး ပြောစရာစကားမဲ့နေကြ၏။
'' သူတို့နှစ်ယောက်က နတ်ဆိုးတစ်သိန်းကို အနိုင်ယူနိုင်တာလား...''
'' ကြောက်စရာအကောင်းဆုံးက သူရဲ့ကြာဖြူခံစစ်ပဲ...အဲ့ဒီကြာဖြူပွင့်တွေက လာသမျှတိုက်ခိုက်မှုတွေကို ပျက်ပြယ်သွားစေပြီး သူနတ်ဆိုးကျင့်ကြံသူတွေကို ထိန်းထားနိုင်တဲ့အကြောင်းအရင်းပဲ၊ သူ့ရဲ့ဘေးမှာလန်ယုမရှိရင်တောင်မှ ချူခွမ်းရန်ရဲ့အခြေအနေက ဘာမှထူးခြားသွားမှာမဟုတ်ဘူး...''
အောင်ချန်း၏အကြည့်က ေကာင်းကင်စူးစမ်းခြင်းကြေးမုံတွင်စွဲကပ်နေ၏။
' ဒီခေတ်မှာရှိနေကြတဲ့ကောင်းကင်သားတော်တွေက ဂူချန်းဂီ၊ ဖန်တျန်းနဲ့ တခြားသူတွေအဆင့်လောက်ပဲရှိကြတာမဟုတ်လား...ဘယ်သူကမှ ငါ့လို ေရှးခေတ်ကောင်းကင်သားတော်တွေနဲ့ယှဥ်လို့မရဘူး...'
YOU ARE READING
ကျုပ်ကပြိုင်ဘက်ကင်း(ချူခွမ်းရန်)အတွဲ ၁ က်ဳပ္ကၿပိဳင္ဘက္ကင္း (ခ်ဴခြမ္းရန္) အတြဲ ၁
Actionအကျဉ်းချုပ်... ကျင့်ကြံခြင်းကမ္ဘာကို ရောက်ရှိသွားခဲ့တဲ့ ချူခွမ်းရန်မှာ ပထမဆုံး ဆယ်ကြိမ်အထိ ကံကောင်းခြင်းကို ဆက်တိုက်ဆွဲယူနိုင်တဲ့ ဂိမ်းပလပ်အင်တစ်ခု ပါလာတဲ့အခါမှာတော့... ဂုဏ်ယူပါတယ်... ပိုင်ရှင်က ဒဏ္ဍာရီအဆင့် စွန့်ပစ်အင်မော်တယ် အရှိန်အဝါကို ဆွဲယူနိ...
