ကျုပ်ကပြိုင်ဘက်ကင်း(ချူခွမ်းရန်)အတွဲ ၁ က်ဳပ္ကၿပိဳင္ဘက္ကင္း (ခ်ဴခြမ္းရန္) အတြဲ ၁

အပိုင်း ၃၃၅ မရဏနန်းတော်မှသူလျှို၊ သူလျှိုကိုဘက်ပြောင်းလိုက်ခြင်း

အပိုင်း ၃၃၅ မရဏနန်းတော်မှသူလျှို၊ သူလျှိုကိုဘက်ပြောင်းလိုက်ခြင်း

'' ကျောက်ထျန်းလုံ၊ ကောင်းကင်နက်ဂိုဏ်း၏အတွင်းတပည့်၊ မရဏနန်းတော်၏သူလျှိုတစ်ယောက်ဖြစ်ပြီး သရုပ်မှန်ကိုဖုံးကွယ်ထား၊ တစ်ချိန်က စဦးစိတ်ဝိညာဥ်ပြီးပြည့်စုံခြင်းအဆင့်ဖြစ်ပြီး ယခုအလယ်ဆင့်၊ ကျင့်ကြံဆင့်ကိုဖုံးကွယ်ရန် နည်းစနစ်တစ်မျိုးမျိုးအသုံးပြုထားသည်ဟုထင်ရ...၊ မြင့်မြတ်သခင်အဆင့်နည်းစနစ်များစွာကိုတတ်ကျွမ်း...''

ချူခွမ်းရန်က သူ့ရှေ့တွင်ရပ်နေသော တက်ကြွသည့်လူငယ်လေးကို ပြုံးစိစိဖြင့်စိုက်ကြည့်လိုက်သည်။

မရဏနန်းတော်မှ သူလျှိုတစ်ယောက်ဖြစ်သော ထိုလူငယ်ကချူခွမ်းရန်ကို ကြောက်ရွံ့နေသင့်သည်မဟုတ်ပါလား...။

သို့သော် သည်ကောင်လေး၏ မျက်လုံးထဲတွင် ချူခွမ်းရန်ကိုအားကျပြီး လေးစားနေသည့်အရိပ်အယောင်များကိုတွေ့ရသည်။

' ဟမ့်...ဘယ်လောင်တောင်သရုပ်ဆောင်ကောင်းလိုက်သလဲ...'

ချူခွမ်းရန်က ရယ်မောလိုက်ကာ ကျောက်ထျန်းလုံအား ဆုလာဒ်ကိုပေးလိုက်၏။မျက်နှာပေါ်တွင် သံသယရှိနေသည်ကိုမပေါ်လွင်စေပဲ သူကပြောသည်။

'' ကောင်းကောင်းသိမ်းထား...မင်းတို့က ဂိုဏ်းရဲ့အနာဂတ်တွေပဲ...''

ကျောက်ထျန်းလုံက တလေးတစားဖြင့်ခေါင်းညိတ်လိုက်သည်။

'' ဟုတ်ကဲ့ပါ...ဂိုဏ်းချုပ်...''

ဟမြ့...။

' ကောင်းကင်နက်ဂိုဏ်းရဲ့ အနာဂတ်ကငရဲပဲဖြစ်လိမ့်မယ် ချူခွမ်းရန်၊ မင်းသေလုမျောပါးဖြစ်နေတဲ့ အချိန်မှာတောင် ငါက မရဏနန်းတော်က သူလျှိုဆိုတာကိုမင်းသိသွားမှာမဟုတ်ဘူး...'

' တစ်နေ့ကျရင် ငါကကောင်းကင်နက်ဂိုဏ်းရဲ့အတွင်းရေးတွေအကုန်လုံးကိုစုံစမ်းမယ်၊ ပြီးတော့ခေါင်းဆောင်တွေကိုသတင်းပို့မယ်၊ အဲ့အချိန်က မင်းရဲ့ကျဆုံးခန်းပဲ...'

' အဲ့အချိန်ကျရင် ငါရဲ့အောင်မြင်မှုက နတ်ဆိုးကျင့်ကြံခြင်းနယ်မြေတွေအကုန်လုံးမှာ ကျော်ကြားလိမ့်မယ်...''