ကျုပ်ကပြိုင်ဘက်ကင်း(ချူခွမ်းရန်)အတွဲ ၁ က်ဳပ္ကၿပိဳင္ဘက္ကင္း (ခ်ဴခြမ္းရန္) အတြဲ ၁

အပိုင်း ၃၈၃ ယဇ်ပူဇော်ခြင်းအခမ်းအနား စတင်ခြင်း

အပိုင်း ၃၈၃ ယဇ်ပူဇော်ခြင်းအခမ်းအနား စတင်ခြင်း၊ မြွေနတ်ဘုရား၏ လူမဆန်သောလုပ်ရပ်၊ ချူခွမ်းရန် ရောက်ရှိလာမှု

မရေမတွက်နိုင်သောယဇ်ကောင်များ စတေးလာသည်နှင့်အမျှ ပင်လယ်ပြင်မှ ကြီးမားသောအနက်ရောင်အရိပ်တစ်ခု တဖြည်းဖြည်း ထွက်ပေါ်လာသည်။ ထိုအချိန်တွင်၊ အကြီးအကဲများ၏၏ အမူအရာက လေးနက်လာပြီး ကြမ်းပြင်ပေါ်၌ လျင်မြန်စွာ ဒူးထောက်လိုက်သည်။

မကြာမီပင် ပင်လယ်မျက်နှာပြင်မှ တောင်ကုန်းငယ်တစ်ခုအရွယ်အစား ကြီးမားလှသော မြွေ‌ခေါင်းကြီးတစ်ခု ပေါ်လာလေသည်။ သူ့ဦးခေါင်းသည် အစိမ်းနုရောင်ရှိပြီး မျက်လုံးများက အဝါရောင်ရှိကာ အေးစက်ပြီးအကြင်နာကင်းမဲ့သော အကြည့်များဖြင့် ရှိနေသည်။

လူတိုင်း၏ အာရုံကို အဆွဲဆောင်နိုင်ဆုံးအရာသည်ကား တာအိုစည်းချက်များဖြင့် ဝိုင်းရံထားသည့် မြွေ၏ဦးခေါင်းမှ ထွက်နေသော ထူးဆန်းသောဦးချို ဖြစ်သည်။ ၎င်းက ခြောက်လှန့်ဖွယ်စွမ်းအားကို ထုတ်လွှတ်နေ၏။

မူလကဆူညံနေသော လူအုပ်ကြီးသည် အဆိုပါ ဧရာမမြွေကြီးအား ကြည့်ကာ စကားမပြောဝံ့တော့ဘဲ ရေခဲတိုက်အတွင်း နှစ်မြုပ်ထားသကဲ့သို့ တုန်လှုပ်သွားကြသည်။

" မြွေနတ်ဘုရားကို ဦးခိုက်ပါတယ်"

" မြွေနတ်ဘုရားကို ဦးခိုက်ပါတယ်"

ပင်လယ်ကျွန်းစုသုံးဆယ့်ခြောက်ခု၏ အကြီးအကဲများက လေးလေးစားစား နှုတ်ဆက်ကြသည်။

သို့ရာတွင်၊ မြွေနတ်ဘုရားသည် သူတို့ကို လျစ်လျူရှုထားပြီး သူ့အကြည့်များက သင်္ဘောသုံးဆယ့်ခြောက်စင်းပေါ်ရှိ ယဇ်ကောင်များပေါ် ရောက်သွားသည်။ ယောင်္ကျားလေးနှင့် မိန်းကလေး သုံးထောင်ကိုမြင်သောအခါ သူ့မျက်နှာတွင် ကျေနပ်သောအမူအရာတစ်ခု ဖြစ်ပေါ်လာသည်။

" အရမ်းကောင်းတယ်၊ မီးခိုးဖြူကျွန်းအကြီးအကဲ"

မြွေနတ်ဘုရားက ပြော၏။ ၎င်း၏အသံက ယောင်္ကျားတစ်ဦး၏အသံနှင့်တူသော်လည်း ထက်ရှလွန်းသဖြင့် လူတိုင်း၏ နားစည်ကို အချိန်မရွေး ထိုးဖောက်သွားနိုင်သည်။