ကျုပ်ကပြိုင်ဘက်ကင်း(ချူခွမ်းရန်)အတွဲ ၁ က်ဳပ္ကၿပိဳင္ဘက္ကင္း (ခ်ဴခြမ္းရန္) အတြဲ ၁

အပိုင်း ၄၆ မြင့်မြတ်သခင်တစ်ဦး၏ဦးညွတ်မှု၊ တော်ဝင်အဇူရာပြည်ထောင်သို့

အပိုင်း ၄၆ မြင့်မြတ်သခင်တစ်ဦး၏ဦးညွတ်မှု၊ တော်ဝင်အဇူရာပြည်ထောင်သို့

ကျောက်စိမ်းဖြူဟိုတယ်၏ အခန်းထဲတွင်...

ချူခွမ်းရန်သည် ကျင့်ကြံနေရာမှမျက်လုံးဖွင့်လိုက်သည်။

သူ၏ကျင့်ကြံခြင်းအဆင့်သည် အခြေတည်စိတ်ဝိညာဥ် အစပိုင်းအဆင့်မှ ပြီးပြည့်စုံခြင်းအဆင့်အထိ တဟုန်ထိုးမြင့်တက်သွားခဲ့သည်။သူသည် နိဗာန အဆင့်ကိုခြေတစ်လှမ်းမျှသာလိုတော့သည်။

'' ခရမ်းရောင်မူလအခိုးအငွေ့ ကတကယ်ကိုထူးခြားတာပဲ၊ သူ့ရဲ့အကြွင်းအကျန်လေးကတောင် အဆင့်သေးလေးတွေကို ဆက်တိုက်မြင့်တက်သွားစေတယ်၊ငါအဲတာကို အသုံးပြုနေတုန်းရရှိခဲ့တဲ့ တာအိုအသိအမြင်တွေက အနာဂတ်ကျင့်ကြံခြင်းလမ်းကြောင်းမှာ ကူညီပေးလိမ့်မယ်..''

ချူခွမ်းရန်က ကျေနပ်စွာပြုံးလိုက်သည်။

သူ၏ကျင့်ကြံဆင့်သည် အခြေတည်စိတ်ဝိညာဥ် ပြီးပြည့်စုံခြင်းတွင် တွင်ရှိနေသေးသည်၊ သို့သော်သူ၏ တာအိုအသိအမြင်သည် ကျင့်ကြံခြင်းအဆင့်တူတွင်ရှိသော လူတိုင်းထက်သာလွန်သည်။စစ်ဧကရာဇ်တစ်ယောက်ကိုပင် ရှုံးနိမ့်လိမ့်မည်မဟုတ်ချေ။

ပြောရလျှင် မြင့်မြတ်သခင်တစ်ဦးကိုပင် ယှဥ်နိုင်လောက်သည်။

ခရမ်းရောင်မူလအခိုးအငွေ့ သည်အလွန်စွမ်းအားကြီးသည်။

'' ကောင်လေး...မင်းကြည့်ရတာအဆင့်တက်နိုင်ခဲ့တယ်ထင်တယ်''

သတ္တမဘိုးဘေး၏အသံသည် လေထုထဲမှထွက်ပေါ်လာသည်။

ထို့နောက် လေဟာနယ်တွင်လှိုင်းဂယက်လေးများ ဖြစ်ပေါ်လာပြီးသတ္တမဘိုးဘေးသည် ၄င်းမှထွက်ပေါ်လာသည်။သတ္တမဘိုးဘေးသည် သက်လတ်ပိုင်းလူတစ်ဦးဖြစ်ပြီး အဖြူရောင်ဝတ်စုံကိုဝတ်ဆင်ထားသည်။သူ့တွင် သူရဲကောင်းဆန်သော အမူအရာရှိ၏။

'' နှုတ်ဆက်ပါတယ် သတ္တမဘိုးဘေး...''

ချူခွမ်းရန်ကထရပ်ပြီး လက်သီးဆုပ်ကာအရိုအသေပေးလိုက်သည်။သတ္တမဘိုးဘေးသည် ကောင်းဂိုဏ်နက်ဂိုဏ်း၏ သတ္တမမြောက်ဂိုဏ်းချုပ်ဖြစ်ကြောင်း သူသိထားပြီဖြစ်သည်။သူ၏ပုံရိပ်မှာ သူ၏ဆရာများဖြစ်ကြသော မြင့်မြတ်သခင်အချို့ထက်ပင်မြင့်မားသည်။