ناض مخلوع من النوم ديما نفس الكابوس يتعاودلو ياربي نموت و نعرف وش سر هاذ المنامة لنشوفها كل يوم راح نهبل دار جيهة البورطابل النوكيا نتاعو تخلع لقاها الثناش نتاع النهار اه يا ربي رقدت هاذ الوقت كامل لازم نزرب نروح للخدمة ليوم نهار مهم ناض بالزربة لبس قشو شرب كاس حليب بارد هبط كابيش الفاست على وجهو و ديمارا لخدمتو خدمة يكرها أما محتمة عليه مزال غير يتشرط شكون راح يقبل يخدمو بحالتو هاذي خرج من الحي بقا شوي يستنا فالبيس لتدي لوسط المدينة قلق و هو يستنا أففف و أخيرا جات بصح وش هادا راهي معمرة لخر تقول باطة سردين طلع بسيف باه لقى بلاصة و هو واقف مسامياتو طفلة و هوما ماشيين فرانات البيس على غفلة الطفلة لكانت بجنبو حكمت فالكابيش نتاعو و هنا كانت الصدمة و جه مشوه مقزز مايقدرش أي كان يتحمل يشوفو الطفلة من الخلعة عيطت عيطة وحدة بزربة هبط الكابيش على وجهو قبل ميشوفوه الباقي عطى الدراهم لمول لبيس و قالو هبطني هنا كمل طريقو للخدمة يمشي معرف يبكي و لا يضحك و لا واش يدير واش يدير يقتل روحو و يتهنى بصح لا منموتش قبل مندير وش راه فبالي مزالي حاجة نديرها و بعدها ساهل الموت و هو يخمم فأفكارو لقا روحو وصل لبلاصة لخدمة لقصر بلمختاري
أنت تقرأ
كرونيك#الظل
Romanceقصة رومنسية درامية إجتماعية تجمع في طياتها الكثير من المشاعر المتناقضة و الأحداث المشوقة من حقد و كره و إنتقام🖤🖤🖤🖤و من عشق و غرام و هوس ❤❤❤معاناة و تضحية 😢😢😢حب من طرف واحد💔💔💔و الكثير الكثير من المفاجآت 💣💣💣💣💣💣💥💥💥💥💥💥💥🔞🔞🔞
