كرونيك#الظل

#الظل_الحلقة[11]

الصمت ساد أرجاء القصر كل واحد قاعد و يخمم فسر هاد الجمعة كانو قاعدين كالتالي لهادي و بجنبو نصيرة على يمينهم وليد و على يسارهم هند و ميساء و مقابلهم هشام و أمو بعد سكوت شوي طويل اخيرا تكلم سي الهادي:على بالي بلي راكم تتساءلو وش هو سر هاذ الإجتماع كيما تعرفو عايلتنا مش مجرد عايلة صغيرة فهاد لبلاد لا حنا عايلة كبيرة و كبيرة بزاف سمعتنا واصلة لخارج الحدود عندنا هيبتنا و مركزنا بين الناس عايلتنا رغم لعندها أصدقاء بزاف إلا أنو عندها أعداء أكبر و يستناولنا فالغلطة باه يشدونا منها على هذي لازم نكونو موحدين أكثر من قبل لانو في توحدنا قوة و هكذا واحد ميقدر علينا انا ليوم جمعتكم بصفتي كبير العايلة و حاميها لهذا من واجبي أني نحافظ عليها و عليكم ليوم حبيت نخبركم بقراري قررت أني نزوج وليد لبنت عمو ميساء(هنا منحكيلكمش على الفرحة لحستها ميساء) حلت الصدمة على الجميع طبعا ماعدا وحدة بدا يسمع فالتوشويش عيط عيطة وحدة مازلت مكملتش هدرتي و نزوج هشام و هند .صدمة ما بعدها صدمة - هشام:لا هنا و تحبس كيفاه تخمم و تخطط وحدك و حابنا نفذو بلا متقولنا بلاك راك شايفني طرطور قدامك - نطقت نصيرة :هشام احترم عمك واش هاد قلة الادب لهنا هشام جن منها كلي هدرتها هي الوقود لشعل النار *هشام*:انتي تسكتي خلاص علابالي كلش من تحت راسك انتي لبقيتي توسوسي لراجلك حابة تتحكمي في كلش و يكون كلش تحت عينك غير هادي لمتصراش و بنتك غير هي لمنديهاش ناض في وجهو وليد:هشام احترم روحك راك زودتها بزاف و كيما أنت متتشرفش باختي أنا ثاني منتشرفش باختك -سكاااااااااااااااااااااااااااااااات نطق لهادي و عروقو خارجين قريب يطرطقو :ما بقات فيكم لا حشمة لا حيا ماحترمتو لكبير ما زدتو الصغير أنا لكبير نتاع هاذ العايلة و أنا لنعرف صلاحها و دركا افرقو عليا هاد السوق و أنت هشام بهدرتك هاذي راح تخسر بزاااف -موش هشام بلمختاري لي يخاف من الخسارة حكم أمو و اختو و خرج من القصر.