الحلقة 28:نجيبلك بنتك يا لهادي مكانش مشكل لكن وش يضمنلي دور في رايك و تخون العهد. -كلمتي هي الضمان . -ههههه متضحكنيش أنا و أنت نعرفو مليح بلي أنت و العهد مكمش صحاب و لا نفكرك قبل أكثر من ثلاثين سنة وش درت. -قرب منها بتوتر و حكى بصوت ضعيف نقصي حسك لا يسمعونا الماضي نخلوه فالماضي و أحنا ولاد اليوم قولي وش المطلوب باه تصدقيني -نص أملاكك يصيرو بإسمي و بعد ما تنفذ الشرط نرجعهملك لكن إذا خلفت تودعهم و تودع بنتك معاهم. -الشيطان يحير في خبثك يا مرأة كل هاذ العشرة و في كل مرة تفاجئيني،خلاص راح نكتب نص أملاك بإسمك لكن غدوة نسحق بنتي قدامي و يا ويلك تأذيها و لا تمسيها بشعرة. -متخافش مدام كلشي تحت سيطرتي مش راح نأذيها. -تنهد و جا واقف ناداتلو. -لهادي مش إذا شفت بنتك قدامك تقول خلاص راح تقضي عليا متنساش كاين بزاف حوايج حاكمتهم عليه مالا غير متخممش تلعب بذيلك. -شاف فيها بكل كره و خرج و مكانش متوله بشخص لكان يتصنت عليهم و حاير في هاذ الشيء لسمع. -زعما شكون هو لسمع سرهم و هل راح يكشفو و لا يخليه للأيام تكشفو و حدها. -قعدت نصيرة فالمكتب هزت تليفونها و عيطت لواحد من عمالها المخلصين خبراتو يروح عند مريم يقولها بلي غدوة يجي باه يديها.
أنت تقرأ
كرونيك#الظل
Romanceقصة رومنسية درامية إجتماعية تجمع في طياتها الكثير من المشاعر المتناقضة و الأحداث المشوقة من حقد و كره و إنتقام🖤🖤🖤🖤و من عشق و غرام و هوس ❤❤❤معاناة و تضحية 😢😢😢حب من طرف واحد💔💔💔و الكثير الكثير من المفاجآت 💣💣💣💣💣💣💥💥💥💥💥💥💥🔞🔞🔞
