الحلقة 77:أشرقت الشمس على أبطالنا و هي حاملة معها الكثير نصيرة و هند فاقو بكري ليوم عندهم بزاف خدمة كانو قاعدين في غرفة نصيرة و ناداو على فضيلة لكنها مردتش جات وحدة من الخدامات سألتها وينهي فضيلة قاتلها بلي مجاتش.
-غريبة مش من عوايدها تكلمت مخاطبة الخدامة الاخرى:إذا شفتي العساس جا خبريني
-شكون فيهم يونس و لا عمي مسعود.
-يونس غير تشوفيه قولو مدام نصيرة محتاجاتك.
-حاضر مدام.
-زعما وشبيها فضيلة مجاتش تكلمت هند
-و الله معلابالي متخفيش مطولش و تبان لازم جي تدي الحانوت لعطيناه لولدها و لا نسيتي فضيلة أقتليها غير الدراهم لي متسمحش فيهم ههه.
-وصل يونس للقصر و هو مقرر خلاص لازم الليلة يخطفها خصوصا بعد الشيء لي صار لبارح كان في صالحي راح يظن الكل أنها هربت بعد فضيحتها.
-جات ليه الخدامة تجري خبراتو بلي مدام نصيرة محتاجاتو الداخل.
-استغرب من أمرها أول مرة يطلبوه لداخل القصر و خصوصا نصيرة أكيد وراها كاش مصيبة نشوفو وش حابة منا يا مدام بلمختاري.
-غير دخل لداخل شافها هبطت هي و هند شافو فيه من فوق لتحت و بعدها نطقت نصيرة بتعالي تبعني للمكتب تنفس بعمق يهدي في روحو شحال يكره هاذ الأسلوب لو كان في وضع آخر كان ندمها على هاذ الشيء لكن معليش جاي وقتكم و تشوفو وجه يونس الحقيقي.
- دخل للمكتب وقعد بعدما شارولو تكلم بعدما شافهم ساكتين غير لخير مدام كشما احتجتو.
-تكلمت هند فالحقيقة احنا محتاجينك في أمر فيه مصلحة لينا و ليك.
-حس من كلامها أنو وراهم حاجة لكن قال خلي نتبعهم حتى نشوف وش حابين.
-ايه معليش نعرف واش هاذ الشيء حتى نعرف مصلحتي من الموضوع.
-تكلمت هند :حبيناك تستر على ختي و تتزوج بيها
-ممم يعني هاذا هو الموضوع قالها في سرو و بعدها تكلم و كيفاه راكم متأكدين بلي راح نوافق.
-تبسمت هند و تكلمت بثقة و وقاحة:توافق يا يونس توافق أنت كيما تعرف حالتك متسمحلكش تتزوج تعرف بنات دوك يتشرطو و يحبو الراجل كامل مكمول يونس هنا جن من كلامها تعاير فيه بشكلو ناض ليها كيف الثور الهايج راح يخنقها حط يديه على رقبتها وبدى يضغط هند الدم حبس ليها من الخلعة و نصيرة راحت تجري ليه تترجاه يطلقها كلامها سودلو الدنيا في وجهو و لما قرب منها و شاف في عينيها حس روحو يشوف في شيطان قدامو مزال ماولداتوش أمو لي يتطاول عليه بدى يزير و يزيد و هند دقات قلبها بداو يضعفو أكثر و أكثر لكنو صحى على صوت نصيرة الباكي و هي تترجى فيه بعدها وعى على روحو و طلقها بقاو يشوفو فيه مصدومين عمرهم تحطو في موقف كيما هاذا ندمو لي عيطولو و اقتارحو عليه هاذ الموضوع
-عدل الفاست نتاعو شاف فيهم و قال أوكي أنا موافق لكن بشرط ليوم تكون عندي
-هند و نصيرة لي قريب يزغرتو من الفرحة خصوصا لما شافو رد فعلو حسبوه راح يرفض .
-كان يشوف فيهم و يقرا في افكارهم عاد عندو شك كبير أنهم هوما ورا الفضيحة لي صرات لمريم لكن معليش هاذ الشيء من مصلحتو مراحش يضطر يخطفها راح تكون مرتو يدير فيها وش حب وحتى واحد ميقدر يدخل تبسم بخبث بعدها شاف فيهم و قال وش قلتو؟
-خلاص موافقين بعد ساعةساعة نروحو للبلدية اعقد عليها و ديها معاك مريم من اليوم ليك.
أنت تقرأ
كرونيك#الظل
Romanceقصة رومنسية درامية إجتماعية تجمع في طياتها الكثير من المشاعر المتناقضة و الأحداث المشوقة من حقد و كره و إنتقام🖤🖤🖤🖤و من عشق و غرام و هوس ❤❤❤معاناة و تضحية 😢😢😢حب من طرف واحد💔💔💔و الكثير الكثير من المفاجآت 💣💣💣💣💣💣💥💥💥💥💥💥💥🔞🔞🔞
