الحلقة 39:بعد ما راحو الضياف أمرت نصيرة فضيلة توصل مريم لغرفة الضيوف تكلم لهادي مخاطب مريم:بنتي راح تبقاي في غرفة الضيوف حتى نوجدلك الغرفة لي تليق بيك تكلمت نصيرة مقاطعة:و علاه حتى توجدلها غرفة أخرى وش خاصها غرفة الضيوف و تكلمت في نفسها أصلا مش مطولة بزاف فالقعدة هنا ههه خزر فيها الهادي خزرة نتاع اسكتي لكن هي مهتمتش نطقت هند بنبرة مزيفة:معليش بابي أنا لي نوصل مريم لغرفتها حابة نتعرف بأختي أكثر بعد موافقة مريم طبعا-تبسمتلها مريم و هي مش عارفة بنواياها و قالت أكيد و نتمنى نكونو نعم الأخوات-مسكتها هند و طلعو لغرفة مريم و قبل ما تدخل مريم زيرتلها هند على ذراعها و دورتها ليها بقسوة:ردي بالك تحسبي روحك ملكتي كلش و وليتي وحدة من العايلة و وحدة من الطبقة المخملية متنسايش أصلك و منين جيتي و مهما طلعت بيك راح تبقاي ذيك الطفلة القروية الجاهلة المسخة مجهولة الأصل- مريم تصدمت و عينيها غرغرو حارت فكمية هاذ النفاق غير درك برك كانت تضحك معاها و فجأة تقلبت وولات تعاير فيها بأبشع الكلمات خانها لسانها و ملقاتش وش تقولها هي أصلا مش النوع لي يحب المشاكل و خصوصا و أنو اليوم أول نهار ليها هنا و مجاياش دير عركة وش يقولو عليها اكتفات بالصمت و دخلت لغرفتها الظاهر أنو معيشتها هنا مراحش تكون ساهلة:آه يا الغالية وين رحتي و خليتيني. -في مكان آخر كان واقف في نفس مكانو المفضل على مرتفع كبير يطل على المدينة وقت سمع صوت سيارتها هبطت منو و هي تتلفت يمين يسار علمتها خدمتها مديرش لامان دار عندها و قالها:هاذا وين كون خليتي للفجر خير-الله غالب هذا وين كملت سي الهادي كان عامل عشاء على شرف بنتو الجديدة-حك لحيتو و قالها:أمم ووش حكاية هاذ الطفلة وين كانت و علاه كان مخبيها شكون أمها؟؟؟-بلعقل عليا حاسبني روبو -تقدمت منو و جلست معاه على نفس الصخرة :حسب لي قالتو نصيرة أنو أمها كانت تخدم عندو و أغوات لهادي حتى وقع في شباكها و جابت منو طفلة و ماتت أثناء و لادتها و الطفلة خطفوها و معرفوش مكانها غير مؤخرا-هههههه و الله يا نصيرة تصلح سيناريست في هوليود دار ليها و سقساها و أنتي صدقتيها؟-لا و اللي أكدلي بلي لحكاية فيها إن أنو لهادي لما جا يتكلم قاطعاتو نصيرة و خلاتوش يحكي و بدات هي فهدرتها كأنها كانت خايفة يقول حاجة أخرى -لمهم خلينا فالأهم وقتاه تعاود تدخل للمكتب-خلي نشوفو حكاية هاذ الطفلة و بعدها ندخل-أنا نخليك دوكا راني ميتة بالتعب ليوم فضيلة هلكتني بالخدمة يهلكها ربي-ضحك و قالها:و الله شابو ليها فضيلة رجعاتك مرا نتاع دار بعد ماكنتي انتي و الراجل كيف كيف هكذا نزوجك و منخافش عليك-اضحك أضحك خاطش مجربتش توقف نهار كامل و انت تغسل فلماعن و جيك فضيلة فلخر تقولك مهمش نظاف عاودي اغسليهم اعععع لوكان نحكمها بيدي و الله نخليها تتمنى الموت و متلقاهاش.
أنت تقرأ
كرونيك#الظل
Romanceقصة رومنسية درامية إجتماعية تجمع في طياتها الكثير من المشاعر المتناقضة و الأحداث المشوقة من حقد و كره و إنتقام🖤🖤🖤🖤و من عشق و غرام و هوس ❤❤❤معاناة و تضحية 😢😢😢حب من طرف واحد💔💔💔و الكثير الكثير من المفاجآت 💣💣💣💣💣💣💥💥💥💥💥💥💥🔞🔞🔞
