كرونيك#الظل

#الظل_الحلقة 53

الحلقة 53:كمل خدمتو و راح لمكانو المفضل لي يرتاح فيه هنا يخطط و هنا يفكر و هنا يتذكر ماضيه و مأساته وصل لقاهم قاعدين فوق صخرته.
-لا لا مليح عرضتو رواحكم و لا أنا لي عرضتكم و منيش متذكر.
-تكلم مروان بعدما نزل من الصخرة:و الله منيش محتاج عرضة باه نشوف صاحبي و لا وش قالت سهيلة.
-تكلمت سهيلة:مديرش عليه يا مروان صاحبك من بكري قليل أصل لوكان منتفكروهش حنا هو عمرو ما يتفكرنا .
-آه يا وحد الخدامة ما يقدر عليك غير فضيلة.
-ضحكو عليها في زوج و خصوصا لما شافو ملامحها وقت تذكرت فضيلة.
-متجبدش سيرة ذيك لمراة لا نستجرم فيكم و نكل بجثتكم.
-بقاو ليل كامل و هوما يحكيو أحيانا على الخدمة و أحيانا يتذكرو مغمراتهم و يبقاو يضحكو؛صداقتهم مكانتش مجرد صداقة عادية لا بل ولدت من رحم المعاناة تقاسمو آلامهم مع بعض و داواو جروحهم مع بعض  علمتهم الحياة كيفاه يتجاوزو محنهم كيفاه يكبتو صرخاتهم و يروضو غضبهم ثلاثة خسرتهم الحياة الكثير لكن عوضتهم ببعض
-في غمرة حديثهم تكلمت سهيلة حابة تشوف ردة فعلو:يونس تعرف شكون سقساني عليك اليوم.
-لا شكون؟؟.
-مريم
- دارلها مستغرب مريم!!!!
-إيه مريم
- قال بعدم مبالاة و أنا حسبت كاش حاجة مهمة.
-تكلم مروان يستفز في صاحبو:مريم كامل و مش حاجة مهمة لازم داوي صاحبي
-صرخ على صاحبو متقلق ميحملش هاذ النوع من الاستفزاز
-مروان من الخلعة سكت و محبش يغامر بروحو.
-مش حاب تعرف وش قالتلي.
-لا مش حاب و اقفلي على الموضوع أنا نروح حاس روحي تعبان و قف جا رايح نادتلو سهيلة استنا خلي نوصلك
-دار ليها لا حاب نمشي شوي كان حاس روحو مشوش و خاف يضعف و يقولها وش سقساتك عليا مش حاب هاذ الشيء هو جاء لهاذ القصر لهدف واحد بعدما يحقو راح يروح و ميزيدش يرجع.
-بقا مروان و سهيلة لي حست بلي خربت القعدة بهدرتها فقررت حتى هي تمشي. قام كل واحد فيهم رايح لسيارتو و قت جات تفتح الباب نادالها مروان
-سهيلة
-دارت ليه كشما احتجت مروان
-وقتاه تحني عليا طال صبري و أنا نستنا
-تأففت بملل قتلك يا مروان أنا مش تاع زواج شوف حياتك مع وحدة اخرى
-و أنا قتلك يا نتزوج بيك أنتي و إلا منتزوجش.
-محبتش تناقشو أكثر ركبت سيارتها و مشات مخلية وراها قلب رافض يتوب عن حبها.