في مطار هواري بومدين و في وسط الغاشي لي رايح و لي جاي لي باش يودع بلادو و يهرب لأحضان بلاد جديدة و لي باش يرجع لبلادو مشتاق باه يشم ريحت ترابها و يتمشى بين سهولها يرقد على أرضها و يتغطى بشمسها كانت في الوسط لالة تتمختر بمشيتها مشية نتاع واحد واثق من روحو مشية نتاع واحد كابر فالعز و الدلال شعر حرير طايح على كتافها عيون شهل يبرقو من بعيد محليهم كحل زايد من لمعانهم خشم صغير و فم أحمر يشهي يلمع بحمرة قاتمة طاي مانكان لابسة روب نوار ميني و سير طاي كتافها عريانين هازا فيدها فاست كوير كرامال وساك فنفس اللون الطالون نتاعها يتسمع من بعيد كأنو يعلن عن وصولها وصول بنت أكبر رجال الاعمال فالبلاد بلمختاري و شكون لميعرفش هند بلمختاري دلولة باباها لي تطلبو فيها يلبيهالها رباها و كبرها على العز و الدلال رغم هيبتو و سلطتو لكن قدام بنتو تسقط كل القوانين كان فاستقبالها خوها الكبير و كيما يقولو ذاك الشبل من ذاك الأسد خرج يشبه لباباه فبزاف حوايج و أهمهم القوة و التحكم في زمام الأمور قدر بشطارتو يخلي مسيو الهادي يحط فيه كامل ثقتو و يحملو مسؤوليات كبار .
أنت تقرأ
كرونيك#الظل
Romanceقصة رومنسية درامية إجتماعية تجمع في طياتها الكثير من المشاعر المتناقضة و الأحداث المشوقة من حقد و كره و إنتقام🖤🖤🖤🖤و من عشق و غرام و هوس ❤❤❤معاناة و تضحية 😢😢😢حب من طرف واحد💔💔💔و الكثير الكثير من المفاجآت 💣💣💣💣💣💣💥💥💥💥💥💥💥🔞🔞🔞
