راحت تجري لخوها و حبيبها وليد لي تعتبرو مش برك أخ بل صديق كان طبعو حنين و دافي من لكانت صغيرة ديما تحكيلو على احلامها و طموحاتها و هو ديما يساندها في قراراتها حتى لو كانت ضد باباه كانت دايما تحلم تولي عارضة أزياء لكن لهادي رفض رفض قاطع هاد الشيء مش بنت الهادي لتعري روحها للي يسوى و لي ما يسواش كيفاه راح يكون موقفو بين شركاءو و أصحابو يقولو معرفش يربي بنتو طالقها تتعرى و هو زعما يصلي صلاتو فالجامع مستحيل يقبل حتى لو يضطر يحبسها المهم سمعتو متتمسش حاول فيه وليد و نصيرة لكن لا و ألف لا إلا هذي و أخيرا رضخ الكل لأمرو و سجل بنتو في جامعة ألمانية درست فيها إدارة الأعمال كيما خوها لي حتى هو كان عندو طموح بعيد على المال و الأعمال كان حلمو يصير جراح مشهور لكن في النهاية رضخ لأمر والديه و حتى هو حكم عقلو إذا دار حاجة بعيدة على ميدان والده شكون راح يقوم بهاذ الشركات و هاذ الثروة الكبيرة صحيح باباه قادر يتحكم في كل شيء لكن العمر عندو حقو و أكيد راح يجي نهار و يتعب من هاذ الحمل. صحى من شرودو على خبطة خفيفة على صدرو *هند*:هالووووو وين سرحت مقبيل وأنا نهدر و أنت مش هنا هذي هي لتوحشتني و كتا نشوف فالدار و لا حبيبة القلب نساتك فيا *وليد*:هههه يا وحد المصيبة علابالك بلي عندي حبيبة وحدة لي هي انتي هي نزربو قبل مجينا نصيرة لحتى هنا و تجرجرنا من وذنينا ضحكو في زوج على أمهم في زوج يعرفو طبايعها مليح لازم كل حاجة في وقتها اي غلطة صغيرة تقلب الدنيا ركبو فالطومبيل ديراكسيون فيلا بلمختاري في جو لا يخلو من المزاح و الضحك.
أنت تقرأ
كرونيك#الظل
Romantikقصة رومنسية درامية إجتماعية تجمع في طياتها الكثير من المشاعر المتناقضة و الأحداث المشوقة من حقد و كره و إنتقام🖤🖤🖤🖤و من عشق و غرام و هوس ❤❤❤معاناة و تضحية 😢😢😢حب من طرف واحد💔💔💔و الكثير الكثير من المفاجآت 💣💣💣💣💣💣💥💥💥💥💥💥💥🔞🔞🔞
