كرونيك#الظل

#الظل_الحلقة 57

الحلقة 57:تكلم لهادي بصوت عالي خلى لكل يرعش من نبرتو أول مرة يشوفوه بهاد الحالة:نصييييرة الظاهر لكلام معاك معادش يجيب فايدة معاك اعتذري حالا منهم و إلا و الله متباتيها هنا.
-و علاه وش قلت مشفتش انت وجها كيفاه عامل قاطعها لهادي و الدخان خارج من وذنيه تعتذري و إلا قبل ما يكمل قالت فوق من قلبها: حقك علينا يا فيروز إنتي و بنتك أنا من خوفي برك على الطفلة حكيت راهي فمقام بنتي.
-معليه يا نصيرة وصل إعتذارك قالتها فيروز و العبرة تخنق فيها و كملت تحكي قلتلنا يا سي لهادي حاب تحكي معانا في موضوع غير لخير إن شاء الله.
-غير لخير يا مرت خويا و إن شاء الله ميكون غير الخير أنا ليوم جمعتكم باه نصلح الأمور و نرجعها لطبيعتها و نلم الشمل لتفرق في سبة الأولاد جا هشام باه يحكي في آخر لحظة تردد خلاص مش قادر يتحمل حجم الإهانة و فضيحة أختو بعد دقيقة تبقى على كل لسان حبساتو يد عمو قبل ميحكي.
- أنا يا فيروز حشمان منكم و مش عارف وين ندير وجهي الغلطة لعملها وليد كبيرة و كبيرة بزاف راهو وسخ شرفي و عرضي قبل ميكون شرفكم و عرضكم متلوميش ميساء و متقسيش عليها هي صغيرة و متميزش الصح من الغلط اللوم كلو على ولدي الكبير العاقل.
-صدمة ما بعدها صدمة على ملامح الكل نصيرة شوي و دوخ من لكلام لي سمعت هذي آخر حاجة توقتعها عن سبب الخلاف بين البو و ابنو يعني لكل بسبة ميساء و الله وظهرت مش قليلة يا فيروز إنتي و بنتك لكن معليش هاد شيء في مصلحتي راح يضطر لهادي يزوجهم و هاذا لي أنا نحوس عليه ضحكت بشر في سرها بعدها حولت ملامحها لحزن مصطنع تخفي بيه فرحتها.
-إسترسل لهادي فلحكي بعدما شاف لكل صامت :نتمنى نصفيو لقلوب و نلمو المكسور نداوو العلة و ننساو لي فات بصفتي أب وليد و عم ميساء فأنا طالب راغب في يد بنت خويا و بنتي لولدي وليد على سنة الله و رسوله.
-فيروز و كأن هم و إنزاح عليها لكن معطاتش ردها حتى شافت في هشام لي نزللها راسو بمعنى وافقي خلاص كلشي خرج من طوعو و رايو مبقاش عندو فايدة مدام قررت بنفسها مصيرها تتحمل هي باقي المسؤولية هو رفع يدو من مسؤوليتها ووكل كل شيء لأمو حبت توافق أو ترفض.
-تكلمت فيروز بعدما خذات موافقة ولدها و قالت طلبك مقبول يا سي لهادي و من ليوم الطفلة راهي بنتكم.
-دمعة نزلت من عين ميساء بعد كلمة أمها عمرها ما كانت تتمنى تكون بهاذ الشكل بهاذ الإذلال ليوم لكل شهدو على عارها و عرفو بفعلتها و لي قسمها أكثر أنو خوها منطق بحتى كلمة كأنو الشخص لقاعد يتخطب دوكا لا يعرفو و لا يقربلو.
-بما أن الجميع موافق على هإذ الزيجة حبيت نضيف شيء آخر و هكذا راح تتوطد عيلتنا أكثر و أكثر قبل أيام طلب مني هشام طلب و أنا مرديتش عليه بسبب الجلطة لصراتلي لكن أنا نقولك يا ولدي طلبك منسيتوش و بقيت نفكر فيه طول هاذ الأيام و خصوصا أنو يتعلق بنوارة من نواراتي الأثنين حبيت نقولك يا ولدي طلبك مقبول و الطفلة اعتبرها من ليوم زوجتك .
- هشام تصدم نسى أصلا هاذ الموضوع من بعد الشيء لوقع و لي خلطلو كامل أوراقو معرفش واش يرد خصوصا أنو معملش حساب أنو عمو راح يحكي فيه لكن لما هز راسو شاف فيها مطولا كانت كيف الملاك بهدوؤها بحشمتها بزينها الطفولي البريء طول شوفتو فيها يتأمل ملامحها لي أسروه من أول مرة حتى فيقو صوت عمو:وش قلت يا ولدي أعطينا قرارك .حس بالخجل و خاف ليكونو نظراتو فضحوه قال في سرو خلي نضرب عصفورين بحجر منها نغيض نصيرة لحابة تزوجني بنتها و منها نتزوج بمريم لتمناها خاطري من أول ما شفتها تكلم بكل ثقة و عينو فعين نصيرة حاب يشوف ردة فعلها:مزلت عند طلبي يا عمي و يشرفني نطلب إيد بنتك مريم على سنة الله و رسوله.