كرونيك#الظل

#الظل_الحلقة25

الحلقة25:فاتو أيام على هذاك النهار المشؤوم تبدلت حياتها 360 درجة الناس داخلة خارجة تعزي و هي الجسد هنا و الروح عالم بيها ربي عويناتها طابو من البكا حرمت الماكلة على روحها حتى يحتمو عليها الجارات باه تاكل لقمة و لا زوج تعقبهم بطلوع الروح لافة خمار على راسها و هازا مصحف بين يديها على هزت عينها لقات المرأة لي شهدت على الحادثة المشؤومة جاية ناحيتها سلمت عليها و قعدت:عظم الله أجرك -شكر الله سعيك قالتها بصوت ضعيف-أحم علابالي مش وقتها هاذ الهدرة أما جيت باه نذكرك بوصية المرحومة متنسايش هاذ الشيء-كيفاه!!! بصح أنا منقدرش نخلي دارنا فيها ريحة ما و دوارنا و نعجاتي منقدرش نعيش في مكان خلاف هذا هو وطني نعيش هنا بحذا قبر اما و نموت و نتدفن جنبها-عيب يا مريم هكذا تخالفي وصية المرحومة بعد ما بريتي بيها في حياتها تعصيها في موتها راح تغضب منك و هي في قبرها و على دواركم كل ما تتوحشيه راح نجيبك ليه-سكتت ما عندها واش جاوبها هي مضطرة تروح معاها مدام ما قالت هكذا مراحش نعصيها مسحت دموعها بكفوفها الصغار و قاتلها :موافقة نروح معاك أما خليلني يامات حتى نودع دارنا و نظم حوالي و بعدها نجي معاك-ضحكت في داخلها باستهزاء شوف ديك الدار لي حازنة على فراقها و الله و عرفتي تعلقيها بيك يا حليمة خدمتيني في حياتك و خدمتيني في موتك هكذا راح نبقى مطمنة على سري الكبير لكانت تعرفو ماتت شافت في مريم بتردد تقولها دوك و لا تخلي نهار تجيبها لا خلي تقولها دوك احسن تكلمت بصوت مسموع هاذ المرة مريم حابة نحكي معاك في موضوع بصح موش هنا حابة نكونو و حدنا هزتلها راسها بالموافقة و قفت و تبعتها نصيرة خرجو برا -تفضلي خالتي-هه مدام نصيرة كاملة و لات خالتي *نصيرة*:مكيش حابة تعرفي علاه جداك طلبت منك تعيشي معانا؟-لا مش مهم بما أنو جدة قرت نعيش عندكم فراح نفذ قرارها بلا منحوس المهم ترضى عليا -*نصيرة*:حتى و لو انتي كبرتي و لازم تعرفي الحقيقة-وشمن حقيقة؟؟؟-حقيقة عايلتك يا مريم-عايلتي!!!! بصح أنا معنديش عايلة جدة هي كامل عايلتي-لا يا مريم جداك مش هي كامل عايلتك عندك أب و إخوة و مرت أب لهي أنا-ههه تتمسخري بيا-يماك ماتت كي ولداتك و بعدها تخطفتي من باباك و لقاتك حليمة كثر خيرها المرأة ورباتك أنا و باباك سنين و احنا نحوسو عليك حتى قدرت نلقاك أخيرا-مريم من الصدمة مقدرتش تتحمل لوقفة جلست على أول صخرة لقاتها معناها جداها ماتت بسبتها أكيد من صدمتها هذاك النهار مقدرتش تتحمل آه يا ميمتي أنا سبابك يا روحي أنا لقتلتك كون غير مت أنا و بقيتي أنتي وش ندير بعايلة و انتي مش فيها - مريم أنا لازم نروح راح تغرب الشمس و طريقي بعيدة متنسايش توجدي روحك بعد ايام راح نجي نديك-هزتلها راسها برك الكلام هرب من لسانها بعد هاذ الشيء لسمعاتو-ركبت طومبيلها و هي تتبسم نشوفو يا لهادي يا أنا يا أنت.