الحلقة181:الزمان توقف بيه مخو حبس و صار يعيد فنفس الكلمة: بابا...بابا....شاف فيها يستنى منها فإجابة فكلمة تفهمو وش قاعدة تحكي وش قاعدة تقول لكن الظاهر حتى هي مصدومة كيفو....استجمع قوتو و تكلم: إنتي...إنتي وش قاعدة تقولي...وش قاعدة تحكي..
-مريم الدمعة صارت دمعات القلب تعبئ و معرف لا يفرح و لا يبكي يعني بعد سنين يتم شاءت الأقدار تتعرف على والدها..والدها لي ياما حلمت بيه ياما تمنات تتكى عليه و قت تقسى عليها الدنيا و ما تلقى بيها وين....هزت عينيها الكبار المبلولين بدمعوها لعند يونس هو الوحيد لي راح يشفي غليلها و يجاوبها: يو..يو..نس...قو...ل...ي...هذا..هو با...با....
- يونس غير شاف دمعاتها و كلامها المرجوف قلبو تزير عليه و وجعو محملش يشوف هاذ النظرات و هاذ الدموع و الأصعب معرفش وش يجاوبها و لا وش يقولها نزل راسو و فضل السكوت...و هذي الشي أكد كلشي لمريم و لمحمد....محمد لي انهارت حصونو و دموعو سالت كيف عمرها لا سالت يعني عندو بنت عندو قطعة من وفاء من محبوبتو الغدارة يعني طول هذا السنين تحرم من أجمل شعور ممكن يعيشو أي راجل....الإحساس بالابوة ...أنك تشوف صغير تكبرو و تربيه على يدك تلعبو مع بعض و تخرجو مع بعض ترقدو في حظنك و تحكيلو حكايات الليل تمشي معاه للمدرسة و تفرح وقت تشوف نجاحو تسمع كلمة بابا من فمو كل ...ضغط على يديه بقوة و خرج أأأأأه طويلة قداش قسات عليه الدنيا و قداش من مرة وقفت ضدو و طعناتو و خلات جروحو ينزفو تكلم وسط دموعو: واحد فيكم يفهمني كيفاه بنتي؟؟؟؟
-شاف فيه يونس بحقد: نظن هذي مفيهاش حاجة تتفهم هذي بنتك من مرتك مرتك وفاء و الا نستيها مرتك لي قذفتها فشرفها و طعنتها...قاطع كلامو و الغش عامي عينيه: أنا مكذبتش عليها و متبليتهاش شفت كلش بعيني شفتها و هي في حظنو قاعدة وسط فراشنا.
-قرب ليه و الجنون دايرين بيه كلش كلش غير أنو يتهملو شرفو و عرضو يقتل و ما يرحمش حكمو من رقبتو و بدا يخنق فيه زير على سنيه و تكلم: ليوم نقتلك يا طحان نقش كيما أنت يحكي على عمتي عمتي أطهر منك و من عشرة كيفك....
-مريم هبلت و معرفت وش تعمل كلشي تخلط عليها من جيهة هذا الشخص لي عرفت أنو والدها و من جيهة كلامو القاسي على امها و زاد كمل عليها يونس بعملتو حطت ولدها الراقد على الكانابي المحطوط ثم وراحت تجري مخلوعة تفك في يونس لي تحول كيف الوحش و صار يلكم في محمد من كل جيهة و ما طلقو حتى خلاص شافو راح يطيح لكن هكذاك و مبردش قلبو...مسح على جبهتو دفل عليه و قالو : أحمد ربي منيش قاعدلك..بصح غير نلقى عمتي عندي حساب آخر معاك و رد بالك تهرب عيني راهي عليك.
-تقوى على وجايعو و تكلم مش محمد لي يهرب بصح إذا كنت راجل و ولد محسن نتاع الصح عاود راجع حساباتك و حوس على عدوك الحقيقي و أنا مستعد نعاونك....مقدرش يكمل لكلام و يحس في سكاكن تقطع في كرشو من قوة الضرب لي خذاه خرجت ااه قوية منو خلات مريم تنسى كلش و تروح تجري ليه ملهوفة طابست لعندو و بدات تتلمس فيه بحنانة: وين راك موجوع نديك لسبيطار....لهفتها و خوفها خلاو قلبو يرفرف و عينيه يلمعو بالفرحة يشوف فيها و يملي عينيه بملامحها مش مصدق لي قدامو هذي بنتو بنتو من دمو و لحمو يعني مخرجش من هاذ الدنيا صفر اليدين يعني الدنيا حتى و حرماتو من حوايج لكنها عوضاتو بهاذ الملاك القاعد قدامو ..بصح زعما تكون صح بنتي يمكن مش بنتي يمكن بنت الطحان لاخر وش يثبتلك أنها بنتك شيطانو فاق و بدا يوسوسلو أكثر فيق يا حمار أنت و الدنيا خطين متوازيين لا يمكن راح يجي نهار و تنصفك أكيد مش بنتك أكيد عينيه بعدنا كانو يلمعو بحب حمارو و صارو يلمعو بحقد دفعها بكل قوتو حتى جات مرمية في الارض و اااه خفيفة خرجت منها بعدي عليا أنتي مستحيل تكوني بنتي روحي حوسي على باباك في جيهة أخرى...الشي هذا هبل يونس و كان راح يهجم عليه لكن وقافتو مريم المذبوحة و المكوية تبكي بألم و قهر على كلاماتو لي طعنوها بخنجر ماضي تكلم و هي تشهق...يونس الله يخليك خلينا نخرجو من هنا مش قادرة نتحمل
أنت تقرأ
كرونيك#الظل
Romanceقصة رومنسية درامية إجتماعية تجمع في طياتها الكثير من المشاعر المتناقضة و الأحداث المشوقة من حقد و كره و إنتقام🖤🖤🖤🖤و من عشق و غرام و هوس ❤❤❤معاناة و تضحية 😢😢😢حب من طرف واحد💔💔💔و الكثير الكثير من المفاجآت 💣💣💣💣💣💣💥💥💥💥💥💥💥🔞🔞🔞
