كرونيك#الظل

#الظل_الحلقة 84

الحلقة 84:تكلمت بصوت مرجوف باكي:أنا...أنا شريفة معملتش الشي لقلت عليه صدقني.
-حس بقلبو تزير عليه من دموعها لكنو كمل كلامو غير مبالي هههه إذا باباك لي ولدك و جابك لهاذ الدنيا و موش مصدقك حابتني أنا لي متربطني بيك حتى صلة نصدقك. قاطعاتو و هي تشهق:علاه مالا تزوجت بيا بما أنك موش مصدقني علاه قبلت على روحك تتزوج بيا. قرب منها و الدنيا كحلة في وجهو خصوصا لما زادت فكراتو علاه تزوجها حط يديه في زوج على رقبتها و بدا يضغط عليها بالشوي عينيه في عينيها يشوف فيها بكل حقد و يحكي بغل مفهمتش سبتو تزوجتك باه نذلك باه نعذبك باه نشرب من دمك و نقول قليل باه نرجع شويا من الشي لي دارو فيا باباك باباك لي دمرلي حياتي لي حرمني من والديا لي كسر فرحتي و عفس عليها لي خلاني نمشي و أنا مخبي وجهي من الناس خلاني كيف الوحش لي يشوفني يهرب يجري.
-دموعها زادو قواو أكثر تشوف فيه و مش فاهمة قصدو وش عمل والدها حتى راهو يحكي هكذا تكلمت بصوت مخنوق مقطع ما جا يخرج بالسيف بسباب يديه لي يخنقو فيها:مف...مف..هم..تش
-طلق من رقبتها وشاف فيها بكل قسوة عينيه حمر دم و عروق يديه قريب يطرطقو من الغش زير على سنيه و قال بصوت عالي:تحبي تفهمي أكثر ذوك نفهمك طلع يديه لأعلى راسو و نزع بكل عنف لغطا من على راسو هزلها راسو و هنا كانتلها الصدمة حطت يديها على فمها تكتم في شهقاتها مش مصدقة الشي اللي قاعدة تشوف فيه نص وجهو مشوه مفيه حتى معالم الآن برك عرفت علاه ديما مغطي وجهو علاه كل ماتجي تحكي معاه يدور وجهو للجهة الأخرى حست بألمو قلبها و جعها عليه تمنات تروح تجري ليه و تحضنو تقولو ما تحشمش بشكلك أنت راجل و الرجال عمرها ما تتقاس بمظهرها لكنها مفهمتش وش قصدو بلي والدها هو سبابو معقولة يكون عمل فيه و في عايلتو هاذ الشي القذر مش قادرة تصدق.
-بقا يشوف فيها و علامات الصدمة باينة على وجها تكلم بكل ألم:نشوف فيك مصدومة يا ترى من أنو والدك هو لي عمل في وجهي هكذا و لا بسبب أنك تزوجتي بواحد مشوه كيفي بعدما كنتي راح تتزوجي بهشام لي عندو كلش مال وجاه و وسامة.
-بقات تخزر ليه و هي موش مركزة مع كلامو أصلا الشي لي شافتو جمدها و جمد احاسيسها جات راح تحكي لقاتو رجع تكلم من غير ما يخليلها مجال:رحلة عذابك معايا بدات من اليوم مع الأسف راح تكملي حياتك مع هاذ الوحش راح تكوني خدامتي و كلبتي المطيعة ماكلتي نحبها حاضرة في وقتها قشي ديما مغسول و مطبق غرفتي إياك نلقاك جالسة فيها راح تنامي هنا فالصالة و أنا فالغرفة الخروج نقتلك لوكان نسمع بيك خرجتي من غير إذني و إياكي يغرك شيطانك و تحبي تهربي أقسم بالله غير نجبدك حتى لو كنتي في كرش الحوت مفهوم
-بقات تشوف فيه و عينيها كيف الشلال هبطت راسها و تكلمت بصوت ضعيف مذلول:مفهوم إذا كان عذابي يريحك و يبردلك شوية من النار لتحس بيها فأنا قابلة قابلة نكون قربان لانتقامك قابلة نكون الماء لي طفي بيه نارك دير فيا وش تحب إذا كان هاذ الشي يرضيك و يريحك أنا عن نفسي مش نعترض و لا نشكي طلعت راسها و شافت فيه بعينيها الخضر اللامعين اطمن يا يونس و مش راح نهرب أنا تربيت على الأصول و المرأة الحرة عمرها لا تهرب من دار راجلها و جيبلو العار إلا إذا طردها هو.
-بقا يسمع ليها حاير حاير من هاذ الطفلة مناش مصنوعة كتلة قوة مع ضعف مع براءة مع خوف مع نقاء مقدرش يفسرها و لا يفهمها معقولة مهما يعمل فيها و عمرها لا راح تهرب بقا يشوف فيها و في دموع عينيها لي يسيلو كيف حبات اللؤلؤ على وجها الصافي تمنى يروح يركض ليها يضمها و يدخلها وسط ضلوعو يمسح دموعها و يقولها خلاص من اليوم مكانش بكا لكنو وعى على روحو وعلى الشي لي يخمم فيه راح يركض ناحية الباب هارب منها و من مشاعرو لي تجتاحو كل ما شافها قفل الباب بالمفتاح و خرج مخلي مريم مرمية وسط الدار لامة رجليها و طالقة العنان لدموعها الوحيدين لقاعدين يواسيو فيها.