الحلقة 23:حليمة يا حليمة صدقتي الكذبة لحكيتهالك من سنين وربيتي الطفلة على أساس بنتي هههه ضهرتي ماتعرفينيش مليح تربيت على يدك و معرفتيش بلي مش نصيرة لترمي ولادها و لا نسيتي نفكرك عيشتك في كذبة و انتي كيف البهلولة امنتيها و عاونتيني عليها نحب نقولك يا عمتي الطفلة هذي بنت راجلي من مرا وحد أخرى امها ماتت و أنا جبتها ليك تربيها خاطش باباها مكانش علابالو بيها و مؤخرا عرف بلي بنتو حية و راهو ملهوف على شوفتها قبل ماتغمض عينو يرضيك الراجل يموت و يدي حرقة بنتو معاه القبر مش حليمة لديرها. -كنت نحسب روحي نربي في مرأة ظهرت ربيت شيطان لهاذ الدرجة هان عليك الكذب خدعتي الراجل و خدعتيني و الطفلة راحت بين الرجلين كيفاه تقابلي مولاك و انتي عامرة ذنوب كيفاه يالي حسبتك بنتي لمجابتهاش هاد الكرش طعنتي هاذ القلب مرتين يا نصيرة مرتين و هذا المرة طعنتك أقوى خليتيني نشارك جريمتك بلا منفيق قلتيلي غلطت يا حليمة و غلطتي كبيرة قلتيلي الطفلة حالف لا يقتلها راجلي بعد ما سامحني و قالك نقبلك انتي و هي منقبلهاش ترجيتيني و قلتي بنتي معندي عليمن نأمن عليها من غيرك يا عمتي و أنا كي البغلة أمنتك و شفقت على الطفلة قتلك يا نصيرة راني إذا ديتها مجيش نهار و تقولي هاتيها قلتي وعد من اليوم متشوفيش وجهي و هاكي بعد 18سنة رجعتي تديها وش نقول للطفلة أنا وش نقولها. -مسحت نصيرة دمعتها قبل ما تهبط و قاتلها قولها الصح يا حليمة خلي الشمل يتلم و الطفلة تعيش بين عايلتها طفي نار باباها بشوفتها كل منشوفو يبكي عليها نحس بغلطتي جاية نصلح غلطتي يا حليمة على الأقل نكون درت حاجة مليحة فحياتي خمي مليح فمصلحة الطفلة انتي كبرتي و العمر عندو حقو خليها تضمن عايلة تحميها و تعيش وسطها كيف الناس ماجات تكمل هدرتها حتى تشوف في حليمة و جها صفار و تحاول دخل الهواء بسيف جات باه تحكمها سبقتها هي وطاحت. -خرجت مريم تجري من الدار بعد ما سمعت صوت خبطة وصلت للباب و هنا كانت الصدمة جداها طايحة فالارض و و بجنبها راكعة هذيك لمرأة تحاول تنوضها.
أنت تقرأ
كرونيك#الظل
Romanceقصة رومنسية درامية إجتماعية تجمع في طياتها الكثير من المشاعر المتناقضة و الأحداث المشوقة من حقد و كره و إنتقام🖤🖤🖤🖤و من عشق و غرام و هوس ❤❤❤معاناة و تضحية 😢😢😢حب من طرف واحد💔💔💔و الكثير الكثير من المفاجآت 💣💣💣💣💣💣💥💥💥💥💥💥💥🔞🔞🔞
