الحلقة 51:في سيارة وليد كان يسوق و يرحي فالدخان رحيان حس بلي فقد ديك المعزة و داك الاحترام من عند باباه هذا وين تأكد بلي صعيب باه يسامحو على الشيء لدارو و لي قتلاتو أكثر أنو هانو قدام كامل العايلة،حس بلمسة يد دافية تحطت على يدو دار ليها تبسمتلو ابتسامة دافية:مديرش في بالك مهما كبرت بينكم المشاكل مستحيل راح يبقى هاز في قلبو عليك طول العمر أنت برك أعرف كيفاه تراضيه و هو أكيد مراحش يهون عليه ولدو.
-حس بكلامها كيف البلسم أكيد راح يجي نهار و يسامحني بعدها و كأنو تفكر كيفاه يسامحك و أنت غلطتك كبيرة و كبيرة بزاف تكلم بصوت مسموع وباسلها يدها المحطوطة عليه إن شاء الله يا مريم إن شاء الله.
-وصلو لبوابة لقصر فتحلهم يونس الباب و هي غير شافتو بقات تشوف فيه عينيها معلقة بكل إنش من جسمو تمنات فذيك اللحظة تروح تجري عندو ترفعلو راسو تنحيلو قبعة المعطف و تتمعن في كل حاجة في وجهو فاقت من سرحتها وقت حط وليد يدو على كتفها وقالها وصلنا حست بخدودها شعلو من السخانة خافت ليكون خوها شافها و هي تخزر فيه.
-في الجهة الأخرى كان واقف يشوف في نظراتها الطويلة لكلاتو مفهمش و علاه هاذ النظرات لكن لي فاهمو و متاكد منو أنها حابة تشوف وجهو حابة تتأمل ملامحو و تعرف شكلو كيفها كيف غيرها لجاهم الفضول ناحيتو :حتى و إذا شفتي وجهي يا مريم راح تكون ردة فعلك كيفهم راح تهربي و تتمناي لو أنك مشفتنيش.
-دخلت مريم للقصر كانت راح تصعد لغرفتها بعدها قالت خلي نروح للمطبخ على الأقل منبقاش وحدي لقات زوج خدامات يغسلو فالصحون دارت ليها سهيلة بعدما حست بخطواتها:لالة مريم كشما تحتاجي.
-لا مليت وحدي قلت خلي كشما نعاونكم و نحيو كلمة لالة اسمي مريم مريم برك.
-تبسمتلها سهيلة بحب:لا خلاص رانا كملنا المواعن غسلناهم و الغدا وجد.
-خلاص مالا نتغداو كامل مع بعض هنا فالمطبخ مش حابة ناكل وحدي. جات تحكي سهيلة قاطعتها مريم بترجي:الله يخليك و الله قنطت وحدي
-استسلمت سهيلة لرجاء هذه البريئة و قعدو يتبادلو أطراف الحديث في جو لا يخلو من المرح و الضحك كانت مريم خفيفة الظل و ضحاكة على عكس ما تبان عليه هادية و رزينة كان أغلب حديثهم على دوارها و على مغامراتها مع عمها الميلود و كيفاه كل يوم تاكل سبة منو في جرة نعجاتها.
-ههههههه و الله ضحكتيني يا مريم و أنا نقول وشبيه وجهك يلمع لمعان و هو دفال الميلود عاطي مفعولو.
-اعععع متفكرينيش و بعدها تنهدت يا درا وش أحوالو و الله توحشتو.
-أممم توحشتيه و لا توحشتي دفالو يا لفعة.
-سهييلة خلاص و الله حكيتلك و ندمت
-جاوبتها بمزاح سامحينا يا لالة منزيدش نضحك لا على الميلود و لا على دفالو رضيتي علينا.
-اححم سهيلة معليش نسقسيك.
-سقسي مريومة غير الخير
أنت تقرأ
كرونيك#الظل
Romanceقصة رومنسية درامية إجتماعية تجمع في طياتها الكثير من المشاعر المتناقضة و الأحداث المشوقة من حقد و كره و إنتقام🖤🖤🖤🖤و من عشق و غرام و هوس ❤❤❤معاناة و تضحية 😢😢😢حب من طرف واحد💔💔💔و الكثير الكثير من المفاجآت 💣💣💣💣💣💣💥💥💥💥💥💥💥🔞🔞🔞
