الحلقة 18: تمتمت بين شفايفها نصيرة أكيد جاية تدي الأمانة بصح مستحيل نفرط فيها مش بعد مربيت و كبرت جي هي تديها نقتلها و منخليهاش تديرها لملمت قوتها وتكلمت بصوت صارم:واش جابك ليا بعد هاذ السنين علاه وليتي ضهرتي في حياتي من جديد وش تحوسي من عندي؟؟؟ - أنا و أنتي علابالنا علاه جيت مالا مكان لاه نطولو بزاف فالهدرة لحق الوقت باه نرجع أمانتي يا حليمة هه و لا نقولك يا عمتي حليمة. - ما يشرفنيش نكون عمتك و نكره الدم لي يمشي في عروقي كي عاد نفس دمك صلة القرابة لي بينا تقطعت من سنييييييين سنين طويلة و اليوم ما بقا بيناتنا والو -كاين يا حليمة كاين الطفلة كبرت خلاص و لازم نديها معايا-وين تديها ؟ قولي تديها للخمج لي كنتي فيه حابة ترجعي منها نصيرة ثانية مستحيل مش بعد تعبي عليها سنين جي تديها-راح نديها عند باباها و خاوتها تتعرف عليهم و تعيش معاهم *حليمة*:هههه شكون باباها فيهم و كيفاه راح يستعرف بيها بعد كل هاذ السنين يخي قلتي جبتها مع راجل وحد أخر في الحرام و راجلك سامحك على الخيانة بشرط تتخلاي عليها هذا وين حنيتي في بنتك هذا وين حسيتي بيها بعدما كبرت ولات مراة أقتليني و قطعي لحمي و بعدها اديها .
أنت تقرأ
كرونيك#الظل
Romanceقصة رومنسية درامية إجتماعية تجمع في طياتها الكثير من المشاعر المتناقضة و الأحداث المشوقة من حقد و كره و إنتقام🖤🖤🖤🖤و من عشق و غرام و هوس ❤❤❤معاناة و تضحية 😢😢😢حب من طرف واحد💔💔💔و الكثير الكثير من المفاجآت 💣💣💣💣💣💣💥💥💥💥💥💥💥🔞🔞🔞
