كرونيك#الظل

#الظل_الحلقة30

الحلقة 30:كان يستنى فيها في الطومبيل نتاعو شافها جاية من بعيد الفرحة مش سايعتها تزرب في خطواتها تحب توصلو بأقصى سرعة متوحشاتو فوق الحق رغم أنها صباح برك شافتو بعد ماعاد هو ليديها و يجيبها من الكلية فتحت باب السيارة و باستو على خدو بوسة طويلة تعبر على مدى حبها كان يشوف في عينيها حب متأكد بلي حتى مرأة مراح تحبو كيفها لكن واش يدير هو ميحبهاش و عمرو متخيلها كحبيبة راح تكون مجرد وسيلة إنتقام يرد بيها كرامتو و كرامة أختو و عايلتو راح يخلي هشام يترجاه باه يتزوجها و بعدها يطلقها و يعاود يشوف حياتو -تخزرلو حايرة في سكوتو ملي ركبت معبرهاش بحتى كلمة زعما يكون نادم على قرار زواجهم و لا وش كاين قطعت هاد السكوت و قالت:وليد وش بيك ساكت كشما عندك مشكل ولا حاجة مقلقاتك. -حاير يا ميساء حاير و ملقيتش حل حاس روحي ضايع و دروبي مقطوعة هشام خوك واضح أنو ميبس راسو بخصوص زواجنا و أنتي كل ما نقولك أهدري معاه و أقنعيه تقوليلي منقدرش و نخاف منو خصوصا بعد ما ضربك آخر مرة. -عينيها غرغرو بالدموع حست بلي راح تخسرو خلاص ركايبها فشلو تستنى فيه غير وكتاه يقولها حبسنا كل واحد يروح في طريقو تكلمت بصوت مرجوف و مخلط بالدموع:وليد حاب تحبس إذا حاب تحبس أنا نطقتها و هي حاسة روحها راح تطلع أنا معنديش مشكل تق..مخلاهاش تكمل و تكلم بغش كيفاه تقولي هكذا كيفاه تقولي نحبسو بعد ما والفت بيك منقدرش لكن إنتي مكيش مساعدتني كل منقولك أتصرفي توعديني و غدوة نلقاك مدرتي والو مبقاش عندنا حل مبقاش يا ميساء الحل الوحيد لكاين هو أني و مقدرش يكملها. -تكلمت بلهفة كيف الغريق لي لقا قشة يتعلق بيها واش هو يا وليد واش هو قولو و خلينا نديروه و نحطوهم تحت الأمر الواقع . -صعيب يا ميساء صعيب مش وليد لي يديرها في بنت عمو راكي لحمي و دمي و شرفك شرفي منقدرش نغامر و ندير حاجة كيما هذي فيك سامحيني لكن لازم نتف... قاطعاتو ميساء و هي تبكي على طولها منقبلهاش يا وليد متوقلهاش مش بعد معطيتني أمل و قتلي راك بديت تتعلق بيا تجبد بيا خلاص خلينا نديرو هاذ الحل لي قتلي عليه هاك قلتها بفمك صعيب لكن مش مستحيل أنا مستعدة ندير أي حاجة تطلبها المهم منبعدوش على بعضانا.