الحلقة 178:وصلت طومبيلو قدام دار محمد و قبل ما يهبط دار لمريم ينبه فيها : ابقاي هنا متلحقينيش خرج بزربة مخلي مخها يدي و يجيب مش فاهمة حاجة علاش جاي هنا مش هاذي دار ماما غير جات لبالها هاذ الكلمة قلبها رجف و الأمل رجعلها تبسمت بفرحة: معقولة تكون هنا غطات ولدها مليح و فتحت الباب متجاهلة كلام يونس....
- في نفس الوقت كان يونس يدق فالباب بكل قوتو و ماهي إلا ثواني و تفتح... تكلم محمد باستغراب: شكون أنت؟؟؟؟؟
-شكون أنا يا الرخيس وفاء وين؟؟؟ حط يدو على رقبتو يخنق فيه و الشر يتطاير من عينيه: وين ديتها يا طحان أحكي وين ديتها مكفاكش الشي لي عملتو فينا من سنين و مزال حقدك مبراش يحكي و يديه كل مرة يزيرو على رقبتو أكثر و أكثر لدرجة زراق و عينيه تحول لونهم للأحمر ...جات مريم داخلة للدار لكن تفاجأت بالشي لي قدامها: عيطت على طول صوتها يووونس أطلق الراجل راح تقتلو...
-هدرتها فيقاتو على وضعو طلق منو خلاه يلهث و ياخذ فالنفس دار ليها يغلي: وش قلت لقسامك أنا مش قتلك متخرجيش ....
-الحمد لله لي خرجت ولا كنت راح تقتل الراجل
-بعدما استرجع شوية من أنفاسو تكلم بصوت مبحوح: شكون نتوما وش تحوسو من عندي؟؟؟
-دار ليه مرة أخرى و تكلم بكل حقد: أنا هو عزرائيل لي راح ياخذ روحك كيما خذيت روح صاحبك و مرتو من عشرين سنة؟؟؟
-استغرابو زاد اكثر و اكثر: وين تعرف محسن أنت؟؟؟
-تكلم باستهزاء و جهك صحيح و تنطق في اسمو عادي..بصح وش نتوقع من واحد غدار حرق صاحبو بكل دم بارد رامي وراه عشرة سنين.
-محمد ملامحو تحولت من الاستغراب للغضب تكلم بصوت عالي يدافع على روحو: مقتلتوش و الله مقتلتو
-كذذذذااااااااااااااب
--قتلك مقتلتوش يشهد عليا ربي أني بريء من دمو أنا لا يمكن نغدر بصاحبي وخويا ....قاطعو يصرخ: تكذب سمعتك بوذني ليلتها سمعتك و أنت تقول راح نحرقكم كامل....
-كلامو شلو صدمو و خلاه هابل: أنت شكون؟؟؟!!!!يو..يو..نس.. قالولي مات .
-لا ماماتش يا ..قالها باستهزاء يا محمد ولد صاحبك ماماتش قاوم الموت وقاوم لحياة و قاوم كلام الناس و الماضي على جال هاذ اليوم اليوم لي نقتلك فيه و ناخذ بثاري منك.
-ضحك بفرحة و عينو نزلت منها دمعة شكر و امتنان : يون...س..يونس يعني أنت عايش..أنت عايش و مامتش كيما قالولي...الحمد لله يا ربي الحمد لله يا ربي
-هه يعني حاب نصدق هاذ التمثيلية لي قاعد دير فيها.
-نعرف يا يونس أنك حاقد عليا و نعرف أنك كارهني و تحسب أني أنا لي قتلت والديك لكني صدقني يا بني مش هاذي هي الحقيقة هوما غشوك و خدعوك و وجهوك للجهة الغالطة مش أنا لي قتلتهم أنا مجرد ضحية كيفي كيفهم غريمك و غريمي شخص آخر عايش و يتنعم بالحرية على حساب الاخرين.
-اممم صح يعني عشرين سنة كامل حبس و أنت مظلوم.
-نعرف صعيب باش تصدقني لكن هذه هي لحقيقة كاين بزاف حوايج صراو من عشرين سنة وقتها كنت صغير و تحكم غير بلي شافتو عينك.
-هه و شكون هاذ المجرم لي عمل هاذ الشي قالها باستهزاء.
-نهار تصدق و لو شوي من كلامي ساعتها ارواح عندي نحكيلك كلشي..أما وفاء معندي عليها حتى معلومة أنا اصلا خرجت معنديش ساعتين وين راح نعرف مكانها .
-كلامو دخل فيه شوية شك زعمة يكون خاطي هو لي عملها و عدوو الحقيقي كان برا يتنعم بالحرية...
-كانو يحكو و غافلين على ذيك الطفلة لي تسمع فكلامهم و دموعها على خدها مش مصدقة الشي لي قاعدة تسمع فيه يعني هاذا هو باباها هذا هو لي جابها للدنيا هذا هو لي بسبتو صراو كامل هاذ المشاكل هذا هو لي خرب الدنيا بفعلتو و خلا يونس ينقم عليها و يتزوج بيها غير علاجال الثار هزت راسها ليهم تكلمت بهمس خفيف لكنو مسموع ليهم: أن..أنت...هو...با...با..
أنت تقرأ
كرونيك#الظل
Romantizmقصة رومنسية درامية إجتماعية تجمع في طياتها الكثير من المشاعر المتناقضة و الأحداث المشوقة من حقد و كره و إنتقام🖤🖤🖤🖤و من عشق و غرام و هوس ❤❤❤معاناة و تضحية 😢😢😢حب من طرف واحد💔💔💔و الكثير الكثير من المفاجآت 💣💣💣💣💣💣💥💥💥💥💥💥💥🔞🔞🔞
