الحلقة 80:بقا ماسك يدها مشى و جرها وراه مسكتلو يدو بيدها الأخرى و تكلمت بصوت خافت معليش نحكي مع خالتي نصيرة شوي قبل ما نمشيو هزلها براسو ورخف يدو على يدها تقدمت بخطوات ثقال لكن هاذ المرة واثقين هي بريئة عند ربي و معندها مناش تخاف هوما لي ظلموها و اتهموها و جرحوها و مصدقوهاش و صلت عند هند و نصيرة لي الضحة واصلة لوذنيهم كيف لا و هوما تخلصو أخيرا من أكبر عائق ليهم وصلت هزت راسها بكل شموخ على عكس حالتها الصباح شافت فيهم بكل ثقة و تكلمت بقوة هي بنفسها حارت منين جابتها:حبيت نقولكم هاذ الكلمتين و بعدها نروح أنا صح راح نروح و راح نختفي من حياتكم لكن ديرو حاجة في بالكم أنو هاذ الطفلة لي ظلمتوها عمرها مراح تخطيكم راح تبقى ديما جيكم فمنامكم راح تبقى ديما مفسدتلكم فرحتكم فرحتكم لمهما تعملو راح تبقى ناقصة لانو من داخل في ضميركم عارفين أنكم ظلمتو إنسانة و اتهمتوها في شرفها و عرضها راح نروح لكن متأكدة أنو يجي يوم و نرجعو نتقابلو مش واثقة إذا فالدنيا لكن متأكدة راح نتلقاو فالآخرة يوم تلتقي الخصوم ساعتها ربي من عالي سماه راح يظهر الحق و يبين الظالم من المظلوم ما عندي حتى سلاح نواجهكم بيه غير حسبي الله و نعم الوكيل قالت كلماتها و دارت مشات حاسة روحها الآن مرتاحة مدامها مظلومة مش ظالمه لازم ترتاح لانو عمر ينام لكن رب عمر لا ينام هو من عالي سماه شايفها و داري بيها وراح يجيبلها حقها مشات لمرحلة جديدة و حياة جديدة مش عارفة وش مخبيتلها شافت فيه تبسمتلو و قاتلو هيا.
-بقاو يشوفو فيها مصدومين حتى و لو عملو رواحهم مش مهتمين لكن من داخل قاسهم كلامها و حسو بالخوف لانهم عارفين انهم ظالمينها و كلمة حسبي الله و نعم الوكيل لو تقالت فيك و أنت ظالم فمهما كنت قوي و جبار إلا أنها راح تزعزك من داخل لانها وكلت لي قوى منك و منها عليك.
-كان يشوف فيها كيف تحكي بكل ثقة مع هند و نصيرة جاه الفضول يعرف وش قاعدة تحكيلهم قاعد يشوف في جانب فيها عمرو لا شافو تمنى لو كانت الكيمياء موجودة بيناتهم حتى يقدر يسألها وش قلتيلهم شافها و هي جاية عندو و البسمة على وجها كذب و قال مستحيل تكون هذي نفسها لي قبل بدقايق كانت دايخة و دموعها على خدها.
و صل عند موطوه و هي وراه دار الكاسك و عطاها واحد هزاتو و بقات تشوف فيه واش هو هاذا تنفس بملل خذاه من يدها و حطهولها على راسها تكلم و قالها اركبي ورايا و بالاكي تفلتي يديك مني هزتلو براسها شافتو ركب طلعت وراه و قعدت.
غير دار شاف الروبة تشمرت و بانو سيقانها زير يديه على المقود و قالها بصوت غاضب آخر مرة لما تركبي نشوف سيقانك يبانو فهمتي.
هي ترعبت من نبرتو و تكلمت بكل خوف: حاضر غير كملت كلمتها ديمارا باقصى سرعة خلاها تترعب و تلصق كامل جسمها فيه.
أنت تقرأ
كرونيك#الظل
Romanceقصة رومنسية درامية إجتماعية تجمع في طياتها الكثير من المشاعر المتناقضة و الأحداث المشوقة من حقد و كره و إنتقام🖤🖤🖤🖤و من عشق و غرام و هوس ❤❤❤معاناة و تضحية 😢😢😢حب من طرف واحد💔💔💔و الكثير الكثير من المفاجآت 💣💣💣💣💣💣💥💥💥💥💥💥💥🔞🔞🔞
